Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຫີນເຫີບເປີດການສອບເສັງຈົບຊັ້ນ ມໍ7

1 min read

ເມືອງຫີນເຫີບເປີດການສອບເສັງຈົບຊັ້ນ ມໍ7.


ວັນທີ 28 ກໍລະກົດ 2020 ຢູ່ທີ່ສະໂມສອນໂຮງຮຽນ ມໍສໍ ຫີນເຫີບເມືອງຫີນເຫີບແຂວງວຽງຈັນໄດ້ຈັດພິທີ
ເປີດການສອບເສັງຈົບຊັ້ນ ມໍ7 ໂດຍການເຂົ້າຮ່ວມຂອງ ທ່ານ ທອງຄ່ຽນ ລັດທະວັນ ຫົວໜ້າຂະແໜງສະຖິຕິແຜນ
ການ ພະແນກສຶກສາທິການ ແລະ ກິລາແຂວງວຽງຈັນ, ມີ ທ່ານ ຄໍາສອນ ຈັນທະລັງສີ ກໍາມະການພັກເມືອງ ຫົວໜ້າ
ຫ້ອງການສຶກສາທິການ ແລະ ກິລາເມືອງ, ມີຄະນະຮັບຜິດຊອບຈາກພະແນກສຶກສາແຂວງ, ເມືອງ, ຜູ້ອໍານວຍການ
ໂຮງຮຽນ, ຄູ – ອາຈານພ້ອມດ້ວຍນ້ອງນັກຮຽນຊັ້ນ ມໍ7 ເຂົ້າຮ່ວມຢ່າງພ້ອມພຽງ.


ທ່ານ ກົງຈັນ ພັນທະມິດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງໄດ້ຂຶ້ນກ່າວເປີດການສອບເສັງຈົບຊັ້ນ ມໍ7 ວ່າ ການສອບເສັງຈົບຊັ້ນ ມໍ7 ປີນີ້ແມ່ນຈະໄດ້ດໍາເນີນເປັນເວລາ 2 ວັນຄື ວັນທີ 29 – 30 ກໍລະກົດ 2020 ສະເພາະຢູ່ເມືອງຫີນເຫີບມີ 1 ສູນສອບເສັງ ຄື ສູນສອບເສັງ ມສ ຫີນເຫີບ, ມີຫ້ອງສອບເສັງທັງໝົດ 15 ຫ້ອງ, ມີຄະນະກໍາມະການຍາມຫ້ອງເສັງຈໍານວນ 30 ທ່ານ, ຍິງ 2 ທ່ານ, ມີນັກຮຽນຊັ້ນ ມໍ7 ຂຶ້ນທະບຽນສອບເສັງທັງໝົດ 285 ຄົນ, ຍິງ 141 ຄົນ ເຊິ່ງມາຈາກ 3 ໂຮງຮຽນຄື ໂຮງຮຽນ ມສ ຫີນເຫີບ, ໂຮງຮຽນ ມສ ຄອນແກ້ວ, ໂຮງຮຽນ ມສ ນາຊໍາ ສໍາລັບວິຊາສອບເສັງມີ 4 ວິຊາຄື ວິຊາພາສາລາວ – ວັນນະຄະດີ, ຊີວະສາດ, ຄະນິດສາດ ແລະ ວິຊາພູມສາດ ທ່ານ ທອງຄ່ຽນ ລັດທະວັນ ຕາງໜ້າຄະນະຮັບຜິດຊອບຈາກພະແນກສຶກສາທິການ ແລະ ກິລາແຂວງວຽງຈັນ ໃຫ້ກຽດຂຶ້ນມອບຫົວບົດສອບເສັງຈົບຊັ້ນ ມໍ7 ຂຶ້ນກ່າວຮັບແມ່ນ ທ່ານ ຄໍາສອນ ຈັນທະລັງສີ ໂດຍຊ້ອງໜ້າຄະນະປະຈໍາພັກເມືອງ, ຄະນະກໍາມະການ, ຄູ – ອາຈານພ້ອມດ້ວຍນ້ອງນັກຮຽນ ຊັ້ນ ມໍ7.


ທ່ານ ກົງຈັນ ພັນທະມິດ ໄດ້ໃຫ້ກຽດໂອ້ລົມແນະນໍາ ພ້ອມທັງເນັ້ນໜັກໃຫ້ແກ່ຄະນະກໍາມະການຍາມຫ້ອງສອບເສັງ ແລະ ນັກສອບເສັງທຸກຄົນຕ້ອງເອົາໃຈໃສ່ປະຕິບັດຕາມກົດລະບຽບທີ່ກະຊວງສຶກສາທິການ ແລະ ກິລາວາງອອກຢ່າງເຄັ່ງຄັດ, ນໍາໃຊ້ຄວາມຮູ້ຄວາມສາມາດທີ່ໄດ້ຮໍ່າຮຽນນໍາຄູ – ອາຈານເຂົ້າໃນການສອບເສັງຄັ້ງນີ້ໃຫ້ປະສົບຜົນສໍາເລັດ ແລະ ຮັບປະກັນທາງດ້ານປະລິມານ ແລະ ຄຸນນະພາບຕາມລະດັບຄາດໝາຍ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031