Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຊະນະຄາມ ແຂວງວຽງຈັນ ຈັດພິທີປ່ອຍປາລົງສູ່ແຫຼ່ງນໍ້າທໍາມະຊາດ ເນື່ອງໃນໂອກາດວັນປ່ອຍປາ ແລະ ວັນອະນຸລັກສັດນໍ້າ-ສັດປ່າແຫ່ງຊາດ ( ວັນທີ 13 ກໍລະກົດ ) 

1 min read

ເມືອງຊະນະຄາມ ແຂວງວຽງຈັນ
ຈັດພິທີປ່ອຍປາລົງສູ່ແຫຼ່ງນໍ້າທໍາມະຊາດເນື່ອງໃນໂອກາດວັນປ່ອຍປາ ແລະ ວັນອະນຸລັກສັດນໍ້າ-ສັດປ່າແຫ່ງຊາດ ( ວັນທີ 13 ກໍລະກົດ )


ວັນທີ 24 ກໍລະກົດ 2020 ທີ່ຜ່ານມາ, ຢູ່ທີ່ແຫຼ່ງນໍ້າທໍາມະຊາດຝາຍນໍ້າມີ້ເບີ 6 ບ້ານໂພນສະຫວ່າງ ເມືອງຊະນະຄາມ ແຂວງວຽງຈັນ, ໄດ້ຈັດພິທີປ່ອຍປາ ເນື່ອງໃນໂອກາດວັນປ່ອຍປາ ແລະ ວັນອະນຸລັກສັດນໍ້າ-ສັດປ່າແຫ່ງຊາດ ( ວັນທີ 13 ກໍລະກົດ),

ເຂົ້າຮ່ວມໂດຍທ່ານ ສະໝານ ວິເສດຍະພົງສ໌ ເລຂາຄະນະບໍລິຫານງານພັກເມືອງເຈົ້າເມືອງໆຊະນະຄາມ, ມີບັນດາທ່ານຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ບັນດາພະນັກງານຫຼັກແຫຼ່ງ, ນັກທຸລະກິດ-ພໍ່ຄ້າຊາວຂາຍ, ອົງການປົກຄອງບ້ານ ແລະ ພໍ່່ແມ່ປະຊາຊົນພາຍໃນບ້ານ ແລະ ບ້ານໃກ້ຄຽງ ເຂົ້າຮ່ວມຢ່າງເປັນຂະບວນຟົດຟື້ນ.


ທ່ານ ຄໍາມີ ທອງປານສີ ວ່າການຫົວໜ້າຫ້ອງການກະສິກໍາ ແລະ ປ່າໄມ້ເມືອງ, ໄດ້ຂຶ້ນລາຍງານສະພາບການຈັດຕັ້ງປະຕິບັດວຽກງານສະເຫຼີມສະຫຼອງວັນດັ່ງກ່າວ ຕະຫຼອດໄລຍະຜ່ານມາຈົນເຖິງປະຈຸບັນ, ເຊິ່ງນັບຕັ້ງແຕ່ປີ 1997 ເປັນຕົ້ນມາ ຫ້ອງການກະສິກໍາ ແລະ ປ່າໄມ້ເມືອງ ໄດ້ເປັນເຈົ້າການໃນການຈັດຕັ້ງເຄື່ອນໄຫວວຽກງານດັ່ງກ່າວ,

