Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພະແນກ ຖວທ ແຂວງວຽງຈັນ ສ້າງຂະບວນການອອກແຮງງານລວມ ເພື່ອຕ້ອນຮັບວັນສື່ມວນຊົນ ແລະ ການພິມຈຳໜ່າຍ ຄົບຮອບ 70 ປີ

1 min read

ເພື່ອເປັນການເຕົ້າໂຮມຄວາມສາມັກຄີຂອງສະມາຊິກພັກ, ພະນັກງານ-ລັດຖະກອນ.


ຢູ່ພາຍໃນພະແນກ ຖວທ ເເຂວງວຽງຈັນ ພ້ອມທັງເປັນການສ້າງຂະບວນການຂ່ຳນັບຮັບຕ້ອນສະເຫຼີມສະຫຼອງ ວັນສື່ມວນຊົນແຫ່ງຊາດ ແລະ ການພິມຈໍາໜ່າຍ ຄົບຮອບ 70 ປີ ( 13/8/ 1950 -13/8/ 2020 ) ທີ່ຈະມາເຖິງໃນມໍ່ໆນີ້, ພ້ອມດຽວກັນນີ້ ເພື່ອເປັນການສ້າງຂະບວນການຂ່ຳຮັບ ຕ້ອນກອງປະຊຸມ ໃຫຍ່ຜູ້ແທນອົງຄະນະແຂວງວຽງຈັນ ຄັ້ງທີ VI  ທີ່ຈະໄດ້ໄຂຂຶ້ນໃນມໍ່ໆນີ້.

ໃຫ້ມີຄວາມໝາຍ ເເລະ ມີບັນຍາກາດຟົດຟື້ນ, ພະແນກ ຖວທ ແຂວງວຽງຈັນ ໄດ້ສ້າງ ຂະບວນການອອກແຮງງານລວມ ອານາໄມ, ຖາງປ່າ ໃຫ້ສະອາດ ຈົບງາມ ໂດຍມີພະນັກງາມຂອງພະແນກ ຖວທ ແຂວງວຽງຈັນ ເຂົ້າຮ່ວມທັງໝົດ.

ໃນໄວນີ້ພະແນກ ຖວທ ກໍ່ຈະໄດ້ຈັດພິທີປາຖະກະຖາຫວນຄືນປະຫວັດ ແລະ ການກໍາເນີດຂອງວັນສື່ມວນຊົນ ແຫ່ງຊາດ ແລະ ການພິມຈຳໜ່າຍ ຄົບຮອບ 70 ປີ ແລະ ເພື່ອເຊື່ອມຊືມມູນເຊື້ອອັນພິລາດອາດຫານຂອງສື່ມວນຊົນລາວໃຫ້ ພະນັກງານໃນຂົງເຂດ ຖວທ ທົ່ວແຂວງ ກໍ່ຄືເມືອງໄດ້ຮັບຮູ້ຢ່າງເລິກເຊິ່ງຕື່ມອີກ.

ວັນທີ 13 ສິງຫາ ເປັນວັນທີ່ມີຄວາມໝາຍສຳຄັນຢ່າງຍິ່ງຕໍ່ວົງການສື່ມວນຊົນ ແລະ ການພິມຈຳໜ່າຍ. ເພື່ອຫວນຄືນມູນເຊື້ອແຫ່ງການເຕີບໃຫຍ່ຂະຫຍາຍຕົວຂອງວຽກງານສື່ມວນຊົນ ແລະ ການພິມຈຳໜ່າຍ

ໂດຍພາຍໃຕ້ການຊີ້ນຳ-ນຳພາຂອງພັກປະຊາຊົນປະຕິວັດລາວ ວຽກງານສື່ມວນຊົນ ແລະ ການພິມຈຳໜ່າຍຍາມໃດກໍ່ຕິດພັນສະໜິດແໜ້ນກັບປະຫວັດສາດຂອງຊາດ, ຂອງພັກ, ຂອງການປະຕິວັດ ແລະ ຂອງປະຊາຊົນລາວບັນດາເຜົ່າ.

ສະແດງອອກໃນມື້ສ້າງຕັ້ງແນວລາວອິດສະຫລະ, ພັກໄດ້ໃຫ້ກຳເນີດໜັງສືພິມປະຕິວັດສະບັບທຳອິດ ແລະສ້າງຕັ້ງໂຮງພິມປະຕິວັດ ວັນດຽວກັນຄື ວັນທີ 13 ສິງຫາ 1950, ເຊິ່ງແມ່ນທີ່ມາຂອງວັນສື່ມວນຊົນແຫ່ງຊາດ ແລະ ການພິມຈຳໜ່າຍ.

ພາບໂດຍ: ຊາຍງາມສົມຊ່າ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930