Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີຮັບຮອງໜ່ວຍສະຫະພັນແມ່ຍິງ 3 ໜ່ວຍກົມກອງ ແລະ 9 ໜ່ວຍບ້ານເປັນໜ່ວຍບ້ານ 3 ດີຄັ້ງທີ່ 4 ສະໄຫມ VII ແລະ ປະຖະກະຖາວັນສ້າງຕັ້ງສະຫະພັນແມ່ຍິງລາວຄົບຮອບ 65 ປີ ( 20 ກໍລະກົດ 1955 – 20 ກໍລະກົດ 2020 ) 

1 min read

ພິທີຮັບຮອງໜ່ວຍສະຫະພັນແມ່ຍິງ 3 ໜ່ວຍກົມກອງ ແລະ 9 ໜ່ວຍບ້ານເປັນໜ່ວຍບ້ານ 3 ດີຄັ້ງທີ່ 4 ສະໄຫມ VII
ແລະ ປະຖະກະຖາວັນສ້າງຕັ້ງສະຫະພັນແມ່ຍິງລາວຄົບຮອບ 65 ປີ ( 20 ກໍລະກົດ 1955 – 20 ກໍລະກົດ 2020 )

ໃນວັນທີ 29 ສີງຫາ 2020 , ຢູ່ທີ່ສະໂມສອນເມືອງວັງວຽງແຂວງວຽງຈັນໄດ້ຈັດພິທີຮັບຮອງໜ່ວຍສະຫະພັນແມ່ຍິງ 3 ໜ່ວຍກົມກອງ ແລະ 9 ໜ່ວຍບ້ານເປັນໜ່ວຍບ້ານ 3 ດີຄັ້ງທີ່ 4 ສະໄຫມ VII ແລະ ປະຖະກະຖາວັນສ້າງຕັ້ງສະຫະພັນແມ່ຍິງລາວຄົບຮອບ 65 ປີ ( 20 ກໍລະກົດ 1955 – 20 ກໍລະກົດ 2020 ) ຂຶ້ນຢ່າງເປັນທາງການ,

ໂດຍເປັນກຽດເຂົ້າຮ່ວມຂອງ ທ່ານ ສຸວຽງ ທອງວົງຈຳປາ ຮອງເຈົ້າເມືອງໆວັງວຽງ,ມີທ່ານ ປ້າ ຊຸມຈິດຕະວົງ ແມ່ຍິງອາວຸໂສ, ມີທ່ານ ນາງ ຕູ່ ນັນທະວົງ ຮອງປະທານສະຫະພັນແມ່ຍິງເມືອງ, ມີພະນັກງານທີ່ກ່ຽວຂ້ອງ, ອຳນາດການປົກຄອງ, ມີປະທານສະຫະພັນແມ່ຍິງທັງ 3 ໜ່ວຍກົມກອງ ແລະ 9 ໜ່ວຍບ້ານ. ສະມາຊິກສະຫະພັນແມ່ຍິງເຂົ້າຮ່ວມຢ່າງພ້ອມພຽງ.


ໃນພິທີທ່ານ ນາງ ຕຸ້ຍ ສຸລິວົງ ປະທານສະຫະພັນແມ່ຍິງໂຮງຮຽນມໍຕົ້ນວັງວຽງ ຕາງໜ້າໃຫ້ສະຫະພັນແມ່ຍິງທັງ 3 ໜ່ວຍກົມກອງ ແລະ 9 ໜ່ວຍບ້ານ ໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 3 ດີ ວ່າ: ໜ່ວຍສະຫະພັນແມ່ຍິງທັງ 3 ໜ່ວຍກົມກອງ 9 ໜ່ວຍບ້ານຄື:ໜ່ວຍໂຮງຮຽນປະຖົມໂພນຄຳ,ໂຮງຮຽນມໍຕົ້ນວັງວຽງ,ໂຮງຮຽນປະຖົມນາທອງ,ບ້ານວັງໜ້ຽງ,ບ້ານວຽງໄຊ,ບ້ານຜາທອງ,ບ້ານປາກເປາະ,ບ້ານວຽງແກ້ວ,ບ້ານນາດ້ວງ,ບ້ານໂພໄຊ ແລະ ບ້ານຜາຕັ້ງ ແມ່ນອົງການຈັດຕັ້ງມະຫາຊົນໜຶ່ງເຊິ່ງເປັນເສນາທິການໃຫ້ແກ່ ຄະນະໜ່ວຍພັກ ທີ່ຂຶ້ນກັບ, ໂດຍເຮັດໜ້າທີ່ສຶກສາອົມຮົມການເມືອງແນວຄິດ, ເຕົ້າໂຮມຄວາມສາມັກຄີແມ່ຍິງພາຍໃນໜ່ວຍປະຕິບັດແນວທາງນະໂຍບາຍຂອງພັກ-ລັດວາງອອກ.

