Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຫົວໜ້າກອງບັນຊາການທະຫານແຂວງວຽງຈັນ ລົງຊຸກຍູ້ວຽກງານປ້ອງກັນຊາດ- ປ້ອງກັນຄວາມສະຫງົບ ຢູ່ເມືອງຊະນະຄາມ

1 min read

ຫົວໜ້າກອງບັນຊາການທະຫານແຂວງວຽງຈັນ ລົງຊຸກຍູ້ວຽກງານປ້ອງກັນຊາດ- ປ້ອງກັນຄວາມສະຫງົບ ຢູ່ເມືອງຊະນະຄາມ.

ວັນທີ 5 ສິງຫາ 2020 ນີ້, ຢູ່ທີ່ສະໂມສອນຂອງເມືອງຊະນະຄາມ ແຂວງວຽງຈັນ, ໄດ້ເປັນກຽດຕ້ອນຮັບລົງເຄື່ອນໄຫວຊຸກຍູ້ວຽກງານຂອງທ່ານ ພົນຈັດຕະວາ ບຸນມາ ວົງດາລາແສນ ກໍາມະການພັກແຂວງ ເລຂາຄະນະພັກ ຫົວໜ້າກອງບັນຊາການທະຫານແຂວງ ຮອງປະທານປ້ອງກັນຊາດ-ປ້ອງກັນຄວາມສະຫງົບແຂວງວຽງຈັນ

 

ພ້ອມດ້ວຍຄະນະ, ໂດຍການໃຫ້ກຽດຕ້ອນຮັບຂອງທ່ານ ສະໝານ ວິເສດຍະພົງສ໌ ເລຂາພັກເມືອງ ເຈົ້າເມືອງໆຊະນະຄາມ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ ແລະ ຮອງຫົວໜ້າຫ້ອງການ, ບັນດາຄະນະພັກຄະນະບັນຊາ ນາຍ ແລະ ພົນ ທະຫານ, ນາຍ ແລະ ພົນຕໍາຫຼວດ ແລະ ອົງການປົກຄອງບ້ານ ເຂົ້າຮ່ວມຢ່າງພ້ອມພຽງ.

ໃນໂອກາດດັ່ງກ່າວ ທ່ານ ສະໝານ ວິເສດຍະພົງສ໌ ເຈົ້າເມືອງໆຊະນະຄາມ ປະທານປ້ອງກັນຊາດ-ປ້ອງກັນຄວາມສະຫງົບຂັ້ນເມືອງ ຕາງໜ້າໃຫ້ແກ່ຄະນະພັກ, ອົງການປົກຄອງ ຕະຫຼອດຮອດປະຊາຊົນບັນດາເຜົ່າພາຍໃນເມືອງ ໄດ້ຂຶ້ນລາຍງານສະພາບການຈັດຕັ້ງປະຕິບັດວຽກງານຮອບດ້ານໃນໄລຍະຜ່ານມາຂອງເມືອງ,


ພ້ອມດຽວກັນນີ້ ທ່ານ ພົນຈັດຕະວາ ບຸນມາ ວົງດາລາແສນ ໄດ້ມີຄໍາເຫັນໂອ້ລົມ ແລະ ມີທິດຊີ້ນໍາຕໍ່ພິທີດັັ່ງກ່າວ, ເຊິ່ງໃນເບື້ອງຕົ້ນທ່ານໄດ້ສະແດງຄວາມຍ້ອງຍໍຊົມເຊີຍ ຕໍ່ຜົນງານທີ່ຄະນະພັກ, ອົງການຈັດຕັ້ງຂັ້ນເມືອງ, ຕະຫຼອດອົງການປົກຄອງຂັ້ນຮາກຖານບ້ານ ທີ່ສາມາດຍາດໄດ້ຜົນງານຫຼາຍດ້ານທີ່ພົ້ນເດັ່ນຕະຫຼອດໃນໄລຍະຜ່ານມາ, ເພື່ອເປັນການກະກຽມຄວາມພ້ອມ ແລະ ຍົກສູງຄວາມຮັບຜິດຊອບຕໍ່ໜ້າທີ່ການເມືອງໃນໄລຍະໃໝ່, ຍົກສູງສະຕິໃຫ້ເປັນຂອງປວງຊົນຕໍ່ວຽກງານປ້ອງກັນຊາດ – ປ້ອງກັນຄວາມສະຫງົບໃຫ້ເປັນຂະບວນກວ້າງຂວາງ, ທັງເປັນການສ້າງຜົນງານໃໝ່ອັນພົ້ນເດັ່ນ ເພື່ອຂໍານັບຮັບຕ້ອນຮັບກອງປະຊຸມໃຫຍ່ຄັ້ງທີ XI ຂອງພັກ, ກໍ່ຄືກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງວຽງຈັນ ໃຫ້ມີຄວາມສະຫງົບປອດໄພ 100 %


ໃນພິທີ ທ່ານຍັງໄດ້ຮຽກຮ້ອງມາຍັງຄະນະພັກ, ອົງການປົກຄອງເມືອງ, ກໍາລັງປກສ-ປກຊ ແລະ ຕະຫຼອດເຖິງພໍ່ແມ່ປະຊາຊົນບັນດາເຜົ່າພາຍໃນເມືອງ ຈົ່ງໄດ້ເຊີດຊູສະຕິເປັນເຈົ້າໃນການປົກປັກຮັກສາປະເທດຊາດ, ສະຕິຕໍ່ກົນອຸບາຍຂອງພວກສັດຕູ, ຕີລາໄດ້ສະພາບການຂອງສາກົນ, ອິດທິກໍາລັງປໍລະປັກ, ຕີລາຄາໄດ້ຄວາມອາດສາມາດຂອງພວກສັດຕູ, ເຊີດຊູຄວາມຮັບຜິດຊອບຕໍ່ໜ້າທີ່ວຽກງານ ແລະ ຄວາມສາມັກຄີ, ຮັບປະກັນເຮັດໃຫ້ເມືອງຂອງຕົນມີຄວາມເປັນລະບຽບຮຽບຮ້ອຍ ແລະ ມີຄວາມສະຫງົບປອດໄພ 100%.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031