ເອົາໃຈໃສ່ໃນການຊີ້ນໍາ-ນໍາພາ, ຊຸກຍູ້ສົ່ງເສີມໜ່ວຍງານທີ່ກ່ຽວຂ້ອງ, ຄະນະຜິດຊອບຂັ້ນເມືອງ ແລະ ບັນດາອົງການຈັດຕັ້ງຮາກຖານ, ຕະຫຼອດມວນຊົນພາຍໃນເມືອງ, ເປັນເຈົ້າການປະສານສົມທົບກັບບັນດາພາກສ່ວນຕ່າງໆໃນການຫ້າງກະກຽມ ແລະ ປຸກລະດົມແຫຼ່ງທຶນ, ເພື່ອຈັດກິດຈະກໍາດັ່ງກ່າວຕະຫຼອດໄລຍະເວລາຜ່ານມາຈົນເຖິງປະຈຸບັນ ເປັນເວລາ 23 ປີ; ປະຈຸບັນ ເມືອງຊະນະຄາມໄດ້ປ່ອຍປາລົງສູ່ແຫຼ່ງນໍ້າທໍາມະຊາດທັງໝົດ 15 ແຫ່ງ, ມີຈໍານວນປາຖືກປ່ອຍທັງໝົດ 4.366.000 ໂຕ, ສະເພາະຄັ້ງນີ້ເປັນປີທີ 24 ແລະ ເປັນຄັ້ງທີ 2 ທີ່ໄດ້ນໍາເອົາປາມາປ່ອຍຢູ່ສະຖານທີ່ດັ່ງກ່າວຈໍານວນທັງໝົດ 7.500 ໂຕ, ທັ້ງນີ້ກໍ່ເພື່ອເປັນການເພີ່ມພູນຄວາມອຸດົມສົມບູນໃຫ້ແກ່ທໍາມະຊາດ ແລະ ເປັນແຫຼ່ງອະນຸລັກພັນປາໃຫ້ມີຄວາມຫຼາກຫຼາຍ ກາຍເປັນແຫຼ່ງແຜ່ພັນທີ່ສໍາຄັນ ແລະ ກາຍເປັນແຫຼ່ງອາຫານທີ່ສໍາຄັນໃນການດໍາລົງຊີວິດຂອງປະຊາຊົນ.


ໃນພິທີຍັງໄດ້ຮັບຟັງການຂຶ້ນມີຄໍາເຫັນໂອ້ລົມຈາກທ່ານສະໝານ ວິເສດຍະພົງສ໌, ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍມາຍັງບັນດາຄະນະຮັບຜິດຊອບ, ອົງການປົກຄອງບ້ານ, ການຈັດຕັ້ງທຸກພາກສ່ວນທີ່ໄດ້ຫ້າງຫາກະກຽມຄວາມພ້ອມຕ່າງໆ ຕະຫຼອດຮອດຄວາມສາມັກຄີໃນການເຂົ້າຮ່ວມຂອງປວງຊົນ, ພ້ອມນີ້ທ່ານຍັງຍົກໃຫ້ເຫັນຄວາມໝາຍຄວາມສໍາຄັນຂອງການອະນຸລັກສັດນໍ້າ-ສັດປ່າ,

ພ້ອມທັງໄດ້ຍົກໃຫ້ເຫັນຜົນກະທົບຈາກການທໍາລາຍຊັບພະຍາກອນທໍາມະຊາດ, ຜົນກະ ທົບຈາກການໃຊ້ສານເຄມີ ແລະ ການນໍາໃຊ້ອາວຸດທີ່ຜິດກົດໝາຍເຂົ້າໃນການລ່າສັດປ່າ ແລະ ສັດນໍ້າ, ໂດຍທ່ານໄດ້ສະແດງຄວາມເປັນຫ່ວງເປັນໄຍ ພ້ອມທັງໄດ້ຮຽກຮ້ອງມາຍັງອໍານາດການປົກຄອງແຕ່ລະຂັ້ນໃຫ້ເອົາໃຈໃສ່ໃນການໂຄສະນາ, ສຶກສາອົບຮົມ, ເຜີຍແຜ່ວຽກງານດັ່ງກ່າວໃຫ້ແກ່ບັນດາພະນັກງານ ທະຫານ, ຕໍາຫຼວດ , ພໍ່ຄ້າຊາວຂາຍ ແລະ ພໍ່ແມ່ປະຊາຊົນທຸກຊົນເຜົ່າ, ຈົ່ງໄດ້ເປັນເຈົ້າການປະກອບສ່ວນເຂົ້າໃນການອະນຸລັກ ແລະ ປົກປັກຮັກສາຊັັບພະຍາກອນທໍາມະຊາດກໍ່ຄື ການອະນຸລັດສັດນໍ້າ – ສັດປ່າ ໃຫ້ເປັນໜ້າທີ່ອັນສໍາຄັນຂອງທຸກໆຄົນໃນສັງຄົມ.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031