Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີປະກາດກາໝາຍສິນຄ້າໜຶ່ງເມືອງ-ໜຶ່ງຜະລິດຕະພັນແຫ່ງຊາດ ໃຫ້ເຫຼົ້ານາຊູ ໂຮງຕົ້ມເຫລົ້າເລກ 1 ຂອງ ທ່ານ ນາງ ດອກຄູນ ພັນນະວົງ

1 min read

ພິທີປະກາດກາໝາຍສິນຄ້າໜຶ່ງເມືອງ-ໜຶ່ງຜະງຜະລິດ​ຕະພັນ​ແຫ່ງ​ຊາດໃຫ້ ແກ່ ຜະລິດຕະພັນ ເຫຼົ້າ ນາຊູ ໂຮງຕົ້ມເຫົ້ຼາ ເລກ 1 ຂອງ ທ່ານ ນາງ ດອກຄູນ ພັນນະວົງ ບ້ານນາຊູ ເມືອງໂພນໂຮງ ແຂວງວຽງຈັນຈັດຂື້ນໃນວັນທີ 5 ສິງຫາ 2020 ນີ້ ຢູ່ທີ່ສະໂມສອນໃຫຍ່ຂອງເມືອງ

 

​ໃຫ້ກຽດ​ເຂົ້າ​ຮ່ວມ​ມອບ​ກາໝາຍສິນຄ້າ ໂດຍທ່ານ ສົມປະສົງ ສຸວົງຄຳຈັນ ກຳມະການພັກແຂວງ ເລຂາພັກເມືອງ ເຈົ້າເມືອງໆໂພນໂຮງ​ ມີທ່ານ ໄພວັນ ປະຖ່ຳມະວົງ ຫົວໜ້າ ພະ​ແນ​ກອຸດສາຫະກຳ – ການ​ຄ້າ​ແຂວງ​ວຽງຈັນ,ມີຄະນະຮັບຜິດຊອບ​ກ່ຽວຂ້ອງ​ຂັ້ນ​ແຂວງ,​ເມືອງ,ກຸ່ມບ້ານ ,ນາຍບ້ານນາຊູ ​ແລະ ​ເຈົ້າ​ຂອງ​ຜະລິດ​ຕະພັນ​ໂອດ​ອບ​ເຂົ້າ​ຮ່ວມ.

 

ໃນພິທີ ທ່ານ ນາງ ດອກຄູນ ພັນນະວົງ ​ເຈົ້າ​ຂອງໂຮງຕົ້ມເຫຼົ້າ ເລກ 1 ​ຜະລິດ​ຕະພັນ​ ເຫຼົ້າ ນາຊູ ໄດ້​​ລາຍ​ງານ​ປະຫວັດ​ຄວາມ​ເປັນ​ມາ​ໃນ​ການລີ່​ເລີມ​ຜະລິດຕະພັນ ເຫຼົ້າ ນາຊູ ໃຫ້ຮູ້ວ່າ: ຄຳວ່ານາຊູ ເປັນຊື່ ຂອງບ້ານນາຊູ ເມືອງໂພນໂຮງ

ໃນເມືອກ່ອນ ປະຊາຊົນຊາວບ້ານາຊູ ແມ່ນຮູ້ຈັກວິຕົ້ມເຫຼົ້າກິນເອງ ແລະ ຕົ້ມຂາຍ ໄຊ້ຮູບການຕົ້ມເຫຼົ້າ ແບບໝໍ້ນ້ອຍ ແລະ ໃຊ້ເຂົ້າໜຽວປະສົມກັບແປງເຫຼົ້າ ທີ່ມີສ່ວນປະກອບຂອງສະໝູນໄພ ທຳມະຊາດ ບວກກັບ ພື້ນຖານຄອບຄົວຂອງພໍ່ແມ່ ທີ່ໄດ້ຜະລິດເຫຼົ້າ ມາກ່ອນ ແຕ່ມີລັກສະນະປະຖົມມະຖານ

