Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມທາບທາມເນື້ອໃນຮ່າງບົດລາຍງານ ແລະ ແຜນພັດທະນາເສດຖະກິດ – ສັງຄົມ 5 ປີ

1 min read

ກອງປະຊຸມທາບທາມເນື້ອໃນຮ່າງບົດລາຍງານ ແລະ ແຜນພັດທະນາເສດຖະກິດ – ສັງຄົມ 5 ປີ


ເພື່ອສະເໜີຕໍ່ກອງປະຊຸມໃຫຍ່ ຄັ້ງທີ VI ຜູ້ແທນອົງຄະນະພັກແຂວງວຽງຈັນ.

ວັນທີ 11 – 12 ສິງຫາ 2020 ຢູ່ທີ່ສະໂມສອນເມືອງຫີນເຫີບແຂວງວຽງຈັນໄດ້ຈັດກອງປະຊຸມທາບທາມເນື້ອໃນຮ່າງບົດລາຍງານການເມືອງ ແລະ ແຜນພັດທະນາເສດຖະກິດ – ສັງຄົມ 5 ປີ ( 2021 – 2025 ) ເພື່ອສະເໜີຕໍ່ກອງປະຊຸມໃຫຍ່ຄັງທີ VI ຜູ້ແທນອົງຄະນະພັກແຂວງວຽງຈັນໂດຍການເປັນປະທານຂອງ ທ່ານ ນ.ສິງຄໍາ ຄົງສະຫວັນ ຮອງເຈົ້າແຂວງໆວຽງຈັນ, ມີ ທ່ານ ວອນ ວໍລະສານ ເລຂາພັກເມືອງ ເຈົ້າເມືອງຫີນເຫີບ, ຄະນະປະຈໍາ, ກໍາມະການພັກເມືອງ, ພະນັກງານອາວຸໂສບໍານານ, ຫົວໜ້າ, ຮອງຫົວໜ້າຫ້ອງການ, ຫົວໜ້າໜ່ວຍງານ, ນາຍ ແລະ ພົນ ທະຫານ, ນາຍ ແລະ ພົນຕໍາຫຼວດ, ເລຂາພັກບ້ານ – ນາຍບ້ານ ແລະ ອານຸກໍາມະການຮັບຜິດຊອບເນື້ອໃນຂັ້ນແຂວງເຂົ້າຮ່ວມທັງໝົດ 152 ທ່ານ, ຍິງ 30 ທ່ານ.


ທ່ານ ນ.ສິງຄໍາ ຄົງສະຫວັນ ຮອງເຈົ້າແຂວງໆວຽງຈັນໄດ້ໃຫ້ກຍດຂຶ້ນຜ່ານມະຕິກອງປະຊຸມຄົບຄະນະບໍລິ ຫານພັກແຂວງວຽງຈັນ ຄັ້ງທີ 11 ສະໄໝທີ V ທ່ານ ສົມຄິດ ອິນທະວົງ ເລຂາຄະນະພັກ ຫົວໜ້າໂຮງຮຽນການເມືອງ ແລະ ການປົກຄອງແຂວງວຽງຈັນໄດ້ຂຶ້ນຜ່ານຮ່າງລາຍງານການເມືອງຂອງຄະນະບໍລິຫານງານພັກແຂວງ ສະໄໝທີ V ຕໍ່ກອງປະຊຸມໃຫຍ່ ຄັ້ງທີ VI ຜູ້ແທນອົງຄະນະພັກແຂວງວຽງຈັນ, ທ່ານ ສົມດີ ແກ້ວດາລາວິນ ຮອງປະທານສະພາປະຊາຊົນແຂວງວຽງຈັນໄດ້ຂຶ້ນຜ່ານຮ່າງບົດລາຍງານຫຍໍ້ແຜນພັດທະນາເສດຖະກິດ – ສັງຄົມ 5 ປີ(2021 – 2025) ຄັ້ງທີ VI ຂອງແຂວງວຽງຈັນ

