Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງວຽງຈັນລົງພົບປະຢ້ຽມຢາມ ແລະ ເຜີຍແຜ່ເນື້ອໃນຜົນສໍາເລັດ ກອງປະຊຸມສະໄໝສາມັນເທື່ອທີ 9

1 min read

ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງວຽງຈັນລົງພົບປະຢ້ຽມຢາມ ແລະ ເຜີຍແຜ່ເນື້ອໃນຜົນສໍາເລັດ ກອງປະຊຸມສະໄໝສາມັນເທື່ອທີ 9
ຂອງສະພາແຫ່ງຊາດຊຸດທີ VIII ແລະ ສະພາປະຊາຊົນແຂວງວຽງຈັນຊຸດທີ I.

ວັນທີ 11 ສິງຫາ 2020 ທີ່ຜ່ານມາ, ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງວຽງຈັນ ໄດ້ລົງພົບປະຢ້ຽມຢາມ ແລະ ເຜີຍແຜ່ເນື້ອໃນຜົນສໍາເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ແລະ ສະພາປະຊາຊົນແຂວງວຽງຈັນຊຸດທີ I ຂຶ້ນ, ຢູ່ທີ່ສະໂມສອນໃຫຍ່ຂອງເມືອງດັ່ງກ່າວ,

ໂດຍພາຍໃຕ້ການເປັນປະທານຂອງທ່ານ ບຸນເພັງ ສາຍນໍລະດີ ຮອງເລຂາພັກແຂວງ ສະມາຊິກສະພາແຫ່ງຊາດຊຸດທີ VIII ປະທານສະພາປະຊາຊົນແຂວງວຽງຈັນ, ທ່ານ ພັນເອກ ສີນວນ ພົມມະຈັນ ຄະນະປະຈໍາສະພາປະຊາຊົນແຂວງ ປະທານຄະນະກໍາມະການຍຸຕິທໍາ,ປ້ອງກັນຊາດ-ປ້ອງກັນຄວາມສະຫງົບ ສະມາຊິກສະພາປະຊາຊົນແຂວງວຽງຈັນຊຸດທີ I ແລະ ທ່ານ ປະເສີດ ວັນສີ ສະມາຊິກສະພາປະຊາຊົນແຂວງວຽງຈັນປະຈໍາເຂດເລືອກຕັ້ງເມືອງຊະນະຄາມ, ເປັນກຽດເຂົ້າຮ່ວມໃນພິທີດັ່ງກ່າວມີ ທ່ານ ສະໝານ ວິເສດຍະພົງສ໌ ເລຂາພັກເມືອງ ເຈົ້າເມືອງໆຊະນະຄາມ, ມີບັນດາຄະນະປະຈໍາພັກເມືອງ, ຄະນະພັກເມືອງ, ຫົວໜ້າ-ຮອງຫົວໜ້າຫ້ອງການ, ພະນັກງານ, ທະຫານ, ຕໍາຫຼວດ, ລັດວິສະຫະກິດ ເຂົ້າຮ່ວມທັງໝົດ 176, ຍິງ 68 ຄົນ.


ທ່ານ ສະໝານ ວິເສດຍະພົງສ໌ ເລຂາພັກເມືອງ ເຈົ້າເມືອງໆຊະນະຄາມ ຕາງໜ້າໃຫ້ແກ່ຄະນະພັກ, ອົງການປົກຄອງເມືອງ ແລະ ປະຊາຊົນບັນດາເຜົ່າພາຍໃນເມືອງ, ໄດ້ຂຶ້ນລາຍງານສະພາບຈັດຕັ້ງປະຕິບັດວຽກງານຮອບດ້ານໂດຍຫຍໍ້, ເຊິ່ງໄດ້ຍົກໃຫ້ເຫັນສະພາບຈຸດພິເສດ,

