Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມ ຊຸກຍູ້ວຽກງານກອງທຶນທານຸເຄາະ ແລະ ກອງທຶນຊ່ວຍເຫຼືອເຊິ່ງກັນ ແລະ ກັນ

1 min read

ກອງປະຊຸມ ຊຸກຍູ້ວຽກງານກອງທຶນທານຸເຄາະ ແລະ ກອງທຶນຊ່ວຍເຫຼືອເຊິ່ງກັນ ແລະ ກັນ.

ກອງປະຊຸມໄດ້ຈັດຂຶ້ນ ໃນຕອນເຊົ້າຂອງວັນທີ 23 ກໍລະກົດ 2020 ທີ່ຜ່ານມາ, ຢູ່ທີ່ຫ້ອງປະຊຸມ ສະໂມສອນເມືອງຊະນະຄາມ ແຂວງວຽງຈັນ,

ໂດຍພາຍໃຕ້ການເປັນປະທານຂອງທ່ານ ຄໍາພູທອນ ເທບສຸພົມ ກໍາມະການພັກແຂວງ ປະທານຄະນະບໍລິຫານງານສະຫະ ພັນກໍາມະບານແຂວງວຽງຈັນ, ໃນພິທີດັ່ງກ່າວ ຍັງໄດ້ເປັນກຽດຕ້ອນຮັບການເຂົ້າຮ່ວມເປັນປະທານຂອງທ່ານ ຍອດ ບຸດສະບູນ ຄະນະປະຈໍາພັກເມືອງ ປະທານແນວລາວສ້າງຊາດເມືອງ ຜູ້ຊີ້ນໍາວຽກງານອົງການຈັດຕັ້ງມະຫາຊົນຂັ້ນເມືອງ, ມີທ່ານ ສຸກສະຫວັນ ສິງອາໄພ ກໍາມະການພັກເມືອງ ປະທານຄະນະບໍລິຫານງານສະຫະພັນກໍາມະບານເມືອງ, ມີບັນດາຄະນະຮັບຜິດຊອບຂັ້ນແຂວງ, ຂັ້ນເມືອງ ແລະ ບັນດາຄະນະບໍລິຫານງານສະຫະພັນກໍາມະບານຮາກຖານອ້ອມຂ້າງເມືອງເຂົ້າຮ່ວມ ຢ່າງພ້ອມພຽງ.


