Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຊະນະຄາມ ແຂວງວຽງຈັນ ຈັດຕັ້ງພິທີປະຖະຖະຖາ 2 ວັນປະຫວັດສາດ.

1 min read

ເມືອງຊະນະຄາມ ແຂວງວຽງຈັນ ຈັດຕັ້ງພິທີປະຖະຖະຖາ 2 ວັນປະຫວັດສາດ : ວັນຊາດ ທີ 2 ທັນວາ ຄົບຮອບ 44 ປີ ແລະ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ99ປີ.

ທ້າຍເດືອນ ພະຈິກ 2019 ທີ່ຜ່ານມາ ເມືອງຊະນະຄາມ ແຂວງວຽງຈັນ, ໄດ້ຈັດພິທີປະຖະກະຖາເລົ່າມູນເຊື້້ອ 2 ວັນປະຫັວດສາດ ວັນຊາດທີ 2 ທັນວາ ຄົບຮອບ 44 ປີ ( 02.12.1975 – 02.12.2019) ແລະວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 99 ປີ( 13.12.1920-13.12.2019) ຢູ່ທີ່ສະໂມສອນຂອງເມືອງ, ໂດຍພາຍໃຕ້ການເຂົ້າຮ່ວມຂອງທ່ານ ແກ້ວ ພິມມະວົງ ຄະນະປະຈໍາພັກເມືອງ ຮອງເຈົ້າເມືອງໆຊະນະຄາມ, ມີບັນດາທ່ານໃນຄະນະປະຈໍາພັກເມືອງ, ກໍາມະການພັກເມືອງ, ພະນັກງານອາວຸໂສ-ບໍານານ, ຫົວໜ້າຫ້ອງການ, ສອງກໍາລັງປະກອບວາວຸດ, ສະມາຊິກພັກ, ພະນັກງານ ພ້ອມດ້ວຍບັນດາຄູ-ອາຈານ ເຂົ້້າຮ່ວມຢ່າງພ້ອມພຽງ.

ໃນໂອກາດທີ່ມີຄວາມໝາຍຄວາມສໍາຄັນດັ່ງກ່າວ, ບັນດາຜູ່ເຂົ້າຮ່ວມໃນພິທີ ໄດ້ເປັນກຽດຮັບຟັງການຜ່ານເອກະ ສານຫວນຄືນມູນເຊື້ອ 2 ວັນປະຫວັດສາດດັ່ງກ່າວ, ໂດຍວັນທີ 2 ທັນວາ 1975 ແມ່ນໄຊຊະນະອັນຫຍິ່ງໃຫຍ່ໃນປະຫວັດສາດແຫ່ງການຕໍ່ສູ້ຂອງຊາດລາວທົ່ວປະເທດ, ແມ່ນວັນທີ່ປະຊາຊົນລາວບັນດາເຜົ່າໄດ້ມີສິດເສລີພາບ, ໄດ້ເປັນເຈົ້າຂອງປະເທດຊາດຢ່າງແທ້ຈິງ ປະເທດລາວໄດ້ກາຍເປັນປະເທດເອກະລາດຢ່າງສົມບູນ, ມີອະທິປະໄຕອັນຄົບຖ້ວນ ໂດຍມີທີ່ຕັ້ງອັນສົມກຽດ ແລະ ມີຖານະເທົ່າທຽມກັບປະເທດອື່ນໆ ໃນເວທີປະຊາຄົມໂລກ.

ຈຸດປະສົງຂອງພິທີໃນຄັ້ງນີ້ ກໍ່ເພື່ອສຶກສາອົບຮົມໃຫ້ແກ່ພະນັກງານສະມາຊິກພັກ, ພະນັກງານ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າຊັ້ນຄົນຕ່າງໆໄດ້ກໍາແໜ້ນເນື້ອໃນ, ມູນເຊື້ອປະຫວັດສາດ, ຄວາມເປັນມາ, ຄວາມໝາຍຄວາມສໍາຄັນຂອງ 2 ວັນປະຫວັດສາດດັ່ງກ່າວ, ເຫັນໄດ້ມູນເຊື້ອຕໍ່ສູ້ອັນພິລະອາດຫານເສຍສະຫຼະເລືອດເນື້ອເພື່ອການປະຕິວັດ, ການນໍາພາທີ່ສະຫຼາດສ່ອງໃສ, ຄວາມປີຊາສາມາດຂອງພັກປະຊາຊົນປະຕິວັດລາວ ແລະ ຮໍ່າຮຽນເອົາຄຸນງາມຄວາມດີ, ຄຸນສົມ ບັດສິນທໍາປະຕິວັດ, ແບບແຜນການດໍາລົງຊີວິດ, ຄວາມເປັນແບບຢ່າງນໍາໜ້າຂອງປະທານໄກສອນພົມວິຫານ ເພື່ອນໍາໃຊ້ເຂົ້າໃນການເຄື່ອນໄຫວຕົວຈິງຢູ່ແຕ່ລະຂົງເຂດວຽກງານ ໃນພາລະກິດປ່ຽນແປງໃໝ່ຄື: ປົກປັກຮັກສາ ແລະ ສ້າງສາພັດທະນາປະເທດຊາດ.

ຂ່າວ: ສະຫຼິງ ນັກຂ່າວເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031