Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີເລົ່າມູນເຊື້້ອວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ ແລະ ວັນຄ້າຍວັນເກີດຂອງປະທານສຸພານຸວົງ ຄົບຮອບ 111 ປີ

1 min read

ພິທີປະຖະກະຖາເລົ່າມູນເຊື້້ອວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ
( 20 ກໍລະກົດ 1955 – 20 ກໍລະກົດ 2020)
ແລະ ວັນຄ້າຍວັນເກີດຂອງປະທານສຸພານຸວົງ ຄົບຮອບ 111 ປີ
( 13 ກໍລະກົດ 1909 – 13 ກໍລະກົດ 2020)


ໃນຕອນເຊົ້າ ວັນທີ 23 ກໍລະກົດ 2020 ທີ່ຜ່ານມາ, ຢູ່ທີ່ສະໂມສອນຂອງເມືອງຊະນະຄາມ ແຂວງວຽງຈັນ, ໄດ້ຈັດຕັ້ງພິທີປະຖະກະຖາເລົ່າມູນເຊື້້ອວັນສ້າງຕັ້ງສະຫະພັນແມ່ຍິງລາວ ຄົບຮອບ 65 ປີ ( 20 ກໍລະກົດ 1955 – 20 ກໍລະ ກົດ 2020) ແລະ ວັນຄ້າຍວັນເກີດຂອງປະທານ ສຸພານຸວົງ ຄົບຮອບ 111 ປີ( 13 ກໍລະກົດ 1909 – 13 ກໍລະກົດ 2020),

ໂດຍການເປັນກຽດເຂົ້າຮ່ວມຂອງທ່ານ ແກ້ວ ພິມມະວົງ ຮອງເລຂາພັກເມືອງ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ພະນັກງານຫຼັກແຫຼ່ງ ແລະ ບັນດາຮາກຖານສະພັນແມ່ຍິງອ້ອມຂ້າງ ເຂົ້າຮ່ວມໃນພິທີດັ່ງກ່າວ ຢ່າງພ້ອມພຽງ.


ທ່ານ ນາງ ໄກສອນ ອ່ອນລັງສີ ຄະນະປະຈໍາພັກເມືອງ ຫົວໜ້າຄະນະໂຄສະນາເມືອງ, ໄດ້ໃຫ້ກຽດຂຶ້ນປະຖະກະຖາເອກະສານວັນສ້າງຕັ້ງສະຫະພັນແມ່ຍິງລາວ ເຊິ່ງໄດ້ຍົກໃຫ້ເຫັນພາລະກໍາປະຫວັດສາດ ພາຍໃຕ້ການຊີ້ນໍາ-ນໍາພາຂອງພັກປະຊາຊົນປະຕິວັດລາວຕະຫຼອດໄລຍະແຫ່ງການຕໍ່ສູ້ກູ້ຊາດ, ທີ່ຍາມໃດບັນດາເອື້ອຍນ້ອງແມ່ຍິງຂອງພວກເຮົາກໍ່ໄດ້ຄຽງບ່າຄຽງໄຫຼ່ເຂົ້າຮ່ວມໃນການປະຕິວັດຕໍ່ສູ້ຢ່າງອົງອາດ ເຮັດໃຫ້ອົງການຈັດຕັ້ງແມ່ຍິງລາວໄດ້ມີການເຕີບໃຫຍ່ຂະຫຍາຍຕົວ, ມີຜົນງານ ແລະ ບົດບາດທີ່ສໍາຄັນໃນປະຫວັດສາດຂອງຊາດ ກໍ່ຄືໃນພາລະກິດຕໍ່ສູ້ປົດປ່ອຍປະເທດຊາດ ແລະ ພາລະກິດປົກປັກຮັກສາສ້າງສາພັດທະນາປະເທດຊາດໃນໄລຍະໃໝ່.


ໃນພິທີ ທ່ານ ແກ້ວ ພິມມະວົງ ໄດ້ໃຫ້ກຽດຂຶ້ນປະຖະກະຖາເນື້ອໃນເອກະສານ ວັນຄ້າຍວັນເກີດຂອງປະທານສະພານຸວົງ ຄົບຮອບ 111 ປີ, ທັງນີ້ ກໍ່ເພື່ອເປັນການລະນຶກເຖິງແນວທາງການຈັດຕັ້ງເຄື່ອນໄຫວວຽງານ, ບັນດາຜົນງານ ແລະ ຄຸນງາມຄວາມດີຂອງປະທານ ສຸພານຸວົງ, ສາມາດຖອດໄດ້ບົດຮຽນອັນຍອດຫຍິ່ງໃນການຊີ້ນໍາ-ນໍາພາ, ຄວາມເສຍສະຫຼະ, ຄວາມອົງອາດກ້າຫານ ແລະ ຄວາມປີຊາສາມາດຂອງທ່ານ, ເຊິ່ງຍາມໃດປະທານສຸພານຸວົງ ກໍ່ເປັນທ່ານເປັນຜູ້ນໍາທີ່ແສນເຄົາລົບຮັກ ແລະ ບໍ່ອາດລືມລືນຈາກຈິດໃຈຂອງປະຊາຊົນລາວບັນດາເຜົ່າໄດ້.


ໃນຕອນທ້າຍ ຂອງພິທີຍັງໄດ້ຮັບຟັງການເຊື່ອມຊືມ ດໍາລັດວ່າດ້ວຍການປະເມີນຜົນການຈັດຕັ້ງວຽກງານຂອງພະນັກງານ-ລັດຖະກອນ, ສະບັບເລກທີ 300/ລບ, ລົງວັນທີ 13 ກັນຍາ 2018

ນໍາສະເໜີໂດຍ ທ່ານ ນາງ ທົດສະຫວັດ ສົງພະຈັນ ກໍາມະການພັກເມືອງ ຫົວໜ້າຫ້ອງການພາຍໃນເມືອງ ຈຸດປະສົງກໍ່ເພື່ອເປັນການຊຸກຍູ້ວຽກງານການປະເມີນ ແລະ ການຄຸ້ມຄອງ ຜົນການຈັດຕັ້ງປະຕິບັດວຽກງານຂອງພະນັກງານ-ລັດຖະກອນພາຍໃນເມືອງ ກໍ່ຄືໃນທົ່ວປະເທດໄດ້ດໍາເນີນຢ່າງເປັນລະບົບ, ຖືກຕ້ອງ, ສອດຄ່ອງ, ໂປ່ງໃສ່ ແລະ ຮັບປະກັນຄວາມເປັນເອກະພາບໃນການຈັດຕັ້ງປະຕິບັດ.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930