Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງ ທຸລະຄົມ ອອກແຈ້ງການໃຫ້ປະຊາຊົນ ທີ່ຢູ່ຕາມລຽບນໍ້າງື່ມ ແລະ ບໍລິເວນກ້ອງເຂື່ອນໄຟຟ້ານໍ້າມັງ 3 ເຝົ້າລະວັງສະພາບນໍ້າຂື້ນ

1 min read

ເມືອງ ທຸລະຄົມ ອອກແຈ້ງການໃຫ້ປະຊາຊົນ ທີ່ຢູ່ຕາມລຽບນໍ້າງື່ມ ແລະ ບໍລິເວນກ້ອງເຂື່ອນໄຟຟ້ານໍ້າມັງ 3 ເຝົ້າລະວັງສະພາບນໍ້າຂື້ນ.

ເນື່ອງຈາກເລີ້ມແຕ່ຕົ້ນເດືອນ ສິງຫາ ປີ 2020 ມາເຖິງປະຈຸບັນ ຝົນຕົກລິນ ແລະ ຕົກແຮງຕໍ່ເນື່ອງ ເປັນ
ບໍລິເວນກວ້າງ ເຮັດໃຫ້ເກີດມີນໍ້າຖ້ວມຂັງຕາມເສັ້ນທາງ ແລະ ບ່ອນເຂດທີ່ມີພື້ນທີ່ຕ່ຳ, ໂດຍສະເພາະລະດັບນ້ຳງື່ມ ແມ່ນປະລິມານເພີ່ມຂຶ້ນສູງໃນແຕ່ລະວັນ, ສະນັ້ນ ເມື່ອກຽມພ້ອມຮັບມື ແລະ ຮັບປະກັນບໍ່ໃຫ້ນໍ້າຖ້ວມເຮືອນຊານ, ເຄື່ອງຂອງ, ສັດລ້ຽງ ແລະ ພືດປູກ ຂອງປະຊາຊົນ.


ຫົວຫນ້າຫ້ອງວ່າການເມືອງ ທຸລະຄົມ ອອກແຈ້ງການ;
1. ຫົວຫນ້າກຸ່ມບ້ານ ແລະ ປະຊາຊົນບັນດາເຜົ່າບຸກຊັ້ນຄົນ ທີ່ດຳລົງຊີວິດຢູ່ລຽບຕາມສາຍແມ່ນໍ້າງື່ມ ຕິດຕາມເຝົ້າລະວັງການເພີ່ມຂື້ນຂອງລະດັບນໍ້າ ທາງສື່ສັງຄົມອອນລາຍ, ວິທະຍຸ ແລະ ໂທລະພາບທາງການ ເພື່ອກະກຽມຄວາມພ້ອມດ້ານຕ່າງໆ ໃຫ້ຕິດຕາມເຝົ້າລະວັງ, ກະກຽມມ້ຽນມັດຊັບສິນ, ເຄື່ອງຂອງ ແລະ ເຄື່ອງໃຊ້ ຂື້ນໄວ້ບ່ອນທີ່ສູງ ແລະ ມີຄວາມປອດໄພ.


2. ໃຫ້ກະກຽມສະຖານທີ່ຂັງສັດລ້ຽງໄວ້ບ່ອນທີ່ສູງທີ່ປອດໄພນໍ້າບໍ່ສາມາດຖ້ວມ ຫຼທ ໃຫ້ກຽມເປົາຫີນຊາຍເຮັດຄູກັນນໍ້າ ເປັນການແກ້ໄຂຂັ້ນພື້ນຖານ ເພື່ອບໍ່ໃຫ້ພື້ນທີ່ທຳການຜະລິດ, ຊັບສິນເຄື່ອງຂອງ, ສັດລ້ຽງ ແລະ ພືດປູກຖືກນໍ້າຖ້ວມເສຍຫາຍ.
3. ຖ້າກໍລະນີນໍ້າຖ້ວມເຂດໃດ, ບ້ານໃດ ໃຫ້ນາຍບ້ານຮີບຮ້ອນແຈ້ງເຖິງກຸ່ມບ້ານ ຫຼື ຫ້ອງວ່າການເມືອງຮັບຊາບ ໂດຍໄວ ເພື່ອສົມທົບວິທີການແກ້ໄຂສຸກເສີນ.

 

ສະນັ້ນ ທາງອຳນາດການປົກຄອງເມືອງ ທຸລະຄົມ ຈື່ງອອກແຈ້ງການເພື່ອໃຫ້ປະຊາຊົນ ຊາວເມືອງທຸລະຄົມ ໃຫ້ກະກຽມຄວາມພ້ອມໃນການເຝົ້າລະວັງໃນຄັ້ງນີ້.
ແລະ ທ່ານສາມາດສົ່ງຂໍ້ມູນຂ່າວສານມາຍັງທີມງານພວກເຮົາ ເພື່ອອອກຂ່າວເປັນໄລຍະ ໃນການເຝົ້າລະວັງໃນຄັ້ງນີ້.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031