Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຊາວໜຸ່ມແຂວງວຽງຈັນປາຖະກະຖາ 2 ວັນປະຫວັດສາດ ແລະ ເຜີຍແຜ່ຜົນສຳເລັດກອງປະຊຸມໃຫຍ່ຜູ້ແທນຊາວໜຸ່ມທົ່ວແຂວງວຽງຈັນ ຄັ້ງທີ VIII

1 min read

ຊາວໜຸ່ມແຂວງວຽງຈັນປາຖະກະຖາ 2 ວັນປະຫວັດສາດ ແລະ ເຜີຍແຜ່ຜົນສຳເລັດກອງປະຊຸມໃຫຍ່ຜູ້ແທນຊາວໜຸ່ມທົ່ວແຂວງວຽງຈັນ ຄັ້ງທີ VIII.


ໃນວັນທີ 11 ສິງຫາ 2020 ຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງວຽງຈັນ ໄດ້ຈັດພິທີປາຖະກະຖາວັນຢຶດອຳນາດ 23 ສິງຫາ ຄົບຮອບ 45 ປີ, ວັນລັດຖະທຳມະນູນແຫ່ງຊາດ 15 ສິງຫາ ຄົບຮອບ 29 ປີ ແລະ ເຜີຍແຜ່ຜົນສຳເລັດກອງປະຊຸມໃຫຍ່ຜູ້ແທນຊາວໜຸ່ມທົ່ວແຂວງວຽງຈັນ ຄັ້ງທີ VIII ຢູ່ທີ່ສະໂມສອນກອງບັນຊາການທະຫານແຂວງ,

ໃຫ້ກຽດເລົ່າຄືນມູນເຊື້ອ 2 ວັນປະຫວັດສາດ ແລະ ເຜີຍແຜ່ຜົນສຳເລັດກອງປະຊຸມດັ່ງກ່າວໂດຍ ແມ່ນສະຫາຍ ຄຳເລ້ ໄຊຍະວົງສີ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງວຽງຈັນ, ມີບັນດາຄະນະຮາກຖານຊາວໜຸ່ມ,ໜ່ວຍຮາກຖານຊາວໜຸ່ມພະແນກການ,ອົງການ,ກົມກອງອ້ອມຂ້າງແຂວງເຂົ້າຮ່ວມຮັບຟັງ.


ສະຫາຍ ຄຳເລ້ ໄຊຍະວົງສີ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງວຽງຈັນ ໄດ້ຍົກໃຫ້ເຫັນເຖິງປະຫວັດຄວາມເປັນມາຂອງການຢຶດອຳນາດໃນແຕ່ລະໄລຍະຈົນໄດ້ຮັບໄຊຊະນະ ເຊິ່ງມັນແມ່ນໝາກຜົນຂອງການຕໍ່ສູ້ປະຕິວັດອັນຍືດເຍື້ອຍາວນານຂອງປະຊາຊົນບັນດາເຜົ່າ

 

ພາຍໃຕ້ການນຳພາຂອງພັກປະຊາຊົນປະຕິວັດລາວ, ມັນແມ່ນຜົນທີ່ເກີດຈາກຄວາມກ້າຫານປະດິດສ້າງແຫ່ງການນຳໃຊ້ 3 ບາດຄ້ອນຍຸດທະສາດເພຶ່ອຢຶດອຳນາດການປົກຄອງໃນທົ່ວປະເທດແບບ “ບົວບໍ່ຊ້ຳນ້ຳບໍ່ຂຸ່ນ”, ມັນແມ່ນໄຊຊະນະຂອງແນວທາງປະຕິວັດອັນຖືກຕ້ອງ ແລະ ການນຳພາອັນສະຫຼາດສ່ອງໃສຂອງພັກທີ່ຮູ້ໝູນໃຊ້ລັດທິມາກ-ເລນິນເຂົ້າໃນພຶດຕິກຳຕົວຈິງຂອງການປະຕິວັດລາວຢ່າງປະດິດສ້າງ,

ມັນແມ່ນໄຊຊະນະຂອງກຳລັງແຮງແຫ່ງຄວາມສາມັກຄີເປັນຈິດໜຶ່ງໃຈດຽວຂອງປວງຊົນທັງຊາດ,ຄວາມເປັນອັນໜຶ່ງອັນດຽວກັນຂອງກອງທັບແລະປະຊາຊົນບັນດາເຜົ່າ, ແມ່ນໄຊຊະນະແຫ່ງຄວາມສາມັກຄີຮ່ວມສຳພັນສູ້ຮົບລະຫວ່າງປະຊາຊົນລາວ, ປະຊາຊົນຫວຽດນາມແລະກຳປູເຈຍທີ່ໄດ້ຄຽງບ່າຄຽງໄຫຼ່ກັນຕ້ານສັດຕູໂຕດຽວກັນຕະຫອດໄລຍະການປະຕິວັດປົດປ່ອຍຊາດໃນເມື່ອກ່ອນກໍຄືໃນພາລະກິດປົກປັກຮັກສາແລະກໍ່ສ້າງປະເທດຊາດໃນປະຈຸບັນ.


ໃນພິທີຍັງໄດ້ມີການມອບໃບກຽດຕິຄຸນຈາກທ່ານເຈົ້າແຂວງ ແລະ ໃບຍ້ອງຍໍຈາກ ເລຂາຄະນະບໍລິຫານງານຊາວໜຸ່ມປະຊາຊົນປະຕິວັດລາວແຂວງວຽງຈັນ ໃຫ້ແກ່ຮາກຖານ, ໜ່ວຍຮາກຖານຊາວໜຸ່ມພະແນກການ, ອົງການ, ກົມກອງ, ໂຮງຮຽນ, ໂຮງໝໍ, ລັັດວິສາຫະກິດທີ່ມີຜົນງານດີເດັ່ນໃນການປະກອບສ່ວນຊຸກຍູ້ກອງປະຊຸມໃຫຍ່ຜູ້ແທນຊາວໜຸ່ມທົ່ວແຂວງວຽງຈັນ ຄັ້ງທີVIII ແລະ ຍັງໄດ້ມີການສະແດງສິລະປະວັນນະຄະດີຮ້ອງເພງ ແລະ ບົດຟ້ອນລວມໝູ່ຈາກຄະນະຊາວໜຸ່ມແຂວງ ແລະ ວິທະຍາໄລເຕັກນິກແຂວງວຽງຈັນຕື່ມອີກ.

ຂ່າວ:ບຸນມາ ແກ້ວບຸດດາ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed