Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງວຽງຈັນ ກັກຕົວເປົ້າໝາຍຊື້-ຂາຍຢາເສບຕິດ ພ້ອມຂອງກາງຢາບ້າ 222.000 ເມັດ

1 min read

ພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງວຽງຈັນ ກັກຕົວເປົ້າໝາຍຊື້-ຂາຍຢາເສບຕິດ ພ້ອມຂອງກາງຢາບ້າ 222.000 ເມັດ.


ວັນທີ 25 ມີຖຸນາ 2020 ຜ່ານມານີ້ ເຈົ້າໜ້າທີ່ຕໍາຫຼວດພະແນກສະກັດກັ້ນ ແລະຕ້ານຢາເສບຕິດ ປກສ ແຂວງວຽງຈັນ ໄດ້ສົມທົບກັບເຈົ້າໜ້າທີ່ ປກສ ເມືອງໂພນໂຮງ ແລະ ອໍານາດການປົກຄອງບ້ານນໍ້າແຈ້ງ ລົງເຄື່ອນໄຫວວຽກງານວິຊາສະເພາະລົງຕິດຕາມເປົ້າໝາຍຊື້-ຂາຍຢາເສບຕິດຢູ່ຂອບເຂດເມືອງໂພນໂຮງ ແຂວງວຽງຈັນ ໄດ້ກວດລົດຟໍຈູນເນີສີປອນ ໝາຍເລກທະບຽນ ກລ 9718 ກໍາແພງນະຄອນ ເຊີ່ງເປັນລົດຂອງ ທ້າວ ເນັ່ງວ່າ ວ່າ ອາຍຸ 32 ປີ ປະຊາຊົນ ບ້ານນາວ່າງ ເມືອງຮຸນ ແຂວງອຸດົມໄຊ ຜ່ານການກວດຄົ້ນ ຈຶ່ງພົບເຫັນຂອງກາງຢາບ້າ ຈໍານວນ 111 ມັດ ເທົ່າກັບ 222.000 ເມັດ ມາທໍາການສືບສວນ-ສອບສວນ.


ຜ່ານການສືບສວນ-ສອບສວນຂອງເຈົ້າໜ້າທີ່ຕຳຫຼວດໃນເບື້ອງຕົ້ນຜູ້ກ່ຽວ ໄດ້ໃຫ້ການຮັບສາລະພາບວ່າ: ຢາບ້າຈໍານວນ 111 ມັດ ເທົ່າກັບ 222.000 ເມັດ ແມ່ນເປັນຂອງຜູ້ກ່ຽວແທ້ ເຊີ່ງໄດ້ມີຄົນບໍ່ຊາບຊື່ໂທລະສັບມາຫາຜູ້ກ່ຽວວ່າ: ຕ້ອງການຊື້ຢາບ້າຈໍານວນຫຼາຍ ຈະຊື້ມັດລະ 1.900.000 – 2.000.000 ກີບ ໃນຕົ້ນເດືອນ 6 ປີ 2020 ຜ່ານມາ ຈາກນັ້ນພວກກ່ຽວຈຶ່ງໄດ້ຕົກລົງກັນຊື້-ຂາຍຢາບ້ານໍາກັນ ຈໍານວນ 111 ມັດ ເທົ່າກັບ 222.000 ເມັດ ເມື່ອຕົກລົງກັນແລ້ວຈຶ່ງໄດ້ໄປຊື້ຢາບ້ານໍາຄົນບໍ່ຊາບຊື່ຢູ່ ບ້ານຫຼັກ 55 ເມືອງໄຊ ແຂວງອຸດົມໄຊ ຈໍານວນ 111 ມັດ ເທົ່າກັບ 222.000 ເມັດ ໃນລາຄາ 177,600.000 ກີບ (ໜຶ່ງຮ້ອຍເຈັດສິບເຈັດລ້ານຫົກແສນກີບ) ຈຸດປະສົງແມ່ນຈະເອົາໄປຂາຍຕໍ່ໃຫ້ຜູ້ຮ່ວມຂະບວນການ ໃນລາຄາ 213,120.000 ກີບ ( ສອງຮ້ອຍສິບສາມລ້ານໜຶ່ງແສນຊາວພັນກີບ)

ຫຼັງຈາກນັ້ນ ທ້າວ ເນັ່ງວ່າ ວ່າ ໄດ້ນັດສົ່ງຢາບ້າໃຫ້ຜູ້ຮ່ວມຂະບວນການຢູ່ຂອບເຂດບ້ານຫຼັກ 52 ເມືອງໂພນໂຮງ ແຂວງວຽງຈັນ ໃນຄະນະທີ່ກໍາລັງເດີນທາງມາແຕ່ແຂວງອຸດົມໄຊ ພໍມາຮອດບ້ານນໍ້າແຈ້ງ ເມືອງໂພນໂຮງ ແຂວງວຽງຈັນ ເຈົ້າໜ້າທີ່ຕໍາຫຼວດວິຊາສະເພາະ ຈຶ່ງໄດ້ລັດກວດລົດທີ່ຕ້ອງສົງໃສ ໃນຄັ້ງວັນທີ 25 ມີຖຸນາ 2020 ໂດຍສະເພາະແມ່ນລົດຟໍຈູນເນີ ຈຶ່ງພົບເຫັນຂອງກາງຢາບ້າ 111 ມັດ ເທົ່າກັບ 222.000 ເມັດ ທີ່ຊຸກເຊື່ອງໄວ້ໃນລົດຄັນດັ່ງກ່າວ ມາດໍາເນີນຄະດີຕາມຂັ້ນຕອນຂອງກົດໝາຍ.


ເຈົ້າໜ້າທີ່ຕໍາຫຼວດຍັງໄດ້ໃຫ້ຮູ້ຕື່ມອິກວ່າທ້າວ ເນັ່ງວ່າ ວ່າ ແມ່ນໄດ້ເຄື່ອນໄຫວຊື້-ຂາຍ ຢາເສບຕິດມາແລ້ວຫຼາຍຄັ້ງຈົນນັບບໍ່ຖ້ວນ ແຕ່ຄັ້ງນີ້ໄປບໍ່ຫຼອດຖືກເຈົ້າໜ້າທີ່ຈັບໄດ້ໄລ່ທັນ ປະຈຸບັນເຈົ້າໜ້າທີ່ພະແນກສະກັດກັ້ນ ແລະ ຕ້ານຢາເສບຕິດ ຫ້ອງຕໍາຫຼວດ ປກສ ແຂວງວຽງຈັນ ກໍາລັງດໍາເນີນການສືບສວນ-ສອບສວນ ຜູ້ກ່ຽວເພື່ອຂະຫຍາຍຜົນຫາກຸ່ມແກ້ງ, ເຄືອຂ່າຍ, ຜູ້ຮ່ວມຂະບວນການ ມາລົງໂທດຕາມລະບຽບກົດໝາຍຂອງບ້ານເມືອງ.

ພາບ-ຂ່າວ: ປກສ ແຂວງວຽງຈັນ,ທອງສີ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed