Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງກາສີ ສ້າງຂະບວນການແຂ່ງຂັນກິລາ ຂໍານັບຮັບຕ້ອນກອງປະຊຸມໃຫຍ່ ຂອງອົງຄະນະພັກແຂວງວຽງຈັນ

1 min read

ເມືອງກາສີ ສ້າງຂະບວນການແຂ່ງຂັນກິລາ
ຂໍານັບຮັບຕ້ອນກອງປະຊຸມໃຫຍ່ ຂອງອົງຄະນະພັກແຂວງວຽງຈັນ.


ໃນເວລາ 16ໂມງ 30ນາທີ ຂອງວັນທີ 31 ກໍລະກົດ 2020ຜ່ານມານີ້, ພະນັກງານກຸ່ມການເມືອງ ແລະ ກຸ່ມເສດຖະກິດ ຂອງເມືອງກາສີ ໄດ້ພ້ອມກັນສ້າງຂະບວນການແຂ່ງຂັນກິລາບານເຕະຂື້ນ ທີ່ເດີ່ນຫຍ້າທຽມຊ້ອຍສະຫວັນ; ການແຂ່ງຂັນກິລາໃນຄັ້ງນີ້ ກໍເພື່ອເປັນການເພີ່ມທະວີສາຍພົວພັນຮັດແໜ້ນຄວາມສາມັກຄີປອງດອງ ລະຫວ່າງພະນັກງານ-ລັດຖະກອນຂອງທັງສອງພາກສ່ວນ ໃຫ້ມີຄວາມໜັກແໜ້ນເຂັ້ມແຂງຂື້ນເປັນກ້າວໆ, ພ້ອມກັນນັ້ນ ກໍ່ຍັງເປັນການສ້າງຂະບວນການຂຳນັບຮັບຕ້ອນ ກອງປະຊຸມກອງປະຊຸມໃຫຍ່ ຄັ້ງທີ 6 ຂອງອົງຄະນະພັກແຂວງວຽງຈັນ ທີ່ຈະໄຂຂື້ນໃນຕໍ່ໜ້ານີ້; ສຳລັບການແຂ່ງຂັນໄດ້ແບ່ງອອກເປັນ 02 ທີມ ມີທີມອາວຸໂສ ແລະ ທີມຊາວໜຸ່ມ.

ຜ່ານການແຂ່ງຂັນປະກົດວ່າ: ທີມອາວຸໂສແມ່ນທີມ ກຸ່ມເສດຖະກິດຊະນະ 5/4 ປະຕູ, ສ່ວນທີມຊາວໜຸ່ມແມ່ນທີມກຸ່ມການເມືອງຊະນະ 4/3 ປະຕູ. ໃນໂອກາດດຽວກັນນັ້ນ ທ່ານ ຕິກ ສີປະເສີດ ປະທານບໍລິສັດ ໂຊກດີຂົນສົ່ງ ຈຳກັດ ໄດ້ໃຫ້ກຽດມອບເຄື່ອງນຸ່ງ ຈຳນວນ 12 ຊຸດ ມູນຄ່າ 800.000 ກີບ ໃຫ້ພະນັກງານຫ້ອງການ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງກາສີ, ເຊີ່ງກ່າວຮັບໂດຍແມ່ນ ທ່ານ ຄຳເພົ້າ ວົງພະຈັນ ຮອງຫົວໜ້າຫ້ອງການ ຖວທ ເມືອງກາສີ ໂດຍການເຂົ້າຮ່ວມເປັນສັກຂີພິຍານ ຂອງ ທ່ານ ແຫຼງທອງ ແສງສຸລິຍາ ກຳມະການພັກເມືອງ ຫົວໜ້າຫ້ອງການ ຖວທ ເມືອງ ພ້ອມດ້ວຍທີມນັກກິລາເຂົ້າຮ່ວມເປັນສັກຂີພິຍານ.

ພ້ອມນັ້ນ ທ່ານ ຄຳເພົ້າ ວົງພະຈັນ ໄດ້ຕາງໜ້າໃຫ້ແກ່ຄະນະພັກ ພະນັກງານຫ້ອງການ ຖວທ ກ່າວສະແດງຄວາມຂອບອົກຂອບໃຈຢ່າງສູງ ຕໍ່ທ່ານ ຕິກ ສີປະເສີດ ທີ່ມີນ້ຳຈິດນ້ຳໃຈ ໃຫ້ການອຸປະຖຳສະໜັບສະໜູນ ເຄື່ອງນຸ່ງໃຫ້ແກ່ພະນັກງານຫ້ອງການ ຖວທ ໃນຄັ້ງນີ້ ແລະ ໃນຕໍ່ໜ້າກໍຂໍໃຫ້ທ່ານຈົ່ງສືບຕໍ່ໃຫ້ການອຸປະຖຳສະະໜັບສະໜູບຫ້ອງການ ຖວທ ຕື່ມອີກ.

ຂ່າວເມືອງກາສີ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed