Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງກາສີ ທາບທາມຮ່າງບົດລາຍງານການເມືອງ ແລະ ແຜນພັດທະນາເສດຖະກິດ-ສັງຄົມ ຂອງແຂວງວຽງຈັນ

1 min read

ເມືອງກາສີ ທາບທາມຮ່າງບົດລາຍງານການເມືອງ
ແລະ ແຜນພັດທະນາເສດຖະກິດ-ສັງຄົມ ຂອງແຂວງວຽງຈັນ

ໃນລະຫວ່າງວັນທີ 5-6 ສິງຫາ 2020ນີ້ ຢູ່ທີ່ສະໂມສອນຂອງເມືອງກາສີ ແຂວງວຽງຈັນ. ໄດ້ຈັດກອງປະຊຸມທາບທາມ ຮ່າງບົດລາຍງານການເມືອງ ແລະ ແຜນພັດທະນາເສດຖະກິດ-ສັງຄົມ ເພື່ອສະເໜີຕໍ່ກອງປະຊຸມໃຫຍ່ ຄັ້ງທີ VI ຂອງຜູ້ແທນອົງຄະນະພັກແຂວງວຽງຈັນ.

ໂດຍການເປັນ ກຽດເຂົ້າຮ່ວມເປັນປະທານຂອງ ທ່ານ ນາງ ສິງຄຳ ຄົງສະຫວັນ ຮອງເລຂາພັກແຂວງ ຮອງເຈົ້າ ແຂວງໆວຽງຈັນ, ມີທ່ານ ສີທົນ ແສງພະຈັນ ເລຂາພັກເມືອງ ເຈົ້າເມືອງໆກາສີ, ມີຄະນະປະຈຳ-ກຳ ມະການພັກເມືອງ, ຫົວໜ້າຫ້ອງການ, ນາຍພົນທະຫານ-ນາຍພົນຕຳຫຼວດ, ພະນັກງານອາວຸໂສບຳ ນານ, ເລຂາພັກບ້ານ ພ້ອມດ້ວຍອານຸກຳມະການຮັບຜິດຊອບເນື້ອໃນຂັ້ນແຂວງ ເຂົ້າຮ່ວມທັງໝົດ 100 ທ່ານ, ຍິງ 08 ທ່ານ; ໃນໂອກາດດັ່ງກ່າວ ທ່ານ ຮອງເຈົ້າແຂວງ ໄດ້ໃຫ້ກຽດຂື້ນຜ່ານ ມະຕິ ກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 11 ສະໄໝທີ V.

ຕໍ່ຈາກນັ້ນ ທ່ານ ສົມຄິດ ອິນທະວົງ ຫົວໜ້າໂຮງຮຽນການເມືອງ ແລະ ການປົກຄອງ ແຂວງວຽງຈັນ ກໍໄດ້ຂື້ນຜ່ານຮ່າງບົດ ລາຍງານການເມືອງ ຂອງຄະນະບໍລິຫານງານພັກແຂວງ ສະໄໝທີ V ຕໍ່ກອງປະຊຸມໃຫຍ່ຜູ້ແທນອົງ ຄະນະພັກແຂວງວຽງຈັນ ຄັ້ງທີ VI ແລະ ໃນໂອກາດດຽວກັນນີ້ ທ່ານ ສົມດີ ແກ້ວດາລາວິນ ຮອງປະທານສະພາປະຊາຊົນ ແຂວງວຽງຈັນ ກໍໄດ້ໃຫ້ກຽດຂື້ນຜ່ານຮ່າງບົດລາຍງານຫຍໍ້ ແຜນພັດ ທະນາເສດຖະກິດ-ສັງຄົມ 5ປີ (2021-2025) ຄັ້ງທີ VI ຂອງແຂວງວຽງຈັນ.

