Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມເຊື່ອມຊຶມຜົນສໍາເລັດກອງປະຊຸມໃຫຍ່ຜູ້ແທນຊາວໜຸ່ມທົ່ວແຂວງວຽງຈັນ ຄັ້ງທີ VIII

1 min read

ກອງປະຊຸມເຊື່ອມຊຶມຜົນສໍາເລັດກອງປະຊຸມໃຫຍ່ຜູ້ແທນຊາວໜຸ່ມທົ່ວແຂວງວຽງຈັນ ຄັ້ງທີ VIII.


ວັນທີ 31 ກໍລະກົດ ຜ່ານມາຢູ່ທີ່ສະໂມສອນເມືອງຫີນເຫີບແຂວງວຽງຈັນໄດ້ເຊື່ອມຊຶມຜົນສໍາເລັດກອງປະ ຊຸມໃຫຍ່ຜູ້ແທນຊາວໜຸ່ມທົ່ວແຂວງວຽງຈັນ ຄັ້ງທີ VIII ໂດຍການຂຶ້ນເຜີຍແຜ່ຂອງ ສະຫາຍ ຄໍາເລ້ ໄຊຍະວົງສີ ເລຂາໜ່ວຍພັກ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງວຽງຈັນ ເຊິ່ງກອງປະ ຊຸມໄດ້ໄຂຂຶ້ນຢ່າງເປັນທາງການໃນວັນທີ 29 ມິຖຸນາ 2020 ຢູ່ທີ່ສະໂມສອນໃຫຍ່ກອງບັນຊາການທະຫານແຂວງວຽງຈັນ

ໂດຍການເປັນປະທານຂອງ ສະຫາຍ ຄໍາເລ້ ໄຊຍະວົງສີ ເລຂາໜ່ວຍພັກ ເລຂາຄະນະບໍລິຫານງານຊາວໜຸ່ມປະຊາ ຊົນປະຕິວັດລາວແຂວງວຽງຈັນ, ມີ ສະຫາຍ ຄໍາພັນ ສິດທິດໍາພາ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆວຽງຈັນ, ສະຫາຍ ອາລຸນໄຊ ສູນນະລາດ ກໍາມະການສໍາຮອງສູນກາງພັກ ເລຂາຄະນະພັກ ເລ ຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ສະມາຊິກສະພາແຫ່ງຊາດ ປະຈໍາເຂດ 8 ແຂວງຫົວພັນ, ມີບັນດາສະຫາຍຄະນະປະຈໍາ, ຄະນະບໍລິຫານງານພັກແຂວງ, ຄະນະບໍລິຫານງານພັກເມືອງ, ອາດີດການນຳຊາວໜຸ່ມ ນັກຮົບປະຕິວັດອາວຸໂສບໍານານ, ອົງການຈັດຕັ້ງມະຫາຊົນຂັ້ນແຂວງ, ອົງການພາຄີ, ຮອງຫົວໜ້າກົມຈາກສູນກາງຊາວໜຸ່ມປະຊາຊົນປະຕິວັດລາວ, ຄະນະພະແນກການ, ອົງການຈັດຕັ້ງມະຫາຊົນຂັ້ນແຂວງ, ຄະນະສະມາ ຄົມນັກທຸລະກິດໜຸ່ມແຂວງ, ຄອບຄົວຊາວໜຸ່ມຕົວແບບ, ຕາງໜ້າສະມາຊິກເຍົາວະຊົນ, ຕະຫຼອດຮອດຜູ້ແທນກອງປະຊຸມເຂົ້າຮ່ວມທັງໝົດ 180 ສະຫາຍ, ຍິງ 45 ສະຫາຍ

