Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເສດຖະກິດ 6 ເດືອນຕົ້ນປີຂອງ ແຂວງວຽງຈັນຂະຫຍາຍຕົວ 3%.

1 min read

ເສດຖະກິດ 6 ເດືອນຕົ້ນປີຂອງ ແຂວງວຽງຈັນຂະຫຍາຍຕົວ 3%.

ເສດຖະກິດມະຫາພາກ 6 ເດືອນຕົ້ນປີ 2020 ຂອງແຂວງວຽງຈັນມີການຂະຫຍາຍຕົວພຽງແຕ່ 3%, ເທົ່າກັບ 37,97% ຂອງແຜນການ (7,9%), ລວມຍອດມູນຄ່າຜະລິດຕະພັນພາຍໃນ (GDP) ປະຕິບັດໄດ້ 6.192 ຕື້ກີບ, ເທົ່າກັບ 72,58% ຂອງແຜນການ (8.531 ຕື້ກີບ), ສະເລ່ຍຕໍ່ຫົວຄົນໄດ້ 1.498 ໂດລາ (ແຜນການ 2.064 ໂດລາ).


ທ່ານ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງວຽງຈັນ ໄດ້ລາຍງານຕໍ່ກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນແຂວງວຽງຈັນ ຊຸທີI ທີ່ໄຂຂຶ້ນໃນວັນທີ 28 ກໍລະກົດ 2020 ວ່າ:
ການຈັດຕັ້ງແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ 2020 ໂດຍລວມເຫັນວ່າເສດຖະກິດບາງດ້ານກໍຍັງ
ສືບຕໍ່ຂະຫຍາຍຕົວຢ່າງຕໍ່ເນື່ອງ, ແຕ່ການປະຕິບັດວຽກງານຕົວຈິງຍັງມີຫລາຍບັນຫາພົບຄວາມຫຍຸ້ງຍາກ, ເປັນຕົ້ນແມ່ນ: ສະພາບງົບປະມານຂອງລັດຍັງສືບຕໍ່ຫຍຸ້ງຍາກ, ພື້ນທີ່ການຜະລິດກະສິກໍາໄດ້ຮັບຄວາມເສຍຫາຍຈາກໄພພິບັດໃນຊຸມປີຜ່ານມາ, ຊຶ່ງໄດ້ຮັບການຟື້ນຟູພຽງບາງສ່ວນ, ໄພແຫ້ງແລ້ງຢູ່ບາງເມືອງ, ການລະບາດຂອງພະຍາດໂຄວິດ-19 ແລະ ບັນຫາຫນີ້ສິນໂຄງການລົງທຶນຂອງລັດທີ່ມີຈໍານວນຫລວງຫລາຍ ຈຶ່ງບໍ່ສາມາດນຳທຶນໄປພັດທະນາພື້ນຖານໂຄງລ່າງໃໝ່ໄດ້


ຢ່າງທົ່ວເຖິງ, ດ້ານໂຄງປະກອບເສດຖະກິດຂອງແຂວງກໍເຫັນວ່າຍັງບອບບາງ ເນື່ອງຈາກພື້ນຖານສ່ວນໃຫຍ່ຍັງຢູ່ໃນຂະແໜງກະສິກຳ, ຊຶ່ງມີຄວາມສ່ຽງໃນການເກີດມີໄພທໍາມະຊາດ ແລະ ການເຂົ້າເຖິງຕະຫລາດ; ສິນຄ້າທີ່ຜະລິດໄດ້ສ່ວນໃຫຍ່ແມ່ນມີຜົນຜະລິດມີຄຸນະພາບຕໍ່າ ແລະ ຕົ້ນທຶນການຜະລິດສູງຈຶ່ງບໍ່ສາມາດແຂ່ງຂັນໃນຕະຫລາດສົ່ງອອກໄດ້.

ການຂະຫຍາຍຕົວຂອງວິສາຫະກິດຂະໜາດໃຫຍ່ມີຈໍານວນໜ້ອຍ, ວິສາຫະກິດຂະໜາດກາງ ແລະ ຂະໜາດນ້ອຍຍັງຂາດຄວາມຮູ້ໃນການບໍລິຫານທີ່ດີ, ການເຂົ້າເຖິງແຫລ່ງທຶນ ແລະ ການຕະຫລາດມີຄວາມຫຍຸ້ງຍາກຈຶ່ງເຮັດໃຫ້ຂາດສະພາບ

ຄ່ອງໃນການດໍາເນີນທຸລະກິດ,ສັງລວມແລ້ວອັດຕາການຂະຫາຍຕົວຂອງເສດຖະກິດບໍ່ບັນລຸໄດ້ຕາມແຜນການ ເນື່ອງຈາກວ່າເລີ່ມແຕ່ມີການແຜ່ລະບາດຂອງພະຍາດໂຄວິດ-19 ໃນເດືອນມີນາເປັນຕົ້ນມາ ໄດ້ສົ່ງຜົນກະທົບໃສ່ຂະແໜງການຜະລິດ, ອຸດສາຫະກຳ ແລະ ການບໍລິການຢ່າງໜັກໜ່ວງ, ຊຶ່ງບັນດາຫົວໜ່ວຍທຸລະກິດສ່ວນໃຫຍ່ໄດ້ປິດກິດຈະການ, ເປັນຕົ້ນແມ່ນທຸລະກິດດ້້້້ານການທ່ອງທ່ຽວ, ຄົມມະນາຄົມ ແລະ ໂຮງງານຕ່າງໆຈຶ່ງບໍ່ສາມາດສ້າງມູນຄ່າເພີ່ມທາງເສດຖະກິດ.

ເກັບລາຍຮັບເຂົ້າງົບປະມານຂອງລັດໄດ້ 72 ຕື້ກວ່າກີບ, ການທ່ອງທ່ຽວສາມາດສ້າງລາຍຮັບໄດ້ 88 ຕື້ກວ່າກີບ, ມູນຄ່າສົ່ງອອກ-ນຳເຂົ້າໄດ້ 9 ລ້ານກວ່າໂດລາ, ການບໍລິການຂາຍຍົກ-ຂາຍຍ່ອຍໄດ້ 1.248 ຕື້ກວ່າກີບ, ຄາດໝາຍລະດົມທຶນທົ່ວສັງຄົມໃນປີ 2020 ໃຫ້ໄດ້ 2.407 ຕື້ກວ່າກີບ, ໃນ 6 ເດືອນຕົ້ນປີປະຕິບັດຕົວຈິງໄດ້ 1.371 ຕື້ກວ່າກີບ, ເທົ່າກັບ 56,95% ຂອງແຜນການ, ຊຶຶ່ຶຶ່ງສາມາດເວົ້າໄດ້ວ່າບັນລຸໄດ້ຕາມຄາດໝານດີສົມຄວນ.
ຂ່າວ-ພາບ:ບຸນມາ-ແສງຈັນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031