Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສຳເລັດກອງປະຊຸມເຜີຍແຜ່ສິດທິຂອງຜູ້ອອກແຮງງານ ແລະ ການປົກປ້ອງທາງສັງຄົມ

1 min read

ສຳເລັດກອງປະຊຸມເຜີຍແຜ່ສິດທິຂອງຜູ້ອອກແຮງງານ ແລະ ການປົກປ້ອງທາງສັງຄົມ


ເພຶ່ອປະຕິບັດຕາມ ຂໍ້ຕົກລົງຂອງທ່ານເຈົ້າເມືອງ – ເມືອງໂພນໂຮງ ວ່າດ້ວຍ: ການອານຸມັດເປີດກອງປະຊຸມເຜີຍແຜ່ສິດທິຂອງຜູ້ອອກແຮງງານ ແລະ ການປົກປ້ອງທາງສັງຄົມ ໃຫ້ແກ່ກຸ່ມຫັດຖະກຳຕຳ່ຫູກ ບ້ານ ໜອງປຸ່ງ ແລະ ບ້ານ ແຈ້ງສະຫວ່າງ ເມືອງໂພນໂຮງ ແຂວງວຽງຈັນ.

ວັນທີ 12 ສິງຫາ 2020 ທີ່ຫ້ອງການບ້ານໆ ໜອງປຸ່ງ ເມືອງໂພນໂຮງ ໄດ້ເປີດກອງປະຊຸມເຜີຍແຜ່ສິດທິຂອງຜູ້ອອກແຮງງານ ແລະ ການປົກປ້ອງທາງສັງຄົມ ໃຫ້ແກ່ກຳມະບານຮາກຖານ, ຄະນະກຸ່ມຫັດຖະກຳຕໍ່າຫູກ ບ້ານໜອງປຸ່ງ ແລະ ບ້ານ ແຈ້ງສະຫວ່າງ ຂື້ນຢ່າງເປັນທາງການ ໂດຍການເປັນປະທານຂອງ ທ່ານ ບຸນແທນ ແກ້ວປະເສີດ ຮອງເລຂາພັກເມືອງ ຜູ້ຊີ້ນຳວຽກພັກ – ພະນັກງານ, ມີທ່ານ ທອງໃບ ວົງຜາສຸກ ຫົວໜ້າຫ້ອງການປະກັນສັງຄົມເມືອງວຽງຄຳ, ມີທ່ານ ນາງ ລຳເງິນ ພັນທະວົງ ປະທານສະຫະພັນກຳມະບານເມືອງໂພນໂຮງ, ມີທ່ານ ບຸດສະດາ ມະນີວົງ ຫົວໜ້າຂະແໜງປົກປ້ອງແຮງງານ ສະຫະພັນກຳມະບານແຂວງວຽງຈັນ, ມີນາຍບ້ານ, ປກສ ບ້ານ ແລະ ສະມາຊິກຂອງກຸ່ມເຂົ້າຮ່ວມຈຳນວນ 41 ຄົນ, ຍິງ 25 ຄົນ. ກອງປະຊຸມໄດ້ຮັບຟັງການເຜີຍແຜ່ຄວາມຮູ້ພື້ນຖານກ່ຽວກັບວຽກງານປົກປ້ອງແຮງງານໂດຍມີ 05 ຫົວຂໍ້ໃຫຍ່ຄື:1, ຄວາມສຳນຶກກ່ຽວກັບແຮງງານລັກສະນະສັງຄົມແຮງງານ ແລະ ບົດບາດແຮງງານ. 2, ສາຍພົວພັນແຮງງານຂອງລະບອບສັງຄົມມະນຸດຂະຫຍາຍຕົວທີ່ແຕກຕ່າງກັນ. 3, ລະບອບປະຊາທິປະໄຕປະຊາຊົນ. 4, ລະບົບປົກປ້ອງແຮງງານຢູ່ໃນ ສປປ ລາວ. 5, ການຈັດຕັ້ງປະຕິບັດ ສະເໜີໂດຍ ທ່ານ ບຸດສະດາ ມະນີວົງ ແລະ ທ່ານ ທອງໃບ ວົງຜາສຸກ ໄດ້ໃຫ້ຮູ້ກ່ຽວກັບຜົນປະໂຫຍດທີ່ໄດ້ຮັບຫລັງການເຂົ້າເປັນສະມາຊິກປະກັນສັງຄົມມີຄື: 1, ອຸດໜູນປະກັນສຸຂະພາບ. 2, ອຸດໜູນອອກລູກ. 3, ອຸດໜູນປ່ວຍການ. 4, ອຸດໜູນເສຍກຳລັງແຮງງານ. 5, ອຸດໜູນບຳນານ. 6, ອຸດໜູນເສຍຊີວິດ. 7, ອຸດໜູນສະມາຊິກຄອບຄົວ ແລະ ທ່ານຍັງໄດ້ນຳສະເໜີກ່ຽວກັບເງື່ອນໄຂ ແລະ ເອກະສານໃນການສະໝັກເຂົ້າເປັນສະມາຊິກມີ: 1, ມີອາຍຸລະຫວ່າງ 14 – 60 ປີ. 2, ຕ້ອງມາຂື້ນທະບຽນດ້ວຍຕົນເອງ. 3, ມີບັດປະຈຳຕົວ. 4, ມີສຳມະໂນຄົວ. 5, ແບບຟອມ ( ປະກັນສັງຄົມກຽມໃວ້ໃຫ້ ). 6, ຖ້າເຄີຍເປັນສະມາຊິກມາກ່ອນໃຫ້ຖືບັດປະກັນສັງຄົມມາພ້ອມ.

ຕອນທ້າຍກອງປະຊຸມຍັງໄດ້ຮັບຟັງການໂອ້ລົມຂອງທ່ານ ບຸນແທນ ແກ້ວປະເສີດ ທ່ານໄດ້ກ່າວຍ້ອງຍໍຊົມເຊີຍທີ່ທາງຄະນະນຳຂັ້ນແຂວງໄດ້ເອົາໃຈໃສ່ຊີ້ນຳ – ນຳພາ ບ້ານໜອງປຸ່ງ ແລະ ບ້ານແຈ້ງສະຫວ່າງ ໄດ້ພ້ອມພຽງຮຽງໜ້າກັນ ສ້າງຕັ້ງກຸ່ມຂື້ນມາ ໃຫ້ພ້ອມກັນເອົາໃຈໃສ່ ໃນການຊອກຮູ້ຮໍ່າຮຽນ ເຊຶ່ອມຊືມບັນດາກົດລະບຽບຕ່າງໆ

ທີ່ໄດ້ພ້ອມກັນສ້າງຂື້ນມານັ້ນຈົ່ງພ້ອມກັນປະຕິບັດຢ່າງເຂັ້ມງວດ ມີຫົວຄິດປະດິດສ້າງສິ່ງໃໝ່ໆ ອອກມາສູ່ທ້ອງຕະຫລາດ ພັດນາສີມືແຮງງານຂອງກຸ່ມ ແລະ ຈົ່ງພ້ອມກັນພັດທະນາກຸ່ມເພຶ່ອສ້າງຄວາມເຂັ້ມແຂງໃຫ້ແກ່ກຸ່ມຂອງຕົນເອງ ຈໃຫ້ພ້ອມກັນຮັກສາຄວາມສາມັກຄີທັງພາຍໃນ ແລະ ພາຍນອກໃຫ້ແໜ້ນແຟ້ນຍິ່ງຂື້ນ.

ຂ່າວ: ໄຊປັນຍາ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031