ທີ່ເປັນຕົວແທນໃຫ້ແກ່ສະມາຊິກຊາວໜຸ່ມ – ເຍົາວະຊົນທົ່ວແຂວງວຽງຈັນ ຜູ້ແທນກອງປະຊຸມໄດ້ໃຊ້ສິດປະຊາທິປະໄຕຂອງຕົນໃນການປ່ອນບັດເລືອກຕັ້ງເອົາຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງວຽງຈັນ ສະໄໝທີ VIII ເຊິ່ງມີຜູ້ສະໝັກເລືອກຕັ້ງ 37 ສະຫາຍ, ຍິງ 10 ສະຫາຍ ເລືອກເອົາ 33 ສະຫາຍ, ຍິງ 9 ສະຫາຍ ກອງປະຊຸມຄັ້ງປະຖົມມະລຶກເປັນເອກະພາບເລືອກເອົາ ສະຫາຍ ຄໍາເລ້ ໄຊຍະວົງສີ ເປັນເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງວຽງຈັນ, ສະຫາຍ ນ. ອິນມະສອນ ສຸທໍາມະວົງ ແລະ ສະຫາຍ ດາວວອນ ລາດຊະວົງ ເປັນຮອງເລຂາ ກອງປະຊຸມເລືອກເອົາຜູ້ແທນສົມບູນ 17 ສະຫາຍ, ຍິງ 3 ສະຫາຍ ແລະ ສໍາຮອງ 2 ສະຫາຍໄປເຂົ້າຮ່ວມກອງປະຊຸມໃຫຍ່ຜູ້ແທນຊາວໜຸ່ມທົ່ວປະເທດ ຄັ້ງທີ່ງ VIII.


ຕອນທ້າຍກອງປະຊຸມຍັງໄດ້ຮັບການໂອ້ລົມຂອງ ສະຫາຍ ອາລຸນໄຊ ສູນນະລາດ ກໍາມະການສໍາຮອງສູນກາງພັກ ເລຂາຄະນະພັກ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ໄຊຊະນະໃນການຊີ້ນໍາ – ນໍາພາຂອງຄະນະບໍລິຫານງານຊາວໜຸ່ມແຂວງເຊິ່ງຍາດໄດ້ຜົນສໍາເລັດຫຼາຍດ້ານ ແລະ ສາມາດເຮັດລ້ອນໜ້າທີ່ການເມືອງຂອງຕົນ

ພ້ອມກັນນັ້ນສະຫາຍຍັງສະແດງຄວາມເປັນຫ່ວງເປັນໄຍຕໍ່ບັນຫາດ້ານອ່ອນ, ຂໍ້ຄົງຄ້າງໃນຊຸມປີຜ່ານມາພ້ອມທັງໃຫ້ທິດຊີ້ນໍາວຽກງານແຕ່ລະດ້ານ ແລະ ໄດ້ມອບຄວາມຮັບຜິດຊອບໃຫ້ຄະນະບໍລິຫານງານຊາວໜຸ່ມແຂວງຊຸດໃໝ່ສືບຕໍ່ຄົ້າຄວ້າ, ຊີ້ນໍາ – ນໍາພາຈັດຕັ້ງປະຕິບັດມະຕິກອງປະ ຊຸມໃຫຍ່ຜູ້ແທນຊາວທົ່ວແຂວງວຽງຈັນ ຄັ້ງທີ່ງ VIIIໃຫ້ບັນລຸຕາມລະດັບຄາດໝາຍ.


ກອງປະຊຸມຍັງໄດ້ມີການມອບໃບກຽດຕິຄຸນ ແລະ ໃບຍ້ອງຍໍໃຫ້ແກ່ຄະນະບໍລິຫານງານຊາວໜຸ່ມເມືອງຫີນເຫີບ ເຊິ່ງໃຫ້ກຽດມອບໂດຍ ສະຫາຍ ຄຳເລ້ ໄຊຍະວົງສີ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງວຽງຈັນ ໃນວັນດຽວກັນເລຂາຄະນະບໍລິຫານງານຊາວໜຸ່ມແຂວງ, ເມືອງຍັງໄດ້ນໍາເອົາເຄື່ອງບັນເທົາທຸກຈຳນວນ 12 ແກັດມອບໃຫ້ 5 ຄອບຄົວທີ່ປ່ຽວພອຍ ( ອານາຖາ ) ຢູ່ທີ່ບ້ານໂຊກຈະເລີນເມືອງຫີນເຫີບແຂວງວຽງຈັນທີ່ລະ ດົມໄດ້ຈາກ ສປ ເກົາຫຼີ.


ເຂົ້າຮ່ວມຮັບຟັງເຜີຍແຜ່ມີບັນດາເລຂາ, ຄະນະໜ່ວຍ ແລະ ສະມາຊິກຊາວໜຸ່ມທົ່ວເມືອງເຂົ້າຮ່ວມທັງໝົດ 135 ສະຫາຍ, ຍິງ 55 ສະຫາຍ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed