Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

06 ເດືອນຕົ້ນປີ ເສດຖະກິດເມືອງກສາສີ ຂະຫຍາຍຕົວ 4,1% 

1 min read

06 ເດືອນຕົ້ນປີ ເສດຖະກິດເມືອງກສາສີ ຂະຫຍາຍຕົວ 4,1%


ໃນວັນທີ 31 ກໍລະກົດ 2020ຜ່ານມານີ້, ສະຫາຍ ຄຳອ້ວນ ສຸວັນທອງ ກຳມະການພັກເມືອງ ຮອງເຈົ້າເມືອງໆກາສີ ໄດ້ຂື້ນລາຍງານການຈັດຕັ້ງປະຕິບັດແຜນພັດ ທະນາເສດຖະກິດ-ສັງຄົມ 06ເດືອນຕົ້ນປີ ແລະ ຄາດຄະເນ 06ເດືອນທ້າຍປີ 2020 ຕໍ່ກອງປະຊຸມຄົບຄະນະບໍລິຫານງານພັກເມືອງ ຄັ້ງທີ 3 ສະໄໝ ທີ VI ນີ້ວ່າ

ໃນໄລຍະ 06ເດືອນຕົ້ນປີ 2020 ເສດຖະກິດເມືອງກາສີ ຂະຫຍາຍຕົວຢູ່ໃນລະດັບ 4,1% ແຜນການປີທີ່ວາງໃວ້ແມ່ນ 7,5%. ລວມຍອດລາຍຮັບພາຍໃນບັນລຸໄດ້ປະມານ 342,8 ລ້ານຕື້ກວ່າກີບ, ສະເລ່ຍລາຍຮັບໃສ່ຫົວຄົນໄດ້ 8,2 ລ້ານກວ່າກີບ ຫຼື ເທົ່າກັບ 923 ໂດລາຕໍ່ຄົນຕໍ່06ເດືອນ (ອັດຕາແລກປ່ຽນ 1ໂດລາ ເທົ່າກັບ 8.884 ກີບ, ພົນລະ ເມືອງ 06ເດືອນຕົ້ນປີ 2020 ມີທັງໝົດ 41.791 ຄົນ) ສະເລ່ຍເຂົ້າກິນໄດ້ 34,07 ກິໂລ/ຄົນ/06ເດືອນ, ທຽບໃສ່ແຜນການປີເທົ່າກັບ 66,51%, ສາມາດປູກພືດລະດູແລ້ງ ໄດ້ທັງໝົດ 2.932 ເຮັກຕາ ຜົນຜະລິດໄດ້ 18.904 ໂຕ່ນ; ທົ່ວເມືອງມີສັດລ້ຽງປະເພດ ຄວາຍ ຈຳນວນ 5.369 ໂຕ, ງົວ 13.002 ໂຕ, ໝູ 5.378 ໂຕ, ແບ້ 1.778 ໂຕ, ນອກນັ້ນ ຍັງມີສັດປີກ ຈຳນວນ 139.325 ກວ່າໂຕ ສາມາດສະໜອງການບໍລິໂພກໄດ້ 411,35ໂຕ່ນ, ສະເລ່ຍການບໍລິໂພກໃສ່ຫົວຄົນໄດ້ 9,64ກິໂລ/ຄົນ/06ເດືອນ; ທົ່ວເມືອງ ມີຊົນລະປະທານທັງໝົດ 183 ແຫ່ງ, ມີໂຮງງານອຸດສາຫະກຳ ແລະ ຫັດຖະກຳ ທັງ ໝົດ 135 ຫົວໜ່ວຍ ລວມມູນຄ່າຜະລິດຕະພັນ 38 ຕື້ກວ່າກີບ; ການເກັບລາຍຮັບ ເຂົ້າງົບປະມານ 06ເດືອນຜ່ານມາ ປະຕິບັດໄດ້ 901 ລ້ານກວ່າກີບ ເທົ່າກັບ 53,77% ຂອງແຜນການປີ,

ດ້ານລາຍຈ່າຍປະຕິບັດໄດ້ 2 ຕື້ກວ່າກີບ ເທົ່າກັບ 34,46% ຂອງ ແຜນການປີ; ດ້ານພື້ນຖານໂຄ່ງລ່າງ ກໍໄດ້ແກ້ໄຂສຸກເສີນເສັ້ນທາງນາຊູ-ລ້ອງໝາກ ຄາຍ, ຕິດຕາມການກໍ່ສ້າງເສັ້ນທາງເບຕົ່ງເສີມເຫຼັກ ທາງເວັ້ນເສັ້ນທາງລົດໄຟລາວ-ຈີນ ເຂດບ້ານນາມົນ ມີຄວາມຍາວ 217 ແມັດ, ເສັ້ນທາງຊອຍບ້ານໂພນສະຫວາດ ຍາວ 847 ແມັດ, ຕິດຕາມການສ້ອມແປງເສັ້ນທາງຫຼວງແຫ່ງຊາດ 13 ເໜືອ ມູນຄ່າ 5 ຕື້ກວ່າກີບ ສາມາດປະຕິບັດໄດ້ 87,42%, ສ້ອມແປງທາງກາສີ-ເມືອງນານ ມູນຄ່າ 02 ຕື້ກວ່າກີບ ປະຕິບັດໄດ້ 93,21%; ໄດ້ສຳຫຼວດວັດແທກອອກໃບແຈ້ງທີ່ດິນ ໄດ້ທັງໝົດ 298 ຕອນ, ເທົ່າກັບ149% ຂອງແຜນການປີ.

ສຳລັບ 06ເດືອນທ້າຍປີ 2020 ຈະ ສືບຕໍ່ເຮັດໃຫ້ຈັງວະການຂະຫຍາຍຕົວຂອງເສດຖະກິດ ຢູ່ໃນລະດັບ 7,5%, ສືບຕໍ່ ເກັບລາຍຮັບເຂົ້າງົບປະມານ ໃຫ້ໄດ້ຕາມແຜນ ຫຼື ລື່ນແຜນການຕາມເງື່ອນໄຂຕົວຈິງ, ສືບຕໍ່ວຽກງານກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ ຕິດພັນ ກັບວຍກງານສາມສ້າງໃຫ້ໜັກແໜ້ນເຂັ້ມແຂງຂື້ນກວ່າເກົ່າ, ສູ້ຊົນເຮັດໃຫ້ອັດຕາຄອບ ຄົວທຸກຍາກລຸດລົງ ແລະໝົດໄປເທື່ອລະກ້າວ, ສືບຕໍ່ສູ້ຊົນສ້າງບ້ານພັດທະນາ ໃຫ້ນັບມື້ນັບເພີ່ມຂື້ນດ ສືບຕໍ່ສະກັດກັ້ນແກ້ໄຂບັນຫາປະກົດການຫຍໍ້ທໍ້ຕ່າງໆ ທີ່ເປັນສິ່ງກີດຂວາງ ອັດຕັນ ຕໍ່ການພັດທະນາ ຂອງເມືອງໃຫ້ໝົດໄປຢ່າງຊິ້ນເຊີງ.

( ຂ່າວ: ອຳພອນ )

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031