ເພື່ອເປັນການຕອບໜອງໄດ້ ຄວາມຕ້ອງການຂອງສັງຄົມ ຜະລິດຕະພັນເຫຼົ້ານາຊູໄດ້ປັບປຸງ ພັດທະນາ ສິນຄ້າຕົນເອງ ໃຫ້ເປັນທີ່ຍອມຮັບຂອງສັງຄົມ ຊຶ່ງໄດ້ປັງປຸງຫຼາຍດ້ານເປັນຕົ້ນ ຂັ້ນຕອນ ວິທີການຜະລິດ , ຮູບແບບຫຸ້ມຫໍຜະລິດຕະພັນ ,ລົດຊາດຂອງເຫຼົ້າ ອັນໄດ້ເຮັດໃຫ້ຜະລິດຕະພັນ ເຫຼົ້າ ນາຊູ ເປັນທີ່ຍອມຮັບຂອງສັງຄົມ.

ທີ່ປະຊຸມ ທ່ານ ນາງ ສົມສະໜິດ ລາດສະວົງ ຮອງຫົວໜ້າ ຫ້ອງອຸດສາຫະກຳ – ການຄ້າເມືອງໄດ້ຕ່າງໜ້າໃຫ້ຄະນະກຳມະການຄັດເລືອກສິນຄ້າໜຶ່ງເມືອງ- ໜຶ່ງຜະລິດຕະພັນ ຫລື ໂອດອບ ຂັ້ນເມືອງໄດ້ລາຍງານ ການເຄື່ອນໄຫວ ການຊຸກຍູ້ ເພື່ອສ້າງເປັນຜະລິດຕະພັນໂອດອບ ຜ່ານການລົງຕິດ ຕາມກວດກາ ເຫັນວ່າຜູ້ປະກອບການ ໄດ້ເອົາໃຈໃສ ປະຕິບັດຕາມຂັ້ນຕອນ ທີ່ຄະນະຮັບຜິດຊອບໂດຍສະເພາະ ປະຕິບັດຕາມລະບຽບການ ຂອງ ກົມສົ່ງເສີມ ວິສະຫະກິດຂະໜາດນ້ອຍ ຂະໝາດກາງ ແລະ ການຄ້າ ກະຊວງອຸດສາຫະກຳ -ການຄ້າ ວາງອອກໄດ້ດີ.

ດັ່ງ​ນັ້ນ​ຄະນະ​ຮັບຜິດຊອບຂັ້ນແຂວງແລະ ເມືອງ​ຈຶ່ງ​ປະກາດ ມອບ​ກາໝາຍສິນຄ້າ ໜຶ່ງເມືອງ-ໜຶ່ງຜະລິດຕະພັນແຫ່ງຊາດ ຫລືໂອດອບໃຫ້​ແກ່​ເຈົ້າ​ຂອງຜະລິດ​ຕະພັນເຫຼົ້າ ນາຊູ ​ເພື່ອປະກາດ​ແລະ ​ນຳ​ໃຊ້ກາໝາຍ​ຢ່າງ​ຖືກຕ້ອງ.


ໃຫ້ກຽດນຳພາມອບປ້າຍ​ ແລະ ໃບ​ຢັ້ງຢືນ​ຈາກ​ກົມ​ສົ່ງ​ເສີມ​ອຸດສາຫະກຳ-ການ​ຄ້າ​ໂດຍ ​ທ່ານ ສົມປະສົງ ສຸວົງຄຳຈັນ ເຈົ້າເມືອງໆໂພນໂຮງ ແລະ ທ່ານ ໄພວັນ ປະຖ່ຳວົງ ຫົວໜ້າພະ​ແນ​ກອຸດສາຫະກຳ-ການ​ຄ້າ​ແຂວງວຽງຈັນ ​ ໂດຍ ມີ ທ່ານ ນາງ ດອກຄູນ ພັນນະວົງ ​ເຈົ້າ​ຂອງ​ຜະລິດ​ຕະພັນ​ເຫຼົ້າ ນາຊູ ຂື້ນຮັບຢ່າງສົມກຽດ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930