Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີປະກາດ 4 ບຸກ ຄະນະຊາວໜຸ່ມປະຊາຊົນປະຕິວັດລາວ ເມືອງວັງວຽງ ຮອບທີ III

1 min read

ພິທີປະກາດ 4 ບຸກ ຄະນະຊາວໜຸ່ມປະຊາຊົນປະຕິວັດລາວ ເມືອງວັງວຽງ ຮອບທີ III

ວັນທີ 30 ກໍລະກົດ 2020 ນີ້, ຢູ່ທີ່ສະໂມສອນຂອງເມືອງວັງວຽງ ແຂວງວຽງຈັນ, ໄດ້ມີພິທີປະກາດ 4 ບຸກ ຄະນະຊາວໜຸ່ມປະຊາຊົນປະຕິວັດລາວ ເມືອງວັງວຽງ ຮອບທີ III.

ໂດຍການເຂົ້າຮ່ວມຂອງທ່ານ ຄຳເລ້ ໄຊຍະວົງສີ ເລຂາຄະນະພັກ ເລຂາຄະນະບໍລິຫານງານຊາວໜຸ່ມແຂວງວຽງຈັນ, ມີທ່ານ ສີສຸພັນ ວັດທະນາວົງ ປະທານແນວລາວສ້າງຊາດເມືອງວັງວຽງ, ທ່ານ ນາງ ເກດສະໜາ ບຸນໄທ ຄະນະບໍລິຫານງານຊາວໜຸ່ມແຂວງວຽງຈັນ ເລຂາຄະນະບໍລິຫານງານຊາວໜຸ່ມເມືອງວັງວຽງ, ມີບັນດາຄະນະປະຈຳ, ກຳມະການພັກເມືອງ, ຫົວຫນ້າຫ້ອງການ, ຄະນະຫ້ອງການ ຕະຫລອດຮອດສະມາຊິກຊາວໜຸ່ມທົ່ວເມືອງເຂົ້າຮ່ວມ.


ທ່ານ ນາງ ເກດສະໜາ ບຸນໄທ ເລຂາຄະນະບໍລິຫານງານຊາວໜຸ່ມເມືອງວັງວຽງ ໄດ້ຂຶ້ນຜ່ານບົດສະຫຼຸບການປະເມີນຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ໃນສົກປີ 2018-2019 ພ້ອມທັງ ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ ແລະ ບາງບົດຮຽນຖອດຖອນໄດ້ ໂດຍຜ່ານການຈັດຕັ້ງປະຕິບັດ ແລະ ປະເມີນການກວດກາ 4 ບຸກ ຄະນະຫນ່ວຍຊາວຫນຸ່ມເມືອງວັງວຽງ ສາມາດຍາດໄດ້ຜົນງານພົ້ນເດັ່ນໃນການບຸກດ້ານແນວຄິດ, ບຸກດ້ານຝຶກຝົນຫຼໍ່ຫຼອມ -ຮໍ່າຮຽນ, ບຸກດ້ານການປັບປຸງ – ກໍ່ສ້າງການຈັດຕັ້ງ ແລະ ບຸກດ້ານວິຊາຊີບ – ສ້າງວຽກເຮັດງານທໍາ ໂດຍອີງຕາມຜົນງານການ ເຄື່ອນໄຫວຕົວຈິງສົມທຽບໃສ່ມາດຖານ ແລະ ເງື່ອນໄຂຂໍ້ແຂ່ງຂັນ 4 ບຸກ.

ທົ່ວເມືອງວັງວຽງມີຫນ່ວຍຊາວຫນຸ່ມຮາກຖານ 99 ຮາກຖານ ມີ 59 ຫນ່ວຍຮາກຖານບ້ານ, 21 ຫນ່ວຍສໍານັກງານກົມກອງ ແລະ 15 ຫນ່ວຍໂຮງຮຽນ, ສາມາດປະກາດຢັ້ງຢືນຮັບຮອງເປັນຫນ່ວຍຊາວຫນຸ່ມ 4 ບຸກ ໄດ້ ຮອບ I ໄດ້ 94 ໜ່ວຍເທົ່າກັບ 97% ຮອບ ll ໄດ້ 87 ໜ່ວຍ ເທົ່າກັບ 80% ແລະ ຮອບ lll ໄດ້ 95 ຫນ່ວຍເທົ່າກັບ 95%, ໃນນັ້ນຊາວຫນຸ່ມປະຊາຊົນປະຕິວັດລາວໄດ້ຮ່ວມດໍາເນີນຊີວິດການເມືອງ ສໍາຫຼວດຕົນເອງທັງຫມົດ. 4,187 ສະຫາຍ, ຍິງ 1,517 ສະຫາຍ, ສາມາດຕິລາຄາຈັດປະເພດດັ່ງນີ້: ປະເພດດີເດັ່ນ ມີ 3,542 ສະຫາຍ ຍິງ 1,380 ສະຫາຍເທົ່າ ກັບ 85%, ປະເພດກາງ 413 ສະຫາຍ ຍິງ 100 ສະຫາຍເທົ່າກັບ 15%, ປະເພດອ່ອນ ບໍ່ມີ,