ທ່ານ ສຸກສະຫວັນ ສິງອາໄພ ກໍາມະການພັກເມືອງ ປະທານຄະນະບໍລິຫານງານສະຫະພັນກໍາມະບານເມືອງ ໄດ້ຂຶ້ນຜ່ານບົດລາຍງານການຈັດຕັ້ງປະຕິບັດວຽກງານກອງທຶນຊ່ວຍເຫຼືອເຊິ່ງກັນ ແລະ ກັນ, ກອງທຶນທານຸເຄາະ ຂອງສະຫະພັນກໍາມະບານເມືອງປະຈໍາ 6 ເດືອນຕົ້ນປີ 2020 ຂຶ້ນ, ເຊິ່ງກອງທຶນສະຫະພັນກໍາມະບານເມືອງ ປະກອບມີປະທານກອງທຶນ 1 ທ່ານ, ຮອງປະທານ 1 ທ່ານ ແລະ ຄະນະ 1 ທ່ານ, ໃນງວດ 6 ເດືອນຕົ້ນປີມີສະມາຊິກເຂົ້າໃໝ່ຈໍານວນ 33 ຄົນ, ປະຈຸບັນມີສະມາຊິກທັງໝົດ 864 ຄົນ, ຍິງ 343 ຄົນ, ດ້ານດີ: ໃນໄລຍະຜ່ານມາຄະນະກໍາມະການແຕ່ລະຂັ້ນ ໄດ້ເອົາໃຈໃສ່ຕິດຕາມຊຸກຍູ້, ກວດກາ ແລະ ຊີ້ນໍາການເຄື່ອນໄຫວວຽກງານກອງທຶນຢ່າງປົກກະຕິ, ບັນດາສະມາຊິກກອງທຶນສ່ວນຫຼາຍໄດ້ປະຕິບັດຖືກ ຕ້ອງຕາມລະບຽບຂອງກອງທຶນ ກໍ່ຄືພັນທະມອບເຂົ້າກອງທຶນເປັນປົກກະຕິ, ເປັນເຈົ້າການໃນການຄຸ້ມຄອງລາຍຮັບ ແລະ ລາຍຈ່າຍເປັນຢ່າງດີ; ດ້ານອ່ອນ: ຍັງມີຮາກຖານ ແລະ ສະມາຊິກຈໍານວນໜຶ່ງ ຍັງກໍາບໍ່ທັນແໜ້ນຕໍ່ກັບລະບຽບຂອງກອງທຶນ ເຮັດໃຫ້ການປະຕິບັດພັນທະມອບ-ຮັບຍັງຊັກຊ້າ ແລະ ແກ່ຍາວເວລາ, ເຮັດໃຫ້ບາງໜ່ວຍຮາກຖານຍັງຄ້າງມອບເງິນກອງທຶນເປັນຈໍານວນຫຼາຍ.
ເພື່ອເປັນການກະຕຸກຊຸກຍູ້ວຽກງານໃຫ້ມີການເຄື່ອນໄຫວຢ່າງຄ່ອງຕົວ, ມີຄວາມຊັດເຈນ ແລະ ຖືກຕ້ອງ, ສາມາດບັນລຸແຜນການທີ່ໄດ້ກໍານົດອອກໃນ 6ເດືອນທ້າຍປີ ກໍ່ຄືໃນຊຸມປີຕໍ່ໜ້າໃຫ້ມີບາດກ້າວອັນໃໝ່ ແລະ ໃຫ້ມີຜົນສໍາເລັດຕາມລະດັບຄາດໝາຍ, ໃນພິທີໄດ້ຮັບຟັງການຜ່ານກົດລະບຽບຂອງກອງທຶນຊ່ວຍທານຸເຄາະ ແລະ ກອງທຶນຊ່ວຍເຫຼືອເຊິ່ງກັນ ແລະ ກັນ

ນໍາສະເໜີໂດຍ ທ່ານນາງ ບຸນຄໍ້າ ສີສຸທໍາ ປະທານກວດກາກອງທຶນແຂວງວຽງຈັນ ແລະ ຍັງໄດ້ຮັບຟັງການລາຍງານ ຜົນສໍາເລັດກອງປະຊຸມໃຫຍ່ຄັ້ງທີ VII ຂອງສະຫະພັນກໍາມະບານແຂວງວຽງຈັນ ນໍາສະເໜີໂດຍ ທ່ານ ຄໍາພູທອນ ເທບສຸພົມ ກໍາມະການພັກແຂວງ ປະທານຄະນະບໍລິຫານງານສະຫະ ພັນກໍາມະບານແຂວງວຽງຈັນ.


ໃນຕອນທ້າຍຂອງກອງປະຊຸມ ຍັງໄດ້ຮັບຟັງການມີຄໍາເຫັນໂອລົມ ແລະ ມີທິດຊີ້ນໍາຈາກຄະນະປະທານ, ພ້ອມທັງມີການມອບ-ຮັບອຸປະກອນໃຊ້ຫ້ອງການ( ຄອມພີວເຕີ) ຈໍານວນ 1 ຊຸດ, ເພື່ອຮັບໃຊ້ເຂົ້າໃນການເຄື່ອນໄຫວວຽກງານ, ໂດຍການຂຶ້ນມອບຂອງທ່ານ ທ່ານ ຄໍາພູທອນ ເທບສຸພົມ ກໍາມະການພັກແຂວງ ປະທານຄະນະບໍລິຫານງານສະຫະພັນກໍາມະບານແຂວງວຽງຈັນ ແລະ ຂື້ນຮັບໂດຍທ່ານ ສຸກສະຫວັນ ສິງອາໄພ ຊ້ອງໜ້າບັນດາຄະນະຮັບຜິດຊອບ ແລະ ຜູ່ເຂົ້າຮ່ວມຢ່າງພ້ອມພຽງ.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930