 

ຫຼັງຈາກນັ້ນ ທ່ານ ຮອງເຈົ້າແຂວງ ກໍ່ໄດ້ມີຄຳຖາມເຈາະຈີ້ມບາງບັນຫາ ຕໍ່ກັບຮ່າງບົດລາຍງານການເມືອງ ແລະ ຮ່າງແຜນພັດທະນາເສດຖະກິດ-ສັງຄົມ ເພື່ອເປັນບ່ອນອິງໃຫ້ແກ່ຜູ້ແທນທີ່ເຂົ້າຮ່ວມກອງປະຊຸມ ໃນການຄົ້ນຄວ້າປະກອບຄຳຄິດເຫັນ. ໃນກອງປະຊຸມຍັງໄດ້ຈັດແບ່ງອອກເປັນ 04ໜ່ວຍ ເພື່ອຄົ້ນຄວ້າປະກອບຄຳຄິດ ຄຳເຫັນ ໃສ່ຮ່າງບົດລາຍງານການເມືອງ ແລະ ຮ່າງແຜນພັດທະນາເສດຖະ ກິດ-ສັງຄົມ ຂອງແຂວງ.

ໃນວາລະທ້າຍກອງປະຊຸມ ຍັງໄດ້ຮັບຟັງການໂອ້ລົມຂອງ ທ່ານ ນາງ ສິງຄໍາ ຄົງສະຫວັນ ຮອງເຈົ້າແຂວງໆ ເຊີ່ງທ່ານໄດ້ກ່າວ ສະແດງຄວາມຍ້ອງຍໍຊົມເຊີຍຕໍ່ບັນດາຜູ້ແທນທີ່ເຂົ້າຮ່ວມ ກອງປະຊຸມ ໃນຄັ້ງນີ້ ທີ່ໄດ້ຕັ້ງໜ້າສຸມທຸກກຳລັງເຫື່ອແຮງ ສະຕິປັນຍາຂອງຕົນ ພ້ອມກັນຄົ້ນຄວ້າປະກອບຄຳ ຄິດເຫັນ ຈົນເຮັດໃຫ້ກອງປະຊຸມໃນຄັ້ງນີ້ ປະສົບຜົນສຳເລັດຕາມລະດັບຄາດໝາຍທີ່ວາງໃວ້.

ພ້ອມນັ້ນ ທ່ານ ຮອງເຈົ້າແຂວງ ຍັງໄດ້ເນັ້ນໃຫ້ຄະນະພັກອຳນາດການປົກຄອງເມືອງ ຈົງສືບຕໍ່ເພີ່ມທະວີເອົາໃຈ ໃສ່ຊີ້ນຳໆພາ ສຶກສາອົບຮົມດ້ານການເມືອງ-ແນວຄິດ ໃຫ້ສະມາຊິກພັກ, ພະນັກງານ, ທະຫານ-ຕຳ ຫຼວດ ຕະຫຼອດຮອດພໍ່ແມ່ປະຊາຊົນບັນດາເຜົ່າ ໃຫ້ມີແນວຄິດອຸ່ນອຽນທຸ່ນທ່ຽງ ເຊື່ອໝັ້ນຕໍ່ການຊີ້ນຳໆ ພາຂອງພັກ-ລັດວາງອອກໃນແຕ່ລະໄລຍະ; ເອົາໃຈໃສ່ພ້ອມກັນອອກແຮງແຂ່ງຂັນກັນ ສ້າງຂະບວນ ການດ້ານຕ່າງໆ ໃຫ້ເປັນຂະບວນຟົດຟື້ນ ເພື່ອເປັນການສ້າງຜົນງານຂໍານັບຮັບຕ້ອນກອງປະຊຸມໃຫຍ່ ຄັ້ງທີ VI ຂອງຜູ້ແທນອົງຄະນະພັກ ແຂວງວຽງຈັນ.

ຄຽງຄູ່ກັນນັ້ນ ກໍ່ຕ້ອງສືບຕໍ່ເອົາໃຈໃສ່ຈັດຕັ້ງປະ ຕິບັດຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ VII ຂອງອົງຄະນະພັກເມືອງກາສີ ໃຫ້ປະກົດຜົນ ເປັນຈິງເທື່ອລະກ້າວ.

( ຂ່າວ: ເມືອງກາສີ )

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031