Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຊະນະຄາມ ຈັດຕັ້ງພິທີປະຖະກະຖາຫວນຄືນມູນເຊື້ອ 5 ວັນປະຫວັດສາດ

1 min read

ເມືອງຊະນະຄາມ ຈັດຕັ້ງພິທີປະຖະກະຖາຫວນຄືນມູນເຊື້ອ 5 ວັນປະຫວັດສາດ.


ໃນຕອນເຊົ້າ ວັນທີ 14 ສິງຫາ 2020 ທີ່ຜ່ານມາ, ເມືອງຊະນະຄາມ ແຂວງວຽງຈັນ ໄດ້ຈັດຕັ້ງພິທີປະຖະກະຖາຫວນຄືນມູນເຊື້ອ 5 ວັນປະຫວັດສາດຂຶ້ນ,

ໂດຍພາຍໃຕ້ການເປັນປະທານ ຮ່ວມຂອງທ່ານ ແກ້ວ ພິມມະວົງ ຮອງເລຂາພັກເມືອງ, ທ່ານ ດອນ ລາດຊະວົງ ຮອງເລຂາພັກເມືອງ ປະທານກວດກາພັກເມືອງ, ທ່ານ ບຸນຊ່ວງ ວັນສີ ຄະນະປະຈໍາພັກເມືອງ ຮອງເຈົ້າເມືອງ, ມີຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ພະນັກງານອາວຸໂສບໍານານ, ພະນັກງານ-ລັດຖະກອນ, ທະຫານ-ຕໍາຫຼວດ, ລັດວິສະຫະກິດ, ອົງການປົກ ຄອງບ້ານເຂົ້າຮ່ວມຢ່າງພ້ອມພຽງ.


ໂດຍອີງຕາມແຈ້ງການແນະນໍາ ຂອງຄະນະປະຈໍາພັກແຂວງວຽງຈັນ,ສະບັບເລກທີ 035/ຄປພ.ຂຈ, ລົງວັນທີ 25 ກໍລະກົດ 2020, ວ່າດ້ວຍການໂຄສະນາປະຖະກະຖາ ວັນສໍາຄັນຕ່າງໆຂອງຊາດ-ຂອງພັກ, ອີງຕາມ ທິດຊີ້ນໍາຂອງຄະນະໂຄສະນາອົບຮົມ ແຂວງວຽງຈັນ, ໃນຄັ້ງວັນທີ 11 ສິງຫາ 2020 ແລະ ທິດຊີ້ນໍາຂອງຄະນະປະຈໍາພັກເມືອງ ໃນຄັ້ງວັນທີ 10 ສິງຫາ 2020.
ເພື່ອເປັນການເຊື່ອມຊຶມທາງດ້ານມູນເຊື້ອພາລະກໍາປະ ຫວັດສາດ, ຜົນງານການຈັດຕັ້ງນໍາພາ ແລະ ແນວທາງການຮ່ວມມືກັບສາກົນຂອງພັກ-ລັດ,

ໃຫ້ແກ່ບັນດາສະມາຊິກພັກ, ພະນັກງານ – ລັດຖະກອນ, ປກຊ – ປກສ, ລັດວິສະຫະກິດ ແລະ ອົງການປົກຄອງບ້ານໃຫ້ມີຄວາມຮັບຮູ້ເຂົ້າໃຈຢ່າງເລິກເຊິ່ງ, ທັັງເປັນການເສີມຂະຫຍາຍວຽກງານດ້ານການເມືອງ-ແນວຄິດ, ປູກຈິດສໍານຶກຮັກຊາດ, ເຊີດຊູມູນເຊື້ອການປະຕິວັດ, ທັດສະນະຫຼັກໝັ້ນ, ນໍາໃຈເສຍສະຫຼະ, ມູນເຊື້ອອັນພິລະອາດຫານຂອງກໍາລັງປະຕິວັດ ແລະ ການນໍາພາອັນສະຫຼາດສ່ອງໃສຂອງພັກໃນແຕ່ລະໄລຍະ, ທັງການຝຶກຝົນຫຼໍ່ຫຼອມເສີມຂະຫຍາຍທາງດ້ານຄຸນທາດການເມືອງໃຫ້ມີຄວາມໜັກແໜ້ກ ແລະ ສ້າງຜົນງານຕ້ອນຮັບກອງປະຊຸມໃຫຍ່ຂອງອົງຄະນະພັກແຕ່ລະຂັ້ນໃຫ້ເປັນຂະບວນການກວ້າງຂວາງ.


ໃນພິທີ ທ່ານຍອດ ບຸດສະບູນໄດ້ເປັນກຽດຂຶ້ນຜ່ານ ແລະ ນໍາພາຫວນຄືນມູນເຊື້ອວັນສ້າງຕັ້ງແນວລາວສ້າງຊາດຄົບຮອບ 70 ປີ (13 ສິງຫາ 1950 ຫາ 13 ສິງຫາ 2020) ແລະ ທ່ານ ບຸນຊ່ວງ ວັນສີ ນໍາພາເຊື່ອມຊຶມວັນຍຶດອໍານາດຄົບຮອບ 75 ປີ ( 23 ສິງຫາ 1945 ຫາ 23 ສິງຫາ 2020) ແລະ (23 ສິງຫາ 1975 ຫາ 23 ສິງຫາ 2020),

ທ່ານ ທອງເພັດ ຜຸຍຍາວົງ ກໍາມະການພັກເມືອງ ປະທານສານປະຊາຊົນເຂດ 3 ແຂວງວຽງຈັນ ນໍາພາເຊື່ອມຊຶມວັນສ້າງຕັ້ງສານປະຊາຊົນແຫ່ງ ສປປລາວ ຄົບຮອບ 38 ປີ( 15 ສິງຫາ 1982 ຫາ 15 ສິງຫາ 2020 ), ທ່ານ ດອນ ລາດຊະວົງ ຮອງເລຂາພັກເມືອງ ປະທານກວດກາພັກ-ລັດເມືອງ ນໍາພາເຊື່ອມຊຶມເອກະສານວັນສ້າງຕັ້ງອາຊຽນ ຄົບຮອບ 53 ປີ ( 08 ສິງຫາ 1967 ຫາ 08 ສິງຫາ 2020) ແລະ ທ່ານ ແກ້ວ ພິມມະວົງ ນໍາພາເຊື່ອມຊຶມວັນລັດຖະທໍາມະນູນ ແຫ່ງ ສປປລາວຄົບຮອບ 29 ປີ ( 15 ສິງຫາ 1991 ຫາ 15 ສິງຫາ 2020).

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031