ເຊິ່ງທັງ 3 ໜ່ວຍກົມກອງ ແລະ 9 ໜ່ວຍບ້ານ ມີສະມະຊິກແມ່ຍິງທັງໝົດ 1,108 ສະຫາຍ,ມີ 4 ເຜົ່າຄື: ເຜົ່າລາວ 969 ສະຫາຍ,ເຜົ່າມົ້ງ 31ສະຫາຍ,ຂະມຸ 107ສະຫາຍ,ອີ້ວມ້ຽນ 1ສະຫາຍ ,ເຂົ້າເປັນສະມະຊິກພັກ 65ສະຫາຍ,ສຳຮອງ 6 ສະຫາຍ,ສະມະຊິກຊາວໜຸ່ມ 68 ສະຫາຍ,ສະມະຊິກກຳມະບານ 62 ສະຫາຍ , ມີຄະນະໜ່ວຍ 57 ສະຫາຍແລະ ແບ່ງອອກເປັນ 79 ຈຸ. ເພື່ອຈັດຕັ້ງປະຕິບັດຂໍ້ແຂ່ງຂັນ 3 ດີໃນຕໍ່ໜ້ານັ້ນສະຫະພັນແມ່ຍິງທັງ 3ໜ່ວຍກົມກອງ ແລະ 9ໜວ່ຍບ້ານ ຕ້ອງໄດ້ຈັດແບ່ງເວລາໃຫ້ເໝາະສົມເພື່ອຊຸກຍູ້ການເຄື່ອນໄຫວຂະບວນການຈັດຕັ້ງປະຕິບັດຂໍ້ແຂ່ງຂັນ 3 ດີຂອງສະຫະພັນແມ່ຍິງ ໃຫ້ເປັນຂະບວນຟົດຟື້ນກວ່າເກົ່າ, ສະມາຊິກສະຫະພັນແມ່ຍິງທຸກຄົນຕ້ອງເປັນເຈົ້າການປະກອບສ່ວນເຂົ້າໃນການຈັດຕັ້ງປະຕິບັດຂໍ້ແຂ່ງຂັນ 3 ດີຢ່າງຕັ້ງໜ້າ.

ການຈັດຕັ້ງປະຕິບັດຂໍ້ແຂ່ງຂັນ 3 ດີ ຄື: ເປັນພົນລະເມືອງດີ, ພັດທະນາດີ ແລະ ສ້າງຄອບຄົວດີມີຄວາມຜາສຸກ


