Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ທ່ານ ຮອງປະທານ ປ້ອງກັນຊາດປ້ອງກັນສະຫງົບແຂວງວຽງຈັນລົງຊຸກຍູ້ວຽກງານປກຊ-ປກສ ຢູ່ເມືອງແກ້ວອຸດົມ

1 min read

ທ່ານ ຮອງປະທານ ປ້ອງກັນຊາດປ້ອງກັນສະຫງົບແຂວງວຽງຈັນລົງຊຸກຍູ້ວຽກງານປກຊ-ປກສ ຢູ່ເມືອງແກ້ວອຸດົມ.


ໃນວັນທີ 10 ສິງຫາ 2020 ຜ່ານມານີ້ ຢູ່ທີ່ສະໂມສອນຂອງເມືອງແກ້ວອຸດົມແຂວງວຽງຈັນ ທ່ານ ພົນຈັດຕະວາ ບຸນມາ ວົງດາລາແສນ ກຳມະການພັກແຂວງ ຮອງປະທານ ປກຊ-ປກສ ແຂວງ, ເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງ ທັງເປັນຫົວໝ້າອານຸກຳມະການປ້ອງກັນກອງປະຊຸມໃຫຍ່ອົງຄະນະພັກແຂວງຄັ້ງທີ Vl ແຂວງວຽງຈັນພ້ອມດ້ວຍຄະນະ,

ໂດຍໃຫ້ກຽດເຂົ້າຮ່ວມຂອງທ່ານ ວິລະວຸດ ປະກິດ ຮອງເລຂາພັກເມືອງ ຮອງເຈົ້າເມືອງໆແກ້ວອຸດົມ, ເຂົ້າຮ່ວມມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ກຳລັງ ປກຊ-ປກສ ແລະ ພະນັກງານຫຼັກແຫຼ່ງເຂົ້າຮ່ວມຕ້ອນຮັບ 70 ຄົນ,ຍີງ 9 ຄົນ.


ກອງປະຊຸມ ທ່ານນາງ ບົວໄລ ອຸດົມ ຄະນະປະຈຳພັກເມືອງ ປະທານແນວລາວສ້າງຊາດເມືອງແກ້ວອຸດົມ ໄດ້ໃຫ້ກຽດຂື້ນລາຍງານສະພາບການເຄື່ອນໃຫວວຽກງານຂອງເມືອງແກ້ວອຸດົມໃນໄລຍະຜ່ານມາ ພ້ອມນີ້ກອງປະຊຸມກໍ່ໄດ້ຮັບຟັງການມີຄຳເຫັນໂອ້ລົມຂອງ ທ່ານ ພົນຈັດຕະວາ ບຸນມາ ວົງດາລາແສນ ຫົວໜ້າ ກອງບັນຊາການທະຫານແຂວງວຽງຈັນ

ເຊີ່ງທ່ານໄດ້ຍົກໃຫ້ເຫັນສະພາບການເຄື່ອນໄຫວຂອງສັດຕູ, ສະພາບການຂອງພາກພື້ນ ແລະ ສາກົນທີ່ມີຄວາມຊັບສົນ,ບັນດາອິດທິກຳລັງປໍລະປັກໄດ້ເພີ່ມທະວີຄວາມຮຸ່ນແຮງຂື້ນຕໍ່ປະເທດຊາດຂອງພວກເຮົາ, ໂດຍສະເພາະກໍ່ແມ່ນໄລຍະທີ່ພັກ – ລັດຖະບານເຮົາພວມສຸມໃສ່ສ້າງສາພັດທະນາປະເທດຊາດໄປຕາມທິດສັງຄົມນິຍົມກໍ່ຄືຊ່ວງທີ່ພັກເຮົາກຳລັງກະ ກຽມເຂົ້າສູ່ການດຳເນີນກອງປະຊຸມໃຫຍ່ຄັ້ງທີ Xl ,

ກອງປະຊຸມໃຫຍ່ຂອງອົງຄະນະພັກແຂວງວຽງຈັນຄັ້ງທີ Vl ທີ່ຈະມາເຖີງນີ້ ເພາະສະນັ້ນພວກເຮົາຕ້ອງໄດ້ມີສະຕິ ພ້ອມທັງຕິດຕາມປະເມີນຄວາມອາດສາມາດຂອງສັດຕູຢູ່ຕະຫຼອດເວລາ, ພະນັກງານສະມາຊິກພັກຈະຕ້ອງມີຄວາມໝັກແໝ້ນ, ກຳແໝ້ນຕໍ່ແນວທາງນະໂຍບາຍຂອງພັກ, ຈຳແນກໃຫ້ໄດ້ລະຫວ່າງມິດ-ສັດຕູຢ່າງຈະແຈ້ງ, ຍົກສູງຄວາມສາມັກຄີບັນດາເຜົ່າ, ປັບປຸງກໍ່ສ້າງກຳລັງໃຫ້ເຂັ້ມແຂງ, ມີການຄຸ້ມຄອງອາວຸດ, ລູກກະສູນໃຫ້ດີ, ຕິດຕາມການເຄື່ອນໃຫວການຄ້າຂາຍສີ່ງທີ່ຜິດກົດໝາຍຢູ່ຕາມຊາຍແດນ ໃຫ້ມີຄວາມສະຫງົບ.


ໂອກາດດຽວກັນນີ້ທ່ານຍັງໄດ້ເໝັ້ນໝັກມາຍັງຄະນະພັກເມືອງແກ້ວອຸດົມຕື່ມອີກວ່າ ເພື່ອຮັບປະກັນໃຫ້ການດຳເນີນກອງປະຊຸມໃຫຍ່ຄັ້ງທີ Vl ຂອງອົງຄະນະພັກແຂວງວຽງຈັນໃຫ້ມີຄວາມສະຫງົບປອດໄພ 100% ທົ່ວອົງຄະນະພັກເມືອງແກ້ວອູດົມຕະລອດຮອດພໍ່ແມ່ປະຊາຊົນຕ້ອງໄດ້ເອົາໃຈໃສ່ຈັດຕັ້ງປະຕິບັດແຕ່ຫົວທີ ແລະ ຖືເອົາເວລານີ້ເປັນການປ້ອງກັນສະຖານທີ່ສຳຄັນຕ່າງໆທົ່ວເມືອງແກ້ວອຸດົມ,

ຈົ່ງຍົກສູງຄວາມເປັນເຈົ້າການມີຄວາມສາມັກຄີເຮັດໃຫ້ລ້ອນໝ້າທີ່ການເມືອງທີ່ການຈັດຕັ້ງມອບໝາຍໃຫ້ໂດຍສະເພາະສຸມໃສ່ປ້ອງກັນ ແລະ ຮັກສາຄວາມສະຫງົບເພື່ອເຮັດໃຫ້ກອງປະຊຸມໃຫຍ່ຄັ້ງທີ Xl, ກອງປະຊຸມໃຫຍ່ຄັ້ງທີ Vl ຂອງອົງຄະນະພັກແຂວງວຽງຈັນສຳເລັດຜົນຕາມລະດັບຄາດໝາຍ.

ຂ່າວ: ເມືອງແກ້ວອຸດົມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930