Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພະແນກຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ ແຂວງວຽງຈັນລົງຊຸກຍູ້ວຽກງານຢູ່ເມືອງຊະນະຄາມ

1 min read

ພະແນກຖະແຫຼງຂ່າວ,ວັດທະນະທໍາ ແລະ ທ່ອງທ່ຽວ ແຂວງວຽງຈັນລົງຊຸກຍູ້ວຽກງານຢູ່ເມືອງຊະນະຄາມ

ວັນທີ 24 ກໍລະກົດ 2020 ທີ່ຜ່ານມາ, ຄະນະນໍາພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງວຽງຈັນ, ນໍາໂດຍ ທ່ານ ແສງແກ້ວ ສູນທະວົງສາ ຮອງຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງວຽງຈັນ ພ້ອມດ້ວຍຄະນະ, ໄດ້ລົງເຄື່ອນໄຫວຊຸກຍູ້ວຽກງານຮອບດ້ານຢູ່ທີ່ຫ້ອງການການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເມືອງຊະນະຄາມ, ໂດຍມີບັນດາພະນັກງານຫ້ອງການ ຖວທເມືອງ ເຂົ້າຮ່ວມຢ່າງພ້ອມພຽງ.


ທ່ານ ນາງ ພູຂົງນາມມະວົງ ຮອງຫົວໜ້າຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງ, ໄດ້ຂຶ້ນລາຍງານບົດສະຫຼຸບຫຍໍ້ ສະພາບການຈັດຕັ້ງເຄື່ອນໄຫວວຽກງານແຕ່ລະດ້ານ ໃນໄລຍະວຽກງານ 6 ເດືອນຕົ້ນປີ, ເປັນຕົ້ນດ້ານວຽກງານວິຊາສະເພາະ, ວຽກງານປິ່ນອ້ອມ ແລະ ວຽກງານຂະບວນການຕ່າງໆ, ເຊິ່ງສະແດງໃຫ້ເຫັນດ້ານດີ, ດ້ານອ່ອນ, ດ້ານຕັ້ງໜ້າທີ່ພົ້ນເດັ່ນ ແລະ ຂໍ້ຫຍຸ້ງຍາກທີ່ເປັນສິ່ງທ້າທາຍໃນການປະຕິບັດວຽກງານ ໃນຖານະເປັນເສນາທິການທາງດ້ານວຽກງານໃຫ້ແກ່ສາຍຕັ້ງ ແລະ ສາຍຂວາງ.


ເພື່ອຮັບປະກັນ ເຮັດໃຫ້ການຈັດຕັ້ງເຄື່ອນໄຫວວຽກງານໄດ້ມີປະສິດທິພາບ, ມີການກໍານົດແຜນງານທີ່ລະອຽດ, ຖືກຕ້ອງ ແລະ ຊັດເຈນ, ສາມາດຈັດຕັ້ງເຄື່ອນໄຫວໄດ້ຢ່າງຄ່ອງຕົວ, ມີຄວາມເປັນເອກະພາບກັບແຜນພັດທະນາເສດຖະ ກິດ-ສັງຄົມຂອງເມືອງ, ກໍ່ຄືແຜນການເຄື່ອນໄຫວວຽກງານທີ່ທາງສາຍຕັ້ງໄດ້ກໍານົດອອກ ໃຫ້ມີຜົນສໍໍາເລັດຕາມລະດັບຄາດ ໝາຍ, ໃນບັ້ນການລົງຊຸກຍູ້ຄັ້ງນີ້ ໄດ້ຮັບຟັງການມີຄໍາເຫັນໂອ້ລົມ ແລະ ມີທິດຊີ້ນໍາຈາກທ່ານ ແສງແກ້ວ ສູນທະວົງສາ ຮອງຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຂວງວຽງຈັນ, ໂດຍທ່ານໄດ້ຮຽກຮ້ອງມາຍັງຄະນະຫ້ອງ ການ ພ້ອມດ້ວຍພະນັກງານວິຊາການ, ໃຫ້ເອົາໃຈໃສ່ຈັດຕັ້ງເຄື່ອນໄຫວວຽກງານຕາມພາລະບົດບາດ, ສິດ ແລະ ໜ້າທີ່ຂອງຕົນດ້ວຍຄວາມຮັບຜິດຊອບສູງ, ເອົາໃຈໃສ່ໃນການຊີ້ນໍາ-ນໍາພາວຽກງານແຕ່ລະໜ່ວຍງານ ເພື່ອເພີ່ມທະວີຄວາມເປັນເຈົ້າການໃນການປະຕິບັດໜ້າທີ່ວຽກງານຕາມການມອບໝາຍ, ຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ມີຄວາມຮູ້-ຄວາມສາມາດ, ມີຄຸນ ສົມບັດສິນທໍາປະຕິວັດ, ກາຍເປັນພະນັກງານສືບທອດປ່ຽນແທນທີ່ມີຄຸນນະພາບ.


ໃນໂອກາດລົງເຄື່ອນໄຫວຊຸກຍູ້ວຽກງານໃນຄັ້ງນີ້ ທ່ານແສງແກ້ວ ສູນທະວົງສາ ຮອງຫົວໜ້າພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວແຂວງວຽງຈັນ

ພ້ອມດ້ວຍຄະນະ, ຍັງໄດ້ສືບຕໍ່ເຄື່ອນໄຫວລົງຊຸກຍູ້ ແລະ ຢ້ຽມຢາມ ຄອບຄົວທ້າວ ຢຸດ ວິໄລ ປະຊາຊົນບ້ານນາສັກ ເມືອງຊະນະຄາມ, ເຊິ່ງເປັນຄອບຄົວທີ່ຜະລິດ ແລະ ດັດແປງລົດໄຖນາໃຫ້ມີຄວາມທັນສະໄໝ, ມີຄວາມສະດວກສະບາຍໃນການຂັບຂີ່ ແລະ ສາມາດຕອບສະໜອງໃນການຂົນສົ່ງຜົນຜະລິດທາງດ້ານກະສິກໍາຂອງປະຊາຊົນໄດ້ເປັນຢ່າງດີ, ປະຈຸບັນໄດ້ກາຍເປັນສິນຄ້າທີ່ໄດ້ຮັບຄວາມນິຍົມຢ່າງກວ້າງຂວາງ ແລະ ສາມາດເສີມຂະຫຍາຍໃຫ້ເປັນອາຊີບທີ່ໝັ້ນຄົງ, ສ້າງວຽກເຮັດງານທໍາ-ລາຍໄດ້ໃຫ້ແກ່ຄອບຄົວດັ່ງກ່າວ.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031