ຜ່ານການຕີລາຄາຈັດປະເພດ ດັ່ງນັ້ນເຫັນໄດ້ວ່າຫນ່ວຍຊາວຫນຸ່ມຮາກຖານສາມາດປະຕິບັດຂໍ້ແຂ່ງຂັນ 4 ບຸກໄດ້ແລະສາມາດປະກາດຮັບຮອງເປັນຫນ່ວຍ ຊາວຫນຸ່ມ 4 ບຸກໄດ້ 95 ຫນ່ວຍ ບັນລຸ 95 % ຂອງຫນ່ວຍຊາວຫນຸ່ມທັງຫມົດໃນທົ່ວເມືອງ. ຕາງໜ້າຄອບຄົວຕົວແບບ ຍັງໄດ້ປະກອບຄໍາເຫັນ ກ່ຽວກັບການພັດທະນາແຫຼ່ງທ່ງວທ່ຽວ.


ໃນພິທີຍັງໄດ້ມອບໃບຍ້ອງຍໍຜົນງານ 5 ປີຂອງຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ແລະໃບກຽດຕິຄຸນຂອງທ່ານເຈົ້າແຂວງໆວຽງຈັນ.


ໃຫ້ກຽດມອບຢັ້ງຢືນ 4 ບຸກ-ທຸງໄຊນຳໜ້າ 4 ບຸກ ໂດຍທ່ານ ຄຳເລ້ ໄຊຍະວົງສີ ເລຂາຄະນະພັກ ເລຂາຄະນະບໍລິຫານງານຊາວໜຸ່ມແຂວງວຽງຈັນ ແລະ ໃຫ້ກຽດຮັບໂດຍ ທ່ານ ນາງ ເກດສະໜາ ບຸນໄທ ເລຂາຄະນະບໍລິຫານງານຊາວໜຸ່ມເມືອງວັງວຽງ ພ້ອມດ້ວຍຄະນະ.


ທ່ານເລຂາຄະນະບໍລິຫານງານຊາວຫນຸ່ມແຂວງວຽງຈັນ ໄດ້ໃຫ້ກຽດໂອ້ລົມ ແລະເຜີຍແຜ່ຜົນສຳເລັດຂອງກອງປະຊຸມໃຫຍ່ຂອງຄະນະບໍລິຫານງານຊາວໜຸ່ມແຂວງວຽງຈັນຄັ້ງທີ VIII ກ່ອນອື່ນທ່ານກໍ່ໄດ້ຍ້ອງຍໍຊົມເຊີຍຜົນງານທີ່ທາງ ເລຂາຄະນະບໍລິຫານງານຊາວໜຸ່ມເມືອງວັງວຽງຍາດມາໄດ້

ພ້ອມທັງເນັ້ນໃຫ້ສືບຕໍ່ຈັດຕັ້ງປະຕິບັດຫນ້າທີ່ວຽກງານວິຊາສະເພາະໃຫ້ສໍາເລັດເປັນກ້າວໆ, ສືບຕໍ່ປັບປຸງການຈັດຕັ້ງຊາວຫນຸ່ມໃຫ້ເຕີບໃຫຍ່ເຂັ້ມແຂງດ້ານປະລິມານ ແລະ ຄຸນນະພາບ ເປັນກໍາລັງແຮງສໍາຄັນຊ່ວຍຄະນະນໍາຂອງຕົນ ໃນການເຕົ້າໂຮມ ຄວາມສາມັກຄີ ແລະ ກາຍເປັນແກ່ນສານຂອງພັກຢ່າງແທ້ຈິງ.

ຂ່າວ: ເມືອງວັງວຽງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031