ຈາກນັ້ນປະທານກອງປະຊຸມກໍ່ໄດ້ມີຄໍາຖານເຈາະຈີ້ມບາງບັນຫາຕໍ່ກັບຮ່າງລາຍງານການ ເມືອງ ແລະ ແຜນພັດທະນາເສດຖະກິດ – ສັງຄົມ ເພື່ອເປັນບ່ອນອີງໃຫ້ແກ່ຜູ້ແທນທີ່ເຂົ້າຮ່ວມກອງປະຊຸມໃນການຄົ້ນຄວ້າປະກອບຄໍາຄິດຄໍາເຫັນ ກອງປະຊຸມຍັງໄດ້ແບ່ງອອກເປັນ 4 ໜ່ວຍ ເພື່ອຄົ້ນຄວ້າປະກອບຄໍາຄິດຄໍາເຫັນໃສ່ຮ່າງລາຍງານການເມືອງ ແລະ ແຜນພັດທະນາເສດຖະກິດ – ສັງຄົມ 5 ປີຂອງແຂວງ.

ທ່ານ ນ. ສິງຄໍາ ຄົງສະຫວັນ ຮອງເຈົ້າແຂວງໆວຽງຈັນໄດ້ໃຫ້ກຽດໂອ້ລົມຕໍ່ກອງປະຊຸມ ທ່ານໄດ້ກ່າວສະແດງຄວາມຍ້ອງຍໍຊົມເຊີຍຕໍ່ບັນດາຜູ້ແທນທີ່ເຂົ້າຮ່ວມກອງປະຊຸມໃນຄັ້ງນີ້ ທີ່ໄດ້ຕັ້ງໜ້າສຸມທຸກກໍາລັງເຫື່ອແຮງສະຕິປັນຍາຂອງຕົນພ້ອມກັນຄົ້ນຄວ້າປະກອບຄໍາຄິດຄໍາເຫັນ ເຮັດໃຫ້ກອງປະຊຸມປະສົບຜົນສໍາເລັດຕາມຄາດໝາຍທີ່ວາງໄວ້ ທ່ານຍັງໄດ້ເນັ້ນໜັກໃຫ້ຄະນະພັກ, ອໍານາດການປົກຄອງເມືອງຈົ່ງສືບຕໍ່ເພີ່ມທະວີເອົາໃຈໃສ່ຊີ້ນໍາ – ນໍາພາສຶກສາອົບຮົມການເມືອງ – ແນວຄິດໃຫ້ສະມາຊິກພັກ – ພະນັກງານ, ທະຫານ, ຕໍາຫຼວດຕະຫຼອດຮອດພໍ່ແມ່ປະຊາຊົນບັນດາເຜົ່າໃຫ້ມີແນວຄິດອຸ່ນອ່ຽນທຸ່ນທ່ຽງ,

ເຊື່ອໝັ້ນຕໍ່ການຊີ້ນໍາ – ນາພາຂອງພັກ – ລັດວາງອອກໃນແຕ່ລະໄລຍະ, ເອົາໃຈໃສ່ພ້ອມກັນອອກແຮງແຂ່ງຂັນກັນສ້າງຂະບວນການດ້ານຕ່າງໆໃຫ້ເປັນຂະບວນຟົດຟື້ນ ເພື່ອເປັນການສ້າງຜົນງານຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີ VI ຜູ້ແທນອົງຄະນະພັກແຂວງວຽງຈັນ ແລະ ສືບຕໍ່ເອົາໃຈໃສ່ຈັດຕັ້ງປະຕິບັດຜັນຂະຫຍາຍມະຕິກອງປະຊຸມໃຫຍ່ ຄັ້ງທີ IV ຜູ້ແທນອົງຄະນະພັກເມືອງຫີນເຫີບໃຫ້ປະກົດຜົນເປັນຈິງ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031