Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກຸ່ມບ້ານໂພນສະຫວາດເຊື່ອມຊຶມມະຕິສໍາຄັນຂອງພັກ ພ້ອມທັງມອບໃບຍ້ອງຍໍໃຫ້ຜູ້ທີ່ມີຜົນງານດີເດັ່ນ

1 min read

ກຸ່ມບ້ານໂພນສະຫວາດເຊື່ອມຊຶມມະຕິສໍາຄັນຂອງພັກ
ພ້ອມທັງມອບໃບຍ້ອງຍໍໃຫ້ຜູ້ທີ່ມີຜົນງານດີເດັ່ນ

ໂດຍປະຕິບັດຕາມຄຳແນະນໍາ ຂອງຄະນະຊີ້ນໍາວຽກງານກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ ແລະວຽກງານ 3 ສ້າງຂັ້ນແຂວງ.

ວັນທີ 5 ສິງຫາ 2020 ຢູ່ທີ່ສະໂມສອນກຸ່ມບ້ານໂພນສະຫວາດເມືອງເຟືອງ ແຂວງວຽງຈັນໄດ້ເປີດກອງປະຊຸມຊຸກຍູ້, ຕິດຕາມ, ກວດກາວຽກງານກໍ່ສ້າງຮາກຖານການເມືອງ, ພັດທະນາຊົນນະບົດຕິດພັນກັບວຽກງານ 3 ສ້າງ, ໂດຍການເຂົ້າຮ່ວມຂອງທ່ານ ບຸນມາ ທໍາມະວົງ ຄະນະປະຈໍາພັກເມືອງ ປະທານແນວລາວສ້າງຊາດເມືອງ, ຜູ້ຊີ້ນໍາວຽກງານອົງການຈັດຕັ້ງມະຫາຊົນເມືອງເຟືອງ, ທັງເປັນຜູ້ຊີ້ນໍາກຸ່ມບ້ານໂພນສະຫວາດ, ທ່ານ ສົມເພັດ ອຸ່ນຄໍາພົນ ກໍາມະການພັກເມືອງ, ຫົວໜ້າຫ້ອງການພາຍໃນເມືອງ, ເລຂາຄະນະພັກຮາກຖານ, ຫົວໜ້າ, ຄະນະ, ພະນັກງານ ກຸ່ມບ້ານໂພນສະຫວາດ, ມີບັນດາເລຂາພັກບ້ານ, 5 ໜ່ວຍງານຊ່ວຍວຽກບ້ານ 4 ບ້ານ ທີ່ຂຶ້ນກັບກຸ່ມບ້ານໂພນສະຫວາດ ໄດ້ພ້ອມກັນເຂົ້າຮ່ວມຢ່າງພ້ອມພຽງ.


ກອງປະຊຸມຄັ້ງນີ້ຜູ້ເຂົ້າຮ່ວມໄດ້ເຊື່ອມຊຶມເອກະສານສໍາຄັນຕ່າງໆຂອງພັກເຊັ່ນ: ມະຕິກອງຄົບຄະນະຄັ້ງທີ 10 ຂອງຄະນະບໍລິຫານງານສູນກາງພັກ ສະໄໝທີ X , ມະຕິວ່າດ້ວຍວຽກງານແນວໂຮມ ແລະວຽກງານມະຫາຊົນຂອງພັກໃນໄລຍະໃໝ່, ມະຕິວ່າດ້ວຍ ເພີ່ມທະວີວຽກງານປ້ອງກັນຄວາມສະຫງົບໃນສະພາບການໃໝ່, ມະຕິກ່ຽວກັບການສືບຕໍ່ຫັນລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ ຕິດພັນກັບວຽກງານ 3 ສ້າງ ແຕ່ນີ້ຮອດກອງປະຊຸມໃຫຍ່ຄັ້ງທີ XI ຂອງພັກ ແລະຄຳແນະນໍາການຈັດຕັ້ງປະຕິບັດຂອງຄະນະຊີ້ນໍາວຽກງານກໍ່ສ້າງຮາກຖານການເມືອງ, ພັດທະນາຊົນນະບົດຮອບດ້ານ ແລະວຽກງານ 3 ສ້າງຂັ້ນແຂວງ ເພື່ອເປັນບ່ອນອີງໃຫ້ແກ່ອົງການປົກຄອງບ້ານ, ພະນັກງານຮາກຖານໄດ້ເຂົ້າໃຈເລິກເຊີ່ງ ແລະນໍາໄປຈັດຕັ້ງປະຕິບັດເຂົ້າໃນວຽກງານໃຫ້ປະກົດຜົນເປັນຈິງ.


ໃນຕອນທ້າຍກອງປະຊຸມ ທ່ານ ບຸນມາ ທໍາມະວົງ ຄະນະປະຈໍາພັກເມືອງ, ປະທານແນວລາວສ້າງຊາດເມືອງ, ຜູ້ຊີ້ນໍາກຸ່ມບ້ານໂພນສະຫວາດ, ທ່ານ ຄຳເພັດ ອຸ່ນຄຳພົນ ກໍາມະການພັກເມືອງ ເລຂາຄະນະພັກຮາກຖານ, ຫົວໜ້າກຸ່ມບ້ານໂພນສະຫວາດ ໄດ້ໃຫ້ກຽດຜັດປ່ຽນກັນຂຶ້ນມອບໃບຢັ້ງຢືນ ແລະໃບຍ້ອງຍໍ ໃຫ້ແກ່ພະນັກງານທີ່ມີຜົນງານໃນການລົງກໍ່ສ້າງຮາກຖານການເມືອງພັດທະນາຊົນນະບົດຮອບດ້ານ ແລະວຽກງານສາມສ້າງຂອງເມືອງເຟືອງ ຢ່າງສົມກຽດ ຈຳນວນ 8 ທ່ານ , ຍິງ 1 ທ່ານ ເພື່ອສັນລະເສີນຜົນງານດີເດັ່ນ.

ຂ່າວໂດຍ:ຄໍາລຸນ ສົມວົງໄຊ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed