Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມທາບທາມເນື້ອໃນຮ່າງລາຍງານການເມືອງ ແລະ ແຜນພັດທະນາເສດຖະກິດ-ສັງຄົມ ເພື່ອສະເໜີຕໍ່ກອງປະຊຸມໃຫ່ຍ ຜູ້ແທນອົງຄະນະພັກແຂວງວຽງຈັນຄັ້ງທີ VI

1 min read

ກອງປະຊຸມທາບທາມເນື້ອໃນຮ່າງລາຍງານການເມືອງ ແລະ ແຜນພັດທະນາເສດຖະກິດ-ສັງຄົມ ເພື່ອສະເໜີຕໍ່ກອງປະຊຸມໃຫ່ຍ ຜູ້ແທນອົງຄະນະພັກແຂວງວຽງຈັນຄັ້ງທີ VI.


ກອງປະຊຸມ ທາບທາມເນື້ອໃນຮ່າງລາຍງານການເມືອງ ແລະ ແຜນພັດທະນາເສດຖະກິດ-ສັງຄົມ ເພື່ອສະເໜີຕໍ່ກອງປະຊຸມໃຫ່ຍ ຜູ້ແທນອົງຄະນະພັກແຂວງວຽຈັນ.

ວັນທີ 3 ສີງຫາ 2020 ຢູ່ທີ່ສະໂມສອນເມືອງແມດ ພາຍໃຕ້ການເປັນປະທານຂອງ ທ່ານ ນາງສິງຄຳ ຄົງສະຫັວນ ກຳມະການຄະນະປະຈຳພັກແຂວງ ຮອງເລຂາພັກແຂວງ ຮອງເຈົ້າແຂວງ ແຂວງວຽງຈັນ ທັງເປັນຫົວໜ້າຄະນະຮັບຜິດຊອບອານຸກຳມະການເນື້ອໃນ ພ້ອມດ້ວຍຄະນະ ໄດ້ລົງທາບທາມ ເນື້ອໃນຮ່າງລາຍງານການເມືອງ ແລະ ແຜນພັດທະນາເສດຖະກິດ-ສັງຄົມ

ເປັນກຽດເຂົ້າຮ່ວມທາບທາມໃນຄັ້ງນີ້ມີທ່ານ ຄຳປ່ຽນ ແສງສະຫວັດ ເລຂາພັກເມືອງເຈົ້າເມືອງໆແມດ, ຄະນະປະຈຳພັກເມືອງ, ກຳມະການພັກເມືອງ, ຫົວໜ້າ,ຮອງຫົວໜ້ອງຫ້ອງການ, ນາຍ ແລະ ພົນທະຫານ,ນາຍ ແລະ ພົນຕຳຫຼວດຊັ້ນຮ້ອຍເອກຂື້ນໄປ, ພະນັກງານອາວຸດໂສບຳນານ, ນັກທຸລະກິດ, ເລຂາພັກບ້ານ ນາຍບ້ານເຂົ້າຮ່ວມ ກອງປະຊຸມໄດ້ຮັບຟັງການລາຍງານໂດຍຫຍໍ້ສະພາບການພັດທະນາເສດຖະກິດ-ສັງຄົມຂອງເມືອງແມດ ສະເໜີໂດຍທ່ານ ຄຳປ່ຽນ ແສງສະຫວັດ ເລຂາພັກເມືອງເຈົ້າເມືອງໆແມດ, ເຊິ່ງໄດ້ຍົກໃຫ້ເຫັນສະພາບທີ່ຕັ້ງ ຈຸດພິເສດ, ຜົນງານດ້ານດີ, ດ້ານອ່ອນ,

ໃນການຈັດຕັ້ງປະຕິບັດວຽກງານໃນໄລຍະຜ່ານມາ ,ຮັບຟັງຄຳເຫັນ ແລະ ຊີ້ນຳວຽກງານ ປກຊ-ປກສ ຈາກທານ ພົນຈັດຕະວາ ບຸນມາ ວົງດາລາແສນ ກຳມະການພັກແຂວງ ຫົວໜ້າກອງບັນຊາການ ປກຊ ແຂວງວຽງຈັນ ເປັນຕົ້ນໄດ້ຍົກໃຫ້ເຫັນສະພາບການຂອງໂລກ ແລະ ພາກພື້ນ, ສະພາບກົນອຸບາຍຂອງພວກອິດທິກຳລັງປໍລະປັກ ແລະ ບັນຫາປະກົດການຫຍໍ້ທໍ້ອຶ່ນໆ ພ້ອມນີ້ ທ່ານກໍ່ໄດ້ຮຽກຮ້ອງໃຫ້ຄະນະພັກ ອຳນາດການປົກຄອງເມືອງ ຈົ່ງເພີ່ມທະວີຊີ້ນຳ-ນຳພາວຽກງານປ້ອງກັນຊາດ-ປ້ອງກັນຄວາມສະຫງົບໃຫ້ເລິກເຊິ່ງ , ສຶກສາອົບຮົມການເມືອງແນວຄິດ ປຸກລະດົມທົ່ວປວງຊົນເຂົ້າຮ່ວມວຽກງານດັ່ງກ່າວ, ປັບປຸງກຳລັງ ປກຊ-ປກສ ຢູ່ແຕ່ລະບ້ານໃຫ້ມີຄວາມໜັກແໜ້ນເຂັ້ມແຂງ, ຕິດຕາມ ກວດກາ ແລະ ແກ້ໄຂບັນຫາປະກົດການຫຍໍ້ທໍ້ທີ່ອາດຈະເກີດຂຶ້ນໃຫ້ທັນກັບສະພາບການ.

ພ້ອມນີ້ກອງປະຊຸມ ຍັງໄດ້ເຊື່ອມຊຶມມະຕິກອງປະຊຸມຄົບຄະນະບໍລິຫານງານພັກແຂວງ ຄັ້ງທີ່ 11 ສະໄໝທີ່ 5, ຮັບຟັງການຜ່ານຮ່າງລາຍງານການເມືອງ ແລະ ແຜນພັດທະນາເສດຖະກິດ-ສັງຄົມ ຫຼັງຈາກນັ້ນ ກໍ່ໄດ້ມີການແບ່ງໜ່ວຍຄົ້ນຄ້ວາ ເພື່ອກຽມປະກອບຄຳເຫັນ ໃສ່ຮ່າງລາຍງານການເມືອງ ແລະ ແຜນພັດທະນາເສດຖະກິດ-ສັງຄົມໃຫ້ມີເນື້ອໃນຄົບຖ້ວນ ແລະ ສົມບູນ ເພື່ອສະເໜີຕໍ່ກອງປະຊຸມໃຫ່ຍ ຜູ້ແທນອົງຄະນະພັກແຂວງວຽງຈັນ ຄັ້ງທີ່ VI ທີ່ຈະໄຂຂຶ້ນໃນຕໍ່ໜ້າ.

ກອງປະຊຸມດຳເນີນໄປຮອດວັນທີ 4 ສິງຫາ 2020 ແລະອັດລົງດ້ວຍໝາກພົນອັນຈົບງາມ.

ຂ່າວ:ເມືອງແມດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031