Wed. Sep 30th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມຊຸກຍູ້ວຽກງານກອງທຶນທານຸເຄາະ ແລະ ກອງທຶນຊ່ວຍເຫຼືອເຊິ່ງກັນ ແລະ ກັນ 

1 min read

ກອງປະຊຸມຊຸກຍູ້ວຽກງານກອງທຶນທານຸເຄາະ ແລະ ກອງທຶນຊ່ວຍເຫຼືອເຊິ່ງກັນ ແລະ ກັນ


ວັນທີ 30 ກໍລະກົດ 2020 ຢູ່ທີ່ສະໂມສອນເມືອງຫີນເຫີບແຂວງວຽງຈັນໄດ້ຈັດກອງປະຊຸມຊຸກຍູ້ວຽກງານກອງທຶນທານຸເຄາະ ແລະ ກອງທຶນຊ່ວຍເຫຼືອເຊິ່ງກັນ ແລະ ກັນ

ໂດຍການເປັນປະທານຂອງ ທ່ານ ບົວລໍາແພງ ວາງປະ ດິດ ຮອງປະທານຄະນະບໍລິຫານງານສະຫະພັນກໍາມະບານແຂວງວຽງຈັນ, ມີ ທ່ານ ກົງຈັນ ພັນທະມິດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງຫີນເຫີບ, ທ່ານ ບົວຊໍາ ທະນູສິນ ຄະນະບໍລິຫານງານສະຫະພັນກໍາມະບານແຂວງວຽງຈັນ ປະທານສະຫະພັນກໍາມະບານເມືອງຫີນເຫີບ, ບັນດາຄະນະຮັບຜິດຊອບຂັ້ນແຂວງ, ເມືອງ, ຄະນະບໍລິຫານງານກໍາມະບານຮາກຖານອ້ອມຂ້າງເມືອງເຂົ້າຮ່ວມທັງໝົດ 52 ຄົນ, ຍິງ 17 ຄົນ.


ທ່ານ ນ. ເຄືອ ອິນທະນາມ ຮອງປະທານສະຫະພັນກໍາມະບານເມືອງໄດ້ຂຶ້ນຜ່ານບົດສະຫຼຸບການເຄື່ອນໄຫວວຽກງານກອງທຶນຊ່ວຍເຫຼືອເຊິ່ງກັນ ແລະ ກັນໄລຍະ 6 ເດືອນຕົ້ນປີ 2020 ວ່າ ກອງທຶນສະຫະພັນກໍາມະບານເມືອງຫີນເຫີບປະກອບມີ ປະທານ 1 ທ່ານ, ຮອງປະທານ 1 ທ່ານ ໄລຍະ 6 ເດືອນຕົ້ນປີ 2020 ມີສະມາຊິກເຂົ້າໃໝ່ 29 ຄົນ, ມີສະມາຊິກທັງມົດ 658 ຄົນ, ຍິງ 253 ຄົນ

ໃນໄລຍະຜ່ານມາຄະນະກໍາມະການແຕ່ລະຂັ້ນໄດ້ເອົາໃຈໃສ່ຕິດ ຕາມຊຸກຍູ້, ກວດກາ ແລະ ຊີ້ນໍາການເຄື່ອນໄຫວວຽກງານກອງທຶນຢ່າງປົກກະຕິ, ບັນດາສະມາຊິກກອງທຶນສ່ວນຫຼາຍໄດ້ປະຕິບັດຖືກຕ້ອງຕາມລະບຽບຂອງກອງທຶນ ກໍ່ຄືພັນທະມອບເຂົ້າກອງທຶນເປັນປົກກະຕິ, ເປັນເຈົ້າການໃນການຄຸ້ມຄອງລາຍຮັບ ແລະ ລາຍຈ່າຍເປັນຢ່າງດີ, ຍັງມີຮາກຖານ ແລະ ສະມາຊິກຈໍານວນໜຶ່ງຍັງກໍາບໍ່ທັນແໜ້ນຕໍ່ກັບລະບຽບຂອງກອງທຶນ ເຮັດໃຫ້ການປະຕິບັດພັນທະມອບ – ຮັບຍັງຊັກຊ້າ ແລະ ແກ່ຍາວ ເຮັດໃຫ້ບາງຮາກຖານຍັງຄ້າງມອບເງິນກອງທຶນເປັນຈໍານວນຫຼາຍ.


ເພື່ອເປັນການກະຕຸກຊຸກຍູ້ວຽກງານໃຫ້ມີການເຄື່ອນໄຫວຢ່າງຄ່ອງຕົວ, ມີຄວາມຊັດເຈນ ແລະ ຖືກຕ້ອງ, ສາມາດບັນລຸແຜນການທີ່ໄດ້ກຳນົດອອກໃນ 6 ເດືອນທ້າຍປີກໍ່ຄືໃນຊຸມປີຕໍ່ໜ້າໃຫ້ມີບາດກ້າວອັນໃໝ່ ແລະ ໃຫ້ມີຜົນສໍາເລັດຕາມລະດັບຄາດໝາຍ ກອງປະຊຸມໄດ້ຮັບຟັງການຜ່ານກົດລະບຽບຂອງກອງທຶນທານຸເຄົາະ ແລະ ກອງທຶນຊ່ວຍເຫຼືອເຊິ່ງກັນ ແລະ ກັນໂດຍ ທ່ານ ບົວລໍາແພງ ວາງປະດິດ ຮອງປະທານຄະນະບໍລິຫານງານສະຫະພັນກໍາມະບານແຂວງວຽງຈັນ ແລະ ໄດ້ຮັບຟັງການລາຍງານຜົນສໍາເລັດກອງປະຊຸມໃຫຍ່ຄັ້ງທີ VII

ຜູ້ແທນສະຫະພັນກໍາມະບານແຂວງວຽງຈັນໂດຍ ທ່ານ ແສງທໍາ ອະໄພຍະລາດ ຮອງປະທານຄະນະບໍລິຫານງານສະຫະພັນກໍາມະບານແຂວງວຽງຈັນ ທ່ານ ກົງຈັນ ພັນທະມິດ ຮອງເລຂາພັກເມືອງ ຫົວໜ້າຄະນະຈັດຕັ້ງເມືອງໄດ້ໃຫ້ກຽດມີຄໍາເຫັນ ແລະ ໂອ້ລົມຕໍ່ກອງປະຊຸມຕື່ມອີກ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930