ຜ່ານການສະຫລຸບ, ປະເມີນຜົນງານ ແລະ ຄັດເລືອກປະເພດດີເດັ່ນໃນການຈັດຕັ້ງປະຕິບັດຂໍ້ແຂ່ງຂັນ 3 ດີຄັ້ງທີ່ 4 ສະໄໝທີ່ VII ສາມາດປະເມີນພົນລະເມືອງດີໄດ້ 1,093 ສະຫາຍ, ພັດທະນາດີ 891ສະຫາຍ, ສ້າງຄອບຄົວມີຄວາມຜາສຸກ 993 ສະຫາຍ, ແລະ ໄດ້ຢັ້ງຢືນສະມະຊິກສະຫະພັນແມ່ຍິງ 3 ດີໄດ້ 1,013 ສະຫາຍ, ໃນນັ້ນປະເພດ 1 ມີ 653 ສະຫາຍ, ປະເພດ 2 ໄດ້ 282 ສະຫາຍ
ໃຫ້ກຽດມອບໃບຢັ້ງຢືນໜ່ວຍສະຫະພັນ 3 ດີໃຫ້ແກ່ສະມະຊິກແມ່ຍິງໂດຍ ທ່ານ ສຸວຽງທອງ ວົງຈຳປາ ຮອງເຈົ້າເມືອງໆວັງວຽງກ່າວຮັບໂດຍຫົວໜ້າສະຫະພັນແມ່ຍິງ ທັງ 3 ໜ່ວຍກົມກອງ ແລະ 9 ໜ່ວຍບ້ານ.

ຫລັງຈາກນັ້ນກໍ່ໄດ້ ພ້ອມກັບຈັບມືກັນແຂ່ງຂັນຮັບເອົາຂໍ້ແຂ່ງຂັນ 3 ດີ .


ໃນພິທີທ່ານ ສຸວຽງທອງ ວົງຈຳປາ ຮອງເຈົ້າເມືອງໆວັງວຽງ ໄດ້ໃຫ້ກຽດປະຖະກະຖາສະເຫຼີມສະຫລອງວັນສ້າງຕັ້ງສະຫະພັນແມ່ຍິງລາວຄົບຮອບ 65 ປິ ( 20 ກໍລະກົດ 1955 – 20 ກໍລະກົດ 2020 ) ທ່ານໄດ້ຍົກໃຫ້ເຫັນສະພາບການໃນຫຼາຍດ້ານຂອງແມ່ຍິງລາວໂດຍສະເພາະການທົບທວນຄືນປະຫວັດສາດການກໍາເນີດ ແລະ ຂະຫຍາຍຕົວຜົນງານການເຄື່ອນໄຫວຂອງອົງການຈັດຕັ້ງສະຫະພັນແມ່ຍິງລາວ ກໍ່ຄືແມ່ຍິງບັນດາເຜົ່າທີ່ໄດ້ອຸທິດຕົນ ເພື່ອພາລະກິດຕໍ່ສູ້ປົດປ່ອຍຊາດພ້ອມທັງປົກປັກຮັກສາ ແລະ ສ້າງສາພັດທະນາປະເທດຊາດກໍ່ຄືພາລະກິດພັດທະນາແມ່ຍິງລາວໃນໄລຍະ 65 ປີ

ຜ່ານມາໂດຍສະເພາະສະຫະພັນແມ່ຍິງເມືອງວັງວຽງແຕ່ລະສະຫາຍກໍ່ໄດ້ມີຄວາມພະຍາຍາມປັບປຸງການຈັດຕັ້ງໃຫ້ມີຄວາມໜັກແໜ້ນເຂັ້ມແຂງຊີ້ນໍາ – ນໍາພາຂະບວນການແມ່ຍິງເຄື່ອນໄຫວວຽກງານຢ່າງມີຜົນສໍາເລັດກຳໄດ້ມູນເຊື້ອຂອງແມ່ຍິງຈັດຕັ້ງຝຶກຝົນຫຼໍ່ຫຼອມຕົນເອງໃຫ້ມີຄຸນສົມບັດສິນທໍາປະຕິວັດ, ມີນໍ້າໃຈຮັກຊາດ, ຮັກບ້ານເກີດເມືອງນອນ, ມີຄວາມເປັນເຈົ້າການໃນການພັດທະນາປົກປັກປ້ອງສິດຜົນປະໂຫຍດຂອງແມ່ຍິງ ແລະ ເດັກນ້ອຍ, ມີສະຕິລະວັງຕົວມີຄວາມຕື່ນຕົວປະກອບສ່ວນເຂົ້າວຽກງານຢ່າງເປັນຂະບວນຟົດຟື້ນ.

ຂ່າວ:ໝອນແກ້ວ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930