ດ້ານຕັ້ງໜ້າ, ຜົນງານພົ້ນເດັ່ນ, ດ້ານຄົງຄ້າງ ແລະ ສິ່ງທ້າທາຍໃນການຊີ້ນໍາ-ນໍາພາໃນໄລຍະຜ່ານມາ, ພ້ອມດຽວກັນນີ້ ທ່ານ ພັນເອກ ສີນວນ ພົມມະຈັນ ໄດ້ເປັນກຽດຂຶ້ນເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງວຽງຈັນຊຸດທີ I, ເຊິ່ງຜົນສໍາເລັດຂອງກອງປະຊຸມ ໄດ້ກາຍເປັນໝາກຜົນລວມຍອດແຫ່ງການເສີມຂະຫຍາຍສະຕິປັນຍາ, ໃນການປະສານສົມທົບກັນຢ່າງກົມກຽວ ລະຫວ່າງສະພາປະຊາຊົນແຂວງວຽງຈັນ ກັບອົງການປົກຄອງແຂວງ ແລະ ບັນດາພະແນກການຂອງແຂວງທີ່ກ່ຽວຂ້ອງ ທີ່ໄດ້ສຸມສະຕິປັນຍາ, ເຊີດຊູຄວາມຮັບຜິດຊອບ, ພິຈາລະນາຮັບຮອງ ເຮັດໃຫ້ກອງປະຊຸມໄດ້ມີຜົນສໍາເລັດຢ່າງຈົບງາມ.


ບັນດາຜູ່ເຂົ້າຮ່ວມໃນພິທີໃນຄັ້ງດັ່ງກ່າວ, ຍັງໄດ້ເປັນກຽດຮັບຟັງການມີຄໍາເຫັນໂອ້ລົມ ແລະ ການເຜີຍແຜ່ເນື້ອໃນຜົນສໍາເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ຈາກ ທ່ານ ບຸນເພັງ ສາຍນໍລະດີ ຮອງເລຂາພັກແຂວງ ສະມາຊິກສະພາແຫ່ງຊາດຊຸດທີ VIII ປະທານສະພາປະຊາຊົນແຂວງວຽງຈັນ,

ເຊິ່ງໃນນີ້ ທ່ານໄດ້ມີຄວາມເປັນເອກະພາບຕໍ່ບົດລາຍງານການຈັດຕັ້ງປະຕິບັດວຽກງານຮອບດ້ານຂອງເມືອງ ແລະ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ສາມາດຍາດມາໄດ້, ພ້ອມດຽວກັນນີ້ທ່ານຍັງໄດ້ຮຽກຮ້ອງມາຍັງບັນດາຄະນະພັກ, ອົງການຈັດຕັ້ງພາຍໃນເມືອງ, ພະນັກງານ, ທະຫານ-ຕໍາຫຼວດ ແລະ ປະຊາຊົນບັນດາເຜົ່າ, ຈົ່ງໄດ້ເອົາໃຈໃສ່ປະກອບສ່ວນຊຸກຍູ້ເຂົ້າໃນຂະບວນການຮັກຊາດ ແລະ ພັດທະນາ ໂດຍສະເພາະແມ່ນສຸມໃສ່ເຂົ້າໃນການຈັດຕັ້ງປະຕິບັດວຽກງານວິຊາສະເພາະ,

ເອົາໃຈໃສ່ໃນການຈັດຕັ້ງເຊື່ອມຊຶມແນວທາງນະໂຍບາຍຂອງພັກ, ລະບຽບການ ແລະ ກົດໝາຍຂອງລັດ, ຕັ້ງໜ້າປະກອບສ່ວນຢ່າງເປັນເຈົ້າການເຂົ້າໃນຂະບວນການປ້ອງກັນຊາດ-ປ້ອງກັນຄວາມສະຫງົບ, ການພັດທະນາເສດຖະກິດ-ສັງຄົມ, ເອົາໃຈໃສ່ປັບປຸງກໍ່ສ້າງວຽກພັກ-ພະນັກ ງານ, ຊັບຊ້ອນຈັດວາງຕາມຄວາມເໝາະສົມ ແລະ ປະຕິບັດນະໂຍບາຍຢ່າງສົມເຫດສົມຜົນ ຕາມ 3 ທິດນໍາ ແລະ 5 ຫຼັກ ການຂອງພັກ.

ຂ່າວ: ເມືອງຊະນະຄາມ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed