Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ການຈັດຕັ້ງປະຕິບັດ ແລະ ພັດທະນາ ວຽກງານ ຂອງລັດວິສາຫະກິດໄຟຟ້າ ສາຂາແຂວງວຽງຈັນ

1 min read

ການຈັດຕັ້ງປະຕິບັດ ແລະ ພັດທະນາ ວຽກງານຂອງລັດວິສາຫະກິດໄຟຟ້າ ສາຂາແຂວງວຽງຈັນ ໃນໄລຍະຜ່ານມາ, ສາມາດປະຕິບັດໄດ້ຕາມຄາດໝາຍທີ່ໄດ້ຂຶ້ນແຜນໄວ້ໃນແຕ່ລະປີ.

ອັນພົ້ນເດັ່ນທີ່ສຸດແມ່ນສາມາດສະໜອງກະແສໄຟຟ້າໃຫ້ຜູ້ຊົມໃຊ້ທົ່ວແຂວງວຽງຈັນໄດ້ 100%, ສ້າງລາຍຮັບເຂົ້າງົບປະມານຂອງລັດໄດ້ຕາມຄາດ.

ນອກນັ້ນຍັງໄດ້ຕອບສະໜອງພະລັງງານໄຟຟ້າໃຫ້ໂຄງການກໍ່ສ້າງທາງລົດໄຟຄວາມໄວສູງລາວ-ຈີນ ແລະ ໂຄງການກໍ່ສ້າງເສັ້ນທາງດ່ວນ ນະຄອນຫລວງວຽງຈັນ- ເມືອງວັງວຽງ. ໃນປີ 2020 ລັດວິສາຫະກິດໄຟຟ້າລາວ ສາຂາແຂວງວຽງຈັນ ໄດ້ວາງຄາດໝາຍໂຕເລກລາຍຮັບທັງໝົດແມ່ນ 267,7 ຕື້ກີບ, ການຈັດຕັ້ງປະຕິບັດ 6 ເດືອນຕົ້ນປີ 2020 ຜ່ານມາ ສາມາດເກັບລາຍຮັບໄດ້ແລ້ວ 112,7 ຕື້ກີບ. ເມື່ອທຽບໃສ່ແຜນການສາມາດປະຕິບັດໄດ້ 42%. ການຊື້ພະລັງງານ 6 ເດືອນລົ້ນປີ 2020 ປະຕິບັດໄດ້ 199,5 ລ້ານກິໂລວັດໂມງ, ເປັນເງິນ 114,9 ຕື້ກີບ ທຽບໃສ່ແຜນການປະຕິບັດໄດ້ເປັນກິໂລວັດແມ່ນ 98,3%, ເປັນເງິນ 100,6%, ການຈຳໜ່າຍກະແສໄຟຟ້າ 6 ເດືອນຕົ້ນປີ 2020 ປະຕິບັດ 165,9 ລ້ານກິໂລວັດໂມງ, ເປັນເງິນ 116,3 ຕື້ກີບ.

ທຽບໃສ່ແຜນການປະລິບັດໄດ້ເປັນກິໂລວັດແມ່ນ 92,3% ແລະ ເປັນເງິນແມ່ນ 93,1%. ພະລັງງານຕົກເຮ່ຍໃນລບົບຈຳໜ່າຍ 11,37%. ປະຈຸບັນລັດວິສາຫະກິດໄຟຟ້າລາວ ສາຂາແຂວງວຽງຈັນ ມີລະບົບຕາຂ່າຍໃນການຄຸ້ມຄອງທັງໝົດມີດັ່ງນີ້ ຕາຂ່າຍແຮງກາງ 22 ກິໂລໂວນ ແລະ 34,5 ກິໂລໂວນ ທັງໝົດ 2.065,511 ກິໂລແມັດ, ຕາຂ່າຍແຮງຕ່ຳທັງໝົດ 1.381,759 ກິໂລແມັດ, ມີໝໍ້ແປງ ທັງໝົດ 2.118 ໜ່ວຍ, ມີໝໍ້ນັບໄຟ ທັງໝົດ 117.909 ໜ່ວຍ. ທົ່ວແຂວງວຽງຈັນ 11 ເມືອງ ໄດ້ຊົມໃຊ້ໄຟຟ້າແລ້ວ 100%, ຈຳນວນບ້ານໃນທົ່ວແຂວງ ໄດ້ຊົມໃຊ້ໄຟຟ້າແລ້ວ 100%, ຈຳນວນຄົວເຮືອນໃນທົ່ວແຂວງໄດ້ຊົມໃຊ້ໄຟຟ້າແລ້ວ 99,24%.

ເພື່ອຕ້ອນຮັບກອງປະຊຸມໃຫຍ່ຂອງອົງຄະນະພັກແຂວງວຽງຈັນ ຄັ້ງທີ VI ທີ່ຈະໄຂຂຶ້ນໃນມໍ່ນີ້ ລັດສິສາຫະກິດໄຟຟ້າລາວ ສາຂາແຂວງວຽງຈັນ ກຽມຄວາມພ້ອມລະບົບໄຟຟ້າ ເພື່ອຮັບໃຊ້ໃຫ້ແກ່ກອງປະຊຸມໃຫຍ່ຂອງອົງຄະນະພັກແຂວງວຽງຈັນ ຄັ້ງທີ VI, ພ້ອມນີ້ກໍ່ຈະໄດ້ສ້າງຂະບວນການຕ່າງໂດຍມອບໝາຍໃຫ້ 3 ອົງການຈັດຕັ້ງມະຫາຊົນພາຍໃນລັດວິສາຫະກິດໄຟຟ້າລາວ ສາຂາແຂວງວຽງຈັນ ເພື່ອຂ່ຳນັບຮັບຕ້ອນກອງປະຊຸມໃຫຍ່ຄັ້ງດັ່ງກ່າວ. ໃຫ້ມີຄວາມໝາຍ ແລະ ບັນຍາກາດຟົດຟື້ນ.

ຂ່າວ: ກິ່ງແກ້ວ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031