Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ທ່ານ ພົນຈັດຕະວາ ບຸນມາ ວົງດາລາແສນ ກຳມະການພັກເເຂວງ,ຫົວໜ້າກອງບັນຊາການທະຫານແຂວງວຽງຈັນ ຊຸກຍູ້ວຽກງານ ປກຊ- ປກສ ຢູ່ເມືອງໝື່ນ

1 min read

ທ່ານ ພົນຈັດຕະວາ ບຸນມາ ວົງດາລາແສນ ກຳມະການພັກເເຂວງ,ຫົວໜ້າກອງບັນຊາການທະຫານແຂວງວຽງຈັນ ຊຸກຍູ້ວຽກງານ ປກຊ- ປກສ ຢູ່ເມືອງໝື່ນ.


ວັນທີ 5 ສິງຫາ 2020 ນີ້, ຢູ່ທີ່ສະໂມສອນໃຫຍ່ຫ້ອງວ່າການປົກຄອງເມືອງໝື່ນ ທ່ານ ພູວອນ ບຸນວິໄລ ກຳມະການພັກເເຂວງ,ເລຂາພັກເມືອງ ເຈົ້າເມືອງໆໝື່ນ,ມີຄະນະປະຈຳ,ກຳມະການພັກເມືອງ,ມີສອງກຳລັງ ປກຊ-ປກສ ,ພະນັກງານອາວຸໂສບຳນານ,ພະນັກງານຫຼັກແຫຼ່ງ ໄດ້ໃຫ້ກຽດຕ້ອນຮັບການເຄື່ອນໄຫວເຮັດວຽກຂອງ ທ່ານ ພົນຈັດຕະວາ ບຸນມາ ວົງດາລາແສນ ກຳມະການພັກເເຂວງ,ຫົວໜ້າກອງບັນຊາການທະຫານແຂວງວຽງຈັນ.


ພາຍຫຼັງໄດ້ຮັບຟັງການລາຍງານສະພາບການເຄື່ອນໄຫວວຽກງານ ຂອງເມືອງໝື່ນ ໃນໄລຍະຜ່ານມາ ໂດຍທ່ານ ພູວອນ ບຸນວິໄລ ເຈົ້າເມືອງໆໝື້່ນ ທ່ານ ພົນຈັດຕະວາ ບຸນມາ ວົງດາລາເເສນ ກໍ່ໄດ້ມີຄຳເຫັນໂອ້ລົມ ຍົກໃຫ້ເຫັນສະພາບການເຄື່ອນໄຫວຂອງສັດຕູ,ສະພາບການຂອງພາກພື້ນ ແລະ ສາກົນທີ່ມີຄວາມສັບສົນ,ບັນດາອິດທິກຳລັງປໍລະປັກກໍ່ໄດ້ເພີ່ມທະວີຄວາມຮຸ່ນແຮງຂຶ້ນຕໍ່ປະເທດຊາດຂອງພວກເຮົາ ໂດຍສະເພາະແມ່ນໄລຍະທີ່ ພັກ-ລັດທະບານ ເຮົາພວມສຸມໃສ່ສ້າງສາພັດທະນາປະເທດຊາດ ໄປຕາມທິດສັງຄົມນິຍົມ ກໍ່ຄືຊ່ວງທີ່ພັກເຮົາກະກຽມເຂົ້າສູການດຳເນີນກອງປະຊຸມໃຫຍ່ຄັ້ງທີ XI,ກອງປະຊຸມໃຫຍ່ອົງຄະພັກເເຂວງວຽງຈັນຄັ້ງທີ VI, ສະນັ້ນພວກເຮົາຕ້ອງມີສະຕິ

ພ້ອມທັງຕິດຕາມ ປະເມີນຄວາມອາດສາມາດຂອງສັດຕູຢູ່ຕະຫຼອດເວລາ ,ພະນັກງານສະມາຊິກພັກ ຕ້ອງມີຄວາມໜັກແໜ້ນ,ກຳໃຫ້ແໜ້ນແນວທາງນະໂຍບາຍຂອງພັກ ຈຳແນກໃຫ້ໄດ້ລະຫວ່າງມິດ,ສັດຕູ ຢ່າງຈະເເຈ້ງ ຍົກສູງຄວາມສາມັກຄີບັນດາເຜົ່າ ປັບປຸງກໍ່ສ້າງກຳລັງໃຫ້ຂັ້ມແຂງ ມີການຄຸ້ມຄອງອາວຸດ,ລູກກະສູນໃຫ້ດີ , ຕິດຕາມການເຄື່ອນໄຫວຄ້າຂາຍຜິດກົດໝາຍຢູ່ຕາມຊາຍເເດນລາວ-ໄທ ໃຫ້ມີຄວາມສະຫງົບ.


ໂອກາດດຽວກັນນີ້ທ່ານຍັງໄດ້ເໜັ້ນໜັກ ມາຍັງເມືອງໝື່ນຕື່ມອີກວ່າ: ເພື່ອຮັບປະກັນໃຫ້ການດຳເນີນກອງປະຊຸມໃຫຍ່ຄັ້ງທີ VI ຂອງອົງຄະນະພັກເເຂວງວຽງຈັນ

ມີຄວາມສະຫງົບປອດໄພ 100% ທົ່ວອົງຄະນະພັກເມືອງໝື່ນ ຕະຫຼອດຮອດພໍ່ແມ່ປະຊາຊົນ ຕ້ອງໄດ້ເອົາໃຈໃສ່ ຈັດຕັ້ງປະຕິບັດແຕ່ຫົວ ຖືເອົາເວລານີ້ເປັນການປ້ອງກັນທີ່ສຳຄັນກວ່າໝູ່ໝົດ ກຳລັງ ປກຊ-ປກສ ເມືອງ ຈົ່ງຍັກສູງຄວາມເປັນເຈົ້າການ ມີຄວາມສາມັກຄີ ເຮັດໃຫ້ລ້ອນໜ້າທີ່ການເມືອງທີ່ການຈັດຕັ້ງມອບໝາຍໃຫ້ ໂດຍສະເພາະສຸມໃສ່ປ້ອງກັນຮັກສາຄວາມສະຫງົບ ເຮັດໃຫ້ກອງປະຊຸມໃຫຍ່ຄັ້ງທີ XI ຂອງພັກ ແລະ ກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງວຽງຈັນສໍາເລັດຜົນຕາມລະດັບຄາດໝາຍ.

ຂ່າວ: ແຫວນຄຳ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930