Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ການທ່ອງທ່ຽວ ແຂວງວຽງຈັນ ໄດ້ຮັບການຍົກລະດັບ ຜ່ານຊຸດຝຶກອົບຮົມ ມະນຸດສຳພັນ ແລະ ຈິດຕະວິທະຍາການບໍລິການ

1 min read

ການທ່ອງທ່ຽວ ແຂວງວຽງຈັນ ໄດ້ຮັບການຍົກລະດັບ ຜ່ານຊຸດຝຶກອົບຮົມ ມະນຸດສຳພັນ ແລະ ຈິດຕະວິທະຍາການບໍລິການ.


ຊຸດຝຶກອົບຮົມດັ່ງກ່າວ ຈັດຂື້ນທີ່ເມືອງວັງວຽງ ແຂວງວຽງຈັນ ໃນລະຫວ່າງວັນທີ 27-30 ກໍລະກົດ 2020 ນີ້, ໂດຍພາຍໃຕ້ການເປັນປະທານຂອງ ທ່ານ ຈະເລີນ ປຸນທະເຮືອງສີ ຮອງຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງວຽງຈັນ, ທ່ານ ນາງ ເພັນປະພາ ພົງສາ ຫົວໜ້າພະແນກວິຊາການ-ແຜນການຝຶກອົບຮົມສະຖາບັນສື່ມວນຊົນ, ວັດທະນະທຳ ແລະ ທ່ອງທ່ຽວ, ມີຮອງຫົວໜ້າຫ້ອງການ ຖວທ ເມືອງ, ບັນດາວິຊາການໃນຂະແໜງທ່ຽວທ່ຽວ ແລະ ຫົວໜ່ວຍບໍລິການ ພາຍໃນເມືອງເຂົ້າຮ່ວມ.

ທ່ານ ຈະເລີນ ປຸນທະເຮືອງສີ ຮອງຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງ ໄດ້ມີຄຳເຫັນຕໍ່ຊຸດຝຶກອົບຮົມ ເຊິ່ງບາງຕອນທ່ານກ່າວວ່າ :

“ ການທ່ອງທ່ຽວ ແມ່ນຂະແໜງເສດຖະກິດໜື່ງ ທີ່ສ້າງລາຍຮັບໃຫ້ແກ່ປະເທດຊາດຢ່າງມະຫາສານ ຫຼາຍປະເທດຖືເອົາການພັດທະນາການທ່ອງທ່ຽວເປັນບູລິມະສິດໃນການພັດທະນາ, ຊຸດຝຶກອົບຮົມມະນຸດສຳພັນ ແລະ ຈິດຕະວິທະຍາການບໍລິການ ໃນຄັ້ງນີ້ ຖືເປັນໂອກາດສຳຄົນອັນໜື່ງຂອງພາກທຸລະກິດ ທີ່ໄດ້ຍົກລະດັບຄວາມຮູ້, ທັກສະ ແລະ ຄຸນສົມບັດຂອງຕົນເອງ, ເພື່ອຕອບສະໜອງການບໍລິການທີ່ປະທັບໃຈແກ່ນັກທ່ອງທ່ຽວທັງພາຍໃນ ແລະ ຕ່າງປະເທດ “

ທ່ານຍັງກ່າວຕື່ມວ່າ ຊຸດຝຶກອົບຮົມໃນຄັ້ງນີ້ ຍັງໄດ້ຝຶກອົບຮົມກຳມະການຄັດເລືອກ, ຮັບຮອງ, ຢັ້ງຢືນ ແລະ ປະເມດມາດຖານສະຖານທີ່ຈັດງານອາຊ່ຽນ ( ພາຍໃຕ້ໂຄງການພັດທະນາໂຄງລ່າງພື້ນຖານສົ່ງເສີມການທ່ອງທ່ຽວໄລຍະ2 )


ສຳລັບແຂວງວຽງຈັນ ເປັນແຂວງທີ່ມີທ່າແຮງສູງດ້ານການທ່ອງທ່ຽວທາງທຳມະຊາດ, ວັດທະນະທຳ ແລະ ປະຫວັດສາດ, ນັກທ່ອງທ່ຽວທັງພາຍໃນ ແລະ ຕ່າງປະເທດ ມີຄວາມສົນໃຈມາທ່ອງທ່ຽວຢູ່ແຂວງວຽງຈັນ ໂດບສະເພາະເມືອງວັງວຽງ ນັບມື້ນັບເພີ່ມຂື້ນ ເນື່ອງຈາກມີບັນດາກິດຈະກຳຕ່າງໆທີ່ໂດດເດັ່ນ ແລະ ຫລາກຫລາຍ.

ຂ່າວ: ແຂວງວຽງຈັນອອນລາຍ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930