Sun. Oct 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຫ້ອງການ ຖວທ ເມືອງໝື່ນ ຈັດກອງປະຊຸມເຜີຍແຜ່ເອກະສານກໍ່ສ້າງບຸກຄົນ, ຄອບຄົວ, ບ້ານ ແລະ ກຸ່ມບ້ານ ຕົວແບບທາງດ້ານວັດທະນະທຳ ຢູ່ບ້ານໂນນໄຮ

1 min read

ຫ້ອງການ ຖວທ ເມືອງໝື່ນ ຈັດກອງປະຊຸມເຜີຍແຜ່ເອກະສານກໍ່ສ້າງບຸກຄົນ, ຄອບຄົວ, ບ້ານ ແລະ ກຸ່ມບ້ານ ຕົວແບບທາງດ້ານວັດທະນະທຳ ຢູ່ບ້ານໂນນໄຮ


ວັນທີ່ 13 ສິງຫາ 2020 ຫ້ອງການ ຖວທ ເມືອງໝື່ນ ໄດ້ລົງເຜີຍແຜ່ເອກະສານກໍ່ສ້າງບຸກຄົນ, ຄອບຄົວ, ບ້ານ ແລະ ກຸ່ມບ້ານ ຕົວແບບທາງດ້ານວັດທະນະທຳ ຢູ່ທີ່ຫ້ອງການບ້ານໂນນໄຮ

ໂດຍໃຫ້ກຽດເຂົ້າຮ່ວມຂອງທ່ານ ໄທທ່າວ ເຈີ່ຈິງ ກຳມະການພັກເມືອງ,ຫົວຫນ້າໂຄສະນາອົມຮົມເມືອງ,ເລຂາຄະນະພັກຮາກຖານ ຫົວໜ້າກຸ່ມບ້ານ ໂນນໄຮ, ມີທ່ານ ສຸວັນນີ ທຳມີພົນ ວ່າການຫົວໜ້າຫ້ອງການ ຖະແຫຼງຂ່າວ , ວັດທະນະທຳ ແລະ ທ່ອງທ່ຽວ ເມືອງ, ມີທ່ານ ຄົວຟືທ່າວ ເລຂາພັກບ້ານ ນາຍບ້ານໂນນໄຮ, ມີເຖ້າແກ່ແນວໂຮມຫົວໜ້າສີງຊາວ, ເຖົ້າແກ່ແນວໂຮມ, ອົງການປົກຄອງບ້ານເຂົ້າຮ່ວມ ຢ່າງພ້ອມພຽງ.


ກອງປະຊຸມທ່ານ ແຫວນຄຳ ສຸມຸນທາ ພະນັກງານ ຫ້ອງການ ຖວທ ຄະນະກຳມະການ ກໍ່ສ້າງ ບຸຄົນ, ຄອບຄົວ ແລະ ບ້ານວັດທະນະທຳ ຂື້ນຜ່ານ ຂໍ້ຕົກລົງ ຂອງທ່ານ ເຈົ້າເມືອງ – ເມືອງໝື່ນ ສະບັບເລກທີ່ 165 /ຈມ.ມໝ ລົງວັນທີ່ 15 ມີຖຸນາ 2020 ວ່າດ້ວຍການ ແຕ່ງຕັ້ງ ຄະນະຮັບຜິດຊອບວຽກງານການກໍ່ສ້າງບຸກຄົນ, ຄອບຄົວ, ບ້ານ, ກຸ່ມບ້ານ, ກົມກອງ ແລະ ບ້ານຕົວແບບທາງດ້ານວັດທະນະທຳ ແລ້ວ

ທ່ານ ສຸວັນນີ ທໍາມີພົນ ວ່າການຫົວໜ້າຫ້ອງການ ຖວທ ເມືອງໝື່ນ ໄດ້ຂື້ນຜ່ານຈຸດປະສົງໃນການລົງເກັບຂໍ້ມູນຄອບຄົວພາຍໃນບ້ານ ແລະ ຜ່ານ ເອກະສານ ມາດຖານບຸກຄົນ,ຄອບຄົວທີ່ໄດ້ເປັນຕົວແບບທາງດ້ານວັດທະນະທຳ, ຫຼັງຈາກນັ້ນ ທ່ານ ຄໍາໝອນ ພິມມະສອນ ພະນັກງານ ຫ້ອງການ ຖວທ ຄະນະກຳມະການ ກໍ່ສ້າງ ບຸຄົນ, ຄອບຄົວ ແລະ ບ້ານວັດທະນະທຳ ໄດ້ຂື້ນ ແນະນຳກ່ຽວກັບການນຳໃຊ້ແບບຟອມ ເອກະສານປະເມີນຄອບຄົວພາຍໃນບ້ານ ໃຫ້ແກ່ບັນດາຜູ້ເຂົ້າຮ່ວມໃນຄັ້ງນີ້ ເພື່ອໄປຈັດຕັ້ງປະຕິບັດໃຫ້ຖືກຕ້ອງຕາມເປົ້າໝາຍທີ່ກຳນົດໄວ້.


ທ້າຍກອງປະຊຸມ ທ່ານ ຄົວຟືທ່າວ ເລຂາພັກບ້ານ ນາຍບ້ານ – ບ້ານ ໂນນໄຮ ຍັງໄດ້ເໜັ້ນໜັກໃຫ້ ເຖົ້າແກ່ແນວໂຮມຫົວໜ້າສີງຊາວໃຫ້ເອົາໃຈໃສ່ປຸກລະດົມ ພໍ່ແມ່ປະຊາຊົນພາຍໃນບ້ານໂນນໄຮ ໃຫ້ພ້ອມກັນເຂົ້າວຽກງານດັ່ງກ່າວ ພ້ອມປັບປຸງຄອບຄົວຂອງຕົນ ໃຫ້ຖືກຕ້ອງຕາມມາດຖານບຸກຄົນ,ຄອບຄົວວັດທະນະທຳ ແລະ ຍັງໄດ້ເໜັ້ນໜັກໃຫ້ ບັນດາຫົວໜ້າໜ່ວຍພາຍໃນບ້ານ ເອົາໃຈໃສ່ໃນການເກັບກໍາຂໍ້ມູນຄອບຄົວຂອງລູກໜ່ວຍຂອງຕົນ ໃຫ້ຖືກຕ້ອງ ແລະ ຊັດເຈນຕາມຄວາມເປັນຈິງ.

ຂ່າວ: ຄຳເພັດ (ນັກຂ່າວ ວິທະຍຸກະຈາຍສຽງເມືອງໝື່ນ)

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031