Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກິດຈະກຳເຜີຍແຜ່ ແລະ ປູກຈິດສຳນຶກ ວຽກງານອະນຸລັກໃຫ້ນັກຮຽນ ປະຖົມສົມບູນທ່າເຮືອ, ເມືອງວັງວຽງ

1 min read

ໃນຕອນບ່າຍ ວັນທີ 12 ທັນວາ 2019ຜ່ານມາ ຢູ່ທີ່ໂຮງຮຽນປະຖົມສົມບູນທ່າເຮືອ ເມືອງວັງວຽງ ແຂວງວຽງຈັນ, ໄດ້ຈັດກິດຈະກຳ ໂຄສະນາ ແລະ ເຜີຍແຜ່ປູກຈິດສຳນຶກ ວຽກງານອະນຸລັກໃຫ້ນັກຮຽນ ໂຮງຮຽນປະຖົມສົມບູນທ່າເຮືອ.

ໂດຍການເປັນກຽດເຂົ້າຮ່ວມຂອງ ທ່ານ ສົມອົກ ໜໍຈະເລີນ ຮອງຫົວຫນ້າພະແນກກະສິກຳ ແລະ ປ່າໄມ້ແຂວງວຽງຈັນ, ມີທ່ານ ອຸ່ນຄຳ ແກ້ວພົມມາ ຫົວຫນ້າກອງຄຸ້ມຄອງປ່າສະຫງວນ-ປ່າປ້ອງກັນ ແລະ ທັງເປັນຫົວຫນ້າປ່າປ້ອງກັນຄຸ້ມຄອງປ່າສະຫງວນຄຸກມືດ ຢູ່ສັນເຂື່ອນແບບມີສ່ວນຮ່ວມຂອງຊຸມຊົນ ແຂວງວຽງຈັນ, ມີທ່ານ ບຸນປັນ ພົມມະວົງ ປະທານແນວລາວສ້າງຊາດເມືອງວັງວຽງ, ມີບັນດາທ່ານຫົວຫນ້າກອງກວດກາແຂວງ, ຫົວຫນ້າກະສິກຳແລະປ່າໄມ້ເມືອງ, ອຳນາດການປົກຄອງບ້ານ, ພະນັກງານທີ່ກ້ຽວຂ້ອງ ແລະ ນ້ອງນັກຮຽນເຂົ້າຮ່ວມ.

ໃນໄລຍະຜ່ານ ໂຄງການແມ່ນໄດ້ຈັດຕັ້ງປະຕິບັດ ຢູ່ປ່າສະຫງວນຄຸກມືດຢູ່ສັນເຂື່ອນ ແບບມີສ່ວນຮ່ວມຂອງຊຸມຊົນ ໂດຍການສ້າງແຜນຄຸ້ມຄອງປ່າສະຫງວນ, ການລາດຕະເວນ, ການປູກຈິດສຳນອກໃຫ້ຊາວບ້ານ ແລະ ການພັດທະນາຊີວິດການເປັນຢູ່ເຊິ່ງກວມເອົາຢູ່ 4 ເມືອງຄື: ເມືອງວັງວຽງ, ເມືອງຫີນເຫີບ, ເມືອງໂພນໂຮງ, ເມືອງແກ້ວອຸດົມ ແລະ ມີ 18 ບ້ານ ຜູ້ເຂົ້າຮ່ວມສ່ວນໃຫຍ່ເປັນ ພະນັກງານ,ທະຫານ, ຕຳຫລວດ, ພໍ່ແມ່ປະຊາຊົນ.

ສະນັ້ນ ທາງໂຄງການເຫັນໄດ້ເຖິງຄວາມສຳຄັນຂອງນ້ອງນ້ອຍນັກຮຽນ ເພື່ອເຮັດໃຫ້ເຂົາເຈົ້າມີຄວາມເຂົ້າໃຈວ່າ ສັດປະເພດໃດເປັນປະເພດສັດຫວງຫ້າມ – ປະເພດຄຸ້ມຄອງ ແລະ ປະເພດໃດສາມາດນຳໃຊ້ໄດ້, ການປົກປັກຮັກສາປ່າໄມ້, ຜົນຮ້າຍຂອງການທຳລາຍປ່າໄມ້, ຜົນຮ້າຍຂອງຜູ້ບໍລິໂພກສັດປ່າ ແລ້ວນຳໄປບອກພີ່ນ້ອງຫລືພໍ່ແມ່ໃຫ້ຊ່ວຍໃນການອະນຸລັກປົກປັກຮັກສາປ່າ-ສັດປ່າ. ແລະໄດ້ຮັບການສະໜັບສະໜູນຈາກທະນາຄານໂລກໃນການຄຸ້ມຄອງປ່າສະຫວງນ-ປ່າປ້ອງກັນ.

ຫລັງຈາກນັ້ນ ກໍ່ໄດ້ເຜີຍແຜ່ກົດໝາຍ ວ່າດ້ວຍປ່າໄມ້, ກົດໝາຍວ່າດ້ວຍສັດນ້ຳ-ສັດປ່າ, ໂຄສະນາການບັງຄັບໃຊ້ກົດໝາຍປ່າໄມ້, ກົດໝາຍສັດນ້ຳແລະ ສັດປ່າ, ສາຍວີດີໂອຕົວຢ່າງ ການຢຶດ ແລະ ທຳລາຍສັດປ່າ ຂອງກອງກວດກາປ່າໄມ້ແຂວງອຸດົມໄຊ (wwf), ອະທິບາຍໂພດສະເຕີ ກ່ຽວກັບການອະນຸລັກຊັບພະຍາກອນປ່າໄມ້, ໂຄສະນາ ແລະ ສາຍວີດີໂອ ພະຍາດຕິດຕໍ່ຈາກສັດປ່າມາສູ່ຄົນ, ໂຄສະນາວຽກບົດບາດຍິງຊາຍ, ວຽກງານແນວລາວສ້າງຊາດໃນການອະນຸລັກຊັບພະຍາກອນປ່າໄມ້, ກິດຈະກຳຖາມ – ຕອບ ທົບທວນຄວາມເຂົ້າໃຈຫລັງໂຄສະນາເຜີຍແຜ່.

 

ພ້ອມນີ້ ໂຄງການປ່າສະຫວງນຄຸກມືດຢູ່ສັນເຂື່ອນແບບມີສ່ວນຮ່ວມຂອງຊຸມຊົນຍັງໄດ້ ມອບອຸປະກອນກິລາໃຫ້ໂຮງຮຽນປະຖົມສົມບູນທ່າເຮືອ.

 

ຕອນທ້າຍ, ທ່ານ ບຸນປັນ ພົມມະວົງ ປະທານແນວລາວສ້າງຊາດເມືອງວັງວຽງ ຍັງໄດ້ໃຫ້ກຽດໂອ້ລົມຕື່ມອີກ.

 

 

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930