Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີມອບ – ຮັບຫົວໜ້າ 2 ຫ້ອງການ ລະຫວ່າງ ຜູ້ເກົ່າ ແລະ ຜູ້ໃໝ່

1 min read

ພິທີມອບ – ຮັບຫົວໜ້າ 2 ຫ້ອງການ ລະຫວ່າງ ຜູ້ເກົ່າ ແລະ ຜູ້ໃໝ່.

 

ວັນທີ 10 ສິງຫາ 2020 ຢູ່ທີ່ສະໂມສອນເມືອງວັງວຽງ ແຂວງວຽງຈັນ. ໄດ້ຈັດພິທີປະກາດການຈັດຕັ້ງໂດຍການເຂົ້າ ຮ່ວມຂອງ ທ່ານ ບຸນຈັນ ມາລາວົງ ເລຂາພັກເມືອງ ເຈົ້າເມືອງໆວັງວຽງ, ມີທ່ານ ສະຫວ່າງ ສິມມະໂນທຳ ຄະນະພັກຮາກຖານ ຄະນະພະແນກໂຍທາທິການແລະຂົນສົ່ງແຂວງວຽງຈັນ, ທ່ານ ປອ ບຸນພະຈັນ ສູນທະລາ ຄະນະພັກຮາກຖານ ຄະນະພະແນກຊັບພະຍາກອນທຳມະຊາດແລະສິ່ງແວດລ້ອມແຂວງວຽງຈັນ, ມີຮອງເລຂາພັກເມືອງ, ຄະນະປະຈຳ, ກຳມະການພັກເມືອງ,ຫົວໜ້າ, ຮອງຫົວໜ້າຫ້ອງການ, ຕາງໜ້າຫ້ອງການແລະ ພະນັກງານຫ້ອງການໂຍທາທິການແລະຂົນສົ່ງ-ຊັບພະຍາກອນທຳມະຊາດແລະສິ່ງແວດລ້ອມເມືອງ ເຂົ້າຮ່ວມ.

ໃນພິທີຍັງໄດ້ຜ່ານ ບັນດາ ຂໍ້ຕົກລົງຍົກຍ້າຍ ແລະ ຂໍ້ຕົກລົງແຕ່ງຕັ້ງຂອງທ່ານເຈົ້າເມືອງໆວັງວຽງ. ຕາມການແບ່ງໜ້າທີ່ ແລະ ຄວາມຮັບຜິດຊອບໜ້າທີ່ການເມືອງທີ່ການຈັດຕັ້ງມອບໝາຍໃຫ້ແນ່ໃສ່ເພື່ອເຮັດໃຫ້ລະບົບການຈັດຕັ້ງຢູ່ບັນດາຫ້ອງການຂອງເມືອງນັບມີຄວາມເຂັ້ມແຂງໜັກແໜ້ນປະຕິບັດໜ້າທີ່ໃຫ້ໄດ້ຮັບຜົນດີຂື້ນເລື້ອຍໆ


ຫລັງຈາກນັ້ນກໍ່ ຍັງໄດ້ເຊັ່ນບົດບັນທຶກ ມອບ-ຮັບໜ້າທີ່ ລະຫວ່າງຜູ້ເກົ່າ-ຜູ້ໃໝ່ ຈຳນວນ 2 ຫ້ອງການຄື: 01 ຫ້ອງການໂຍທາທິການແລະຂົນສົ່ງເມືອງວັງວຽງ ທ່ານ ສີສົມພູ ພິມເມືອງ ຫົວຫນ້າຫ້ອງການຜູ້ເກົ່າ ແລະ ທ່ານ ແສງສັກດາ ຫຼ້າຈັນທະບຸນ ຜູ້ວ່າການຫົວໜ້າຫ້ອງການຜູ້ໃໝ່. 02 ຫ້ອງການຊັບພະຍາກອນທຳມະຊາດແລະສິ່ງແວດລ້ອມເມືອງ ທ່ານ ມີໄຊ ທັນຕະວົງ ຫົວໜ້າຫ້ອງການຜູ້ເກົ່າ ແລະ ທ່ານ ສີສົມພູ ພິມເມືອງ ຫົວຫນ້າຫ້ອງການຜູ້ໃໝ່ ໂດຍຊ່ອງໜ້າ ການນຳຂອງເມືອງ ແລະພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.

ຕອນທ້າຍ ພິທີ ບຸນຈັນ ມາລາວົງ ເລຂາພັກເມືອງ ເຈົ້າເມືອງໆວັງວຽງ ຍັງໄດ້ໃຫ້ກຽດ ມີຄໍາເຫັນແລະ ໂອ້ລົມຕໍ່ພິທີ ເຊິ່ງທ່ານໄດ້ເນັ້ນໜັກໃຫ້ພະນັກງານທີ່ໄດ້ຮັບການແຕ່ງຕັ້ງໃນຄັ້ງນີ້ຈົ່ງເອົາໃຈໃສ່ປະຕິບັດວຽກງານຕາມພາລະບົດບາດສິດ ແລະ ໜ້າທີ່ຂອງຕົນ, ມີການພົວພັນປະສານສົມທົບກັບພາກສ່ວນທີ່ກ່ຽວຂ້ອງ ແລະ ເຮັດໃຫ້ວຽກງານ ຢູ່ເມືອງວັງວຽງໃຫ້ມີຜົນສໍາເລັດ.

ຂ່າວ ທັນວາ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031