Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄອບຄົວລັດຖະມົນຕີກະຊວງ ຖວທ ມອບອຸປະກອນການຮຽນ ແລະ ເຄື່ອງກິລາໃຫ້ໂຮງຮຽນປະຖົມສົມບູນບ້ານນາທອງ ເມືອງວັງວຽງ

1 min read

ຄອບຄົວລັດຖະມົນຕີກະຊວງ ຖວທ ມອບອຸປະກອນການຮຽນ ແລະ ເຄື່ອງກິລາໃຫ້ໂຮງຮຽນປະຖົມສົມບູນບ້ານນາທອງ ເມືອງວັງວຽງ.


ໃນວັນທີ 27 ກໍລະກົດ 2020 ທີ່ຜ່ານມາ, ທ່ານ ນ. ວຽງເງິນ ໄຂຄຳພິທູນ ພັນລະຍາຂອງທ່ານ ສາດສະດາຈານ ປອ ກິແກ້ວ ໄຂຄຳພິທູນ ລັດຖະມົນຕີກະຊວງ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ນຳເອົາອຸປະກອນການຮຽນ ແລະ ເຄື່ອງກິລາ ເຊິ່ງປະກອບມີ: ກະເປົານັກຮຽນ ຈຳນວນ 16ໜ່ວຍ, ເຄື່ອງກິລາ 16 ຊຸດ, ບານເຕະ 4 ໜ່ວຍ, ປຶ້ມຂຽນ ແລະ ບິກ ອີກຈຳນວນໜຶ່ງ ລວມມູນຄ່າທັງໝົດ 3 ລ້ານກວ່າກີບ ມາມອບໃຫ້ໂຮງຮຽນປະຖົມສົມບູນບ້ານນາທອງ ເມືອງວັງວຽງ ແລະ ກ່າວຮັບໂດຍ ທ່ານ ພົມມີມມີ ຄຳມະວົງ ຜູ້ອຳນວຍການໂຮງຮຽນດັ່ງກ່າວ, ເຂົ້າຮ່ວມໃນຄັ້ງນີ້ມີ ທ່ານ ສູນທອງຄຳ ອາດີດເຈົ້າເມືອງວັງວຽງ, ຄູອາຈານ, ນ້ອງນັກຮຽນໂຮງຮຽນດັ່ງກ່າວ, ຜູ້ປົກຄອງ ແລະ ນາຍບ້ານ ເຂົ້າຮ່ວມ.


ທ່ານ ນ. ວຽງເງິນ ໄຂຄຳພິທູນ ກ່າວວ່າ: ເຄື່ອງທີ່ນຳມາມອບໃນຄັ້ງນີ້ເຖິງວ່າມູນຄ່າບໍ່ຫຼວງຫຼາຍແຕ່ກໍ່ແມ່ນນ້ຳໃຈອັນໜຶ່ງທີ່ຢາກປະກອບສ່ວນມອບໃຫ້ນັກຮຽນ ແລະ ຄູອາຈານໂຮງຮຽນແຫ່ງນີ້ເພືື່ອເຮັດໃຫ້ຫຼານນ້ອຍນັກຮຽນໄດ້ມີອຸປະກອນຮັບໃຊ້ໃນການຮຽນ ແລະ ອຸປະກອນກິລາ ໃນການອອກກຳລັງກາຍຂອງຫຼານນ້ອຍນັກຮຽນໃຫ້ມີສຸຂະພາບແຂງແຮງ ກາຍເປັນອະນາຄົດຂອງຊາດ.


ທ່ານ ພົມມີ ຄຳມະວົງ ຜູ້ອຳນວຍການໂຮງຮຽນປະຖົມສົມບູນນາທອງ ໄດ້ສະແດງຄວາມຂອບອົກຂອບໃຈຕໍ່ຄອບຄົວຂອງທ່ານລັດຖະມົນຕີກະຊວງ ຖວທ ທີ່ມີນ້ຳໃຈປະກອບສ່ວນຊຸກຍູ້ຫຼານນ້ອຍນັກຮຽນ ກໍ່ຄືໂຮງຮຽນປະຖົມສົມບູນນາທອງໃຫ້ໄດ້ມີອຸປະກອນການຮຽນ ແລະ ກິລາ ເພື່ອມາຮັບໃຊ້ພາຍໃນໂຮງຮຽນຫວັງວ່າຄັ້ງຕໍ່ໆໄປຈະໄດ້ຮັບການຊ່ວຍເຫຼືອຕື່ມອີກ.

ຂ່າວ: ແກ້ວອຸດົມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031