Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ການຜະລິດເຂົ້ານາປີ ແລະປູກພືດລະດູຜົນຂອງຊາວກະສິກອນເມືອງເຟືອງ

1 min read

ການຜະລິດເຂົ້ານາປີ ແລະປູກພືດລະດູຜົນຂອງຊາວກະສິກອນເມືອງເຟືອງ.

ຫນ່ວຍງານປູກຝັງຫ້ອງການກະສິກຳ-ປ່າໄມ້ເມືອງເຟືອງ ໄດ້ລາຍງານໃຫ້ຮູ້ວ່າ: ນັບແຕ່ທ້າຍເດືອນມີຖຸນາ 2020 ເປັນຕົ້ນມາ ຊາວກະສິກອນທົ່ວເມືອງເຟືອງ ໄດ້ສຸມໃສ່ການຜະລິດເຂົ້ານາປີ ຢ່າງເປັນຂະບວນກ້ວາງຂວາງ ຕາມແຜນການຢູ່ເມືອງເຟືອງປີນີ້ຈະໃຫ້ໄດ້ 6.311 ເຮັກຕາ.

ສຳລັບແນວພັນທີ່ຊາວກະສິກອນໄດ້ຫັນເຂົ້າມານຳໃຊ້ໃນການປູກຝັງ ເປັນພັນປັບປຸງກວມ 80% ເປັນຕົ້ນແມ່ນແນວພັນ ເຂົ້າທ່າດອກຄຳ 1, ທ່າດອກຄຳ 4 , ທ່າດອກຄຳ 8, ທ່າດອກຄໍາ 3 ແລະແນວພັນ 450 ປີ.

ເຫັນວ່າມີປະສິດທິຜົນ ແລະຜົນໄດ້ຮັບ ໄດ້ຫຼາຍກ່ວາພັນພື້ນເມືອງ ແຕ່ຍັງມີຊາວກະສິກອນບາງກຸ່ມຍັງນຳໃຊ້ແນວພັນເຂົ້າພື້ນເມືອງເຊັ່ນ: ເຂົ້າຕາຂຽດ, ເຂົ້າຫອມສະຫງ່ຽມ ອີງໃສ່ເນື້ອທີ່ ແລະສະພາບຂອງດິນຂອງແຕ່ລະຂົງເຂດ.


ການປັກດຳນາປີ ບ່ອນທີ່ມີເງື່ອນໄຂ ໄດ້ປັກດຳມາແຕ່ຕົ້ນເດືອນກໍລະກົດ ມາຮອດເດືອນຕົ້ນເດືອນສິງຫານີ້ເຫັນວ່າສຳເລັດແລ້ວ 100 % ໃນຂອບເຂດທົ່ວເມືອງ.

ຕາມການຄາດຄະເນເຂົ້ານາປີ ສະມັດຕະພາບເຂົ້ານາປີຄາດໝາຍຈະບໍ່ຫຼຸດ 4,5 ໂຕນ/ເຮັກຕາ, ຜົນຜະລິດສະເລ່ຍໃຫ້ໄດ້ 28,399,5 ໂຕນ, ສຳລັບນາຫວ່ານ, ນາຢອດ ໃນເນື້ອທີ່ 40 ກ່ວາເຮັກຕາຄາດວ່າສະມັດຕະພາບເຂົ້າໄດ້ 3,5 ໂຕນ/ເຮັກຕາ.


ຄຽງຄູ່ກັບການຜະລິດເຂົ້ານາປີຢ່າງເປັນຂະບວນການກ້ວາງຂວາງແລ້ວ ຊາວກະສິກອນບາງກຸ່ມບ້ານກໍ່ໄດ້ເອົາໃຈໃສ່ປູກພືດລະດູຝົນອີກເປັນຕົ້ນແມ່ນ: ປະຊາຊົນຢູ່ກຸ່ມເທດສະບານເມືອງ, ກຸ່ມບ້ານໂພນທອນ ແລະຸດສຸມພັດທະນາຜາສັງ ກໍ່ໄດ້ສຸມໃສ່ປູກພືດປະເພດ: ສາລີ, ມັນຕົ້ນ, ໝາກເພັດ, ໝາກເຂືອ, ໝາກນັດ ແລະພືດພັນທັນຍາຫານອື່ນໆໃນເນື້ອທີ່ 1.605 ເຮັກຕາ ເພຶ່ອເປັນການຮອງຮັບປະເພດເຂົ້າກິນ ແລະສະບຽງອາຫານ ໃຫ້ພຽງພໍກັບຄວາມຕ້ອງການ ມີສ່ວນເຫຼືອແຮໄວ້ ພ້ອມທັງຂາຍເປັນສິນຄ້າເພຶ່ອສ້າງລາຍຮັບເຂົ້າຄອບຄົວເຮັດໃຫ້ນັບມື້ມີຊີວິດດີຂື້ນເລື້ອຍໆ.

ຂ່າວໂດຍ: ຄຳລຸນ ສົມວົງໄຊ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031