Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເຜີຍແຜ່ຜົນສຳເລັດກອງປະຊຸມສະໄໝສາມັນ ເທື່ອທີ 9 ສະພາແຫ່ງຊາດຊຸດທີ VIII ແລະ ຜົນສຳເລັດກອງປະຊຸມສະໄໝສາມັນ ເທື່ອທີ 9 ສະພາປະຊາຊົນແຂວງວຽງຈັນຊຸດທີ I 

1 min read

ເຜີຍແຜ່ຜົນສຳເລັດກອງປະຊຸມສະໄໝສາມັນ ເທື່ອທີ 9 ສະພາແຫ່ງຊາດຊຸດທີ VIII ແລະ ຜົນສຳເລັດກອງປະຊຸມສະໄໝສາມັນ ເທື່ອທີ 9 ສະພາປະຊາຊົນແຂວງວຽງຈັນຊຸດທີ I


ວັນທີ 17 ສິງຫາ 2020 ຢູ່ທີ່ສະໂມສອນເມືອງຫີນເຫີບແຂວງວຽງຈັນໄດ້ເຜີຍແຜ່ຜົນສຳເລັດກອງປະຊຸມສະ
ໄໝສາມັນເທື່ອທີ 9 ສະພາແຫ່ງຊາດຊຸດທີ VIII ແລະ ຜົນສຳເລັດກອງປະຊຸມສະໄໝສາມັນເທື່ອທີ 9 ສະພາປະຊາຊົນແຂວງວຽງຈັນຊຸດທີ I

ໂດຍການເປັນປະທານຂອງ ທ່ານ ຄຳຫຼ້າ ບຸນຍາສິງ ຮອງເລຂາພັກເມືອງ ປະທານກວດກາພັກ ຫົວໜ້າຫ້ອງການກວດກາລັດ ທັງເປັນສະມາຊິກສະພາປະຊາຊົນແຂວງວຽງຈັນ ປະຈໍາເມືອງຫີນເຫີບໂດຍການເຂົ້າຮ່ວມຂອງ ທ່ານ ນ. ແຖວເງິນ ຊາມຸນຕີ ສະມາຊິກສະພາແຫ່ງຊາດ ຮອງຫົວໜ້າຄະນະໂຄສະນາ – ອົບຮົມແຂວງວຽງຈັນ, ມີ ທ່ານ ຄໍາສອນ ຄຸດສະຫວັນ ຄະນະປະຈໍາສະພາແຫ່ງຊາດ ເລຂາທິການສະພາປະຊາຊົນ ທັງເປັນສະມາຊິກສະພາປະຊາຊົນແຂວງວຽງຈັນ ປະຈຳເມືອງຫີນເຫີບ, ທ່ານ ນ. ວຽງມະນີ ແກ້ວມະຫາວົງ ຮອງຫົວໜ້າພະແນກສາທາລະນະສຸກແຂວງວຽງຈັນ ທັງເປັນສະມາຊິກສະພາປະຊາຊົນແຂວງວຽງຈັນ ປະຈຳເມືອງຫີນເຫີບ, ມີຄະນະປະຈຳກໍາມະການພັກເມືອງ, ຫົວໜ້າ, ຮອງຫົວໜ້າຫ້ອງການ ແລະ ຄະນະຫ້ອງການເຂົ້າຮ່ວມ.


ທ່ານ ນ. ແຖວເງິນ ຊາມຸນຕີ ສະມາຊິກສະພາແຫ່ງຊາດ ຮອງຫົວໜ້າຄະນະໂຄສະນາ – ອົບຮົມແຂວງວຽງຈັນໄດ້ໃຫ້ກຽດຂຶ້ນເຜີຍແຜ່ເອກະສານຜົນສໍຳເລັດຂອງກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ VIII ກອງປະຊຸມໄດ້ພິຈາລະນາຮັບຮອງເອົາບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ – ສັງຄົມ, ແຜນງົບປະມານແຫ່ງລັດ 5 ເດືອນ, ຄາດຄະເນ 6 ເດືອນຕົ້ນປີ 2020 ແລະ ທິດທາງວຽກງານຈຸດສຸມ 6 ເດືອນທ້າຍປີ 2020 ຮັບຮອງເອົາການສະເໜີດັດແກ້ຄາດໝາຍແຜນພັດທະນາເສດຖະກິດ – ສັງຄົມປີ 2020 ຮັບຮອງເອົາການຈັດຕັ້ງປະຕິບັດແຜນງົບປະມານແຫ່ງລັດ 5 ເດືອນຕົ້ນປີ 2020 ແລະ ການສະເໜີດັດແກ້ແຜນງົບປະມານແຫ່ງລັດປະຈໍາປີ 2020 ຮັບຮອງເອົາການສະເໜີດັດແກ້ແຜນງົບປະມານແຫ່ງລັດປະຈໍາປີ 2020 ຮັບຮອງເອົາກົດໝາຍພາສີສະບັບປັບປຸງ,

ການປັບປຸງບາງມາດຕາຂອງກົດໝາຍ ວ່າດ້ວຍ ສະພາແຫ່ງຊາດ, ກົດໝາຍ ວ່າດ້ວຍ ສະພາປະຊາຊົນຂັ້ນແຂວງ, ກົດໝາຍ ວ່າດ້ວຍ ການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາ ຊົນຂັ້ນແຂວງ, ການປັບປຸງບາງມາດຕາຂອງກົດໝາບ ວ່າດ້ວຍ ນ້ຳ ແລະ ຊັບພະຍາກອນນ້ຳ ແລະ ກົດໝາຍ ວ່າດ້ວຍ ການປົກປັກຮັກສາສິ່ງແວດລ້ອມ, ກອງປະຊຸມພິຈາລະນາການເຄື່ອນໄຫວວຽກງານຂອງຄະນະປະຈໍາສະພາແຫ່ງຊາດໄລຍະ 6 ເດືອນຕົ້ນປີ, ທິດທາງແຜນການ 6 ເດືອນທ້າຍປີ 2020 ແລະ ຮັບຮອງເອົາບົດລາຍງານຜົນການຕິດຕາມກວດກາການຈັດຕັ້ງປະຕິບັດກົດໝາຍໃນການຄຸ້ມຄອງ ແລະ ນໍາໃຊ້ຊັບພະຍາກອນທໍາມະຊາດ ( ການຊອກຄົ້ນ, ສໍາຫຼວດ, ຂຸດຄົ້ນ ແລະ ປັບປຸງແຮ່ທາດ ແລະ ຫີນຜາ, ການຂຸດຄົ້ນແຮ່, ຊາຍ, ດິນດໍາ ແລະ ດິນແດງ )

ຄຽງຄູ່ກັນນັ້ນການພິຈາລະນາ ແລະ ຮັບຮອງບັນຫາສໍຳຄັນດັ່ງກ່າວມາຂ້າງເທິງນັ້ນໃນໄລຍະດຳເນີນກອງປະຊຸມສະໄໝສາມັນເທື່ອທີ VIII ມີປະຊາຊົນໄດ້ສົ່ງຄໍາຄິດເຫັນຜ່ານໂທລະສັບສາຍດ່ວນ ( 156 ) ມີທັງໝົດ 497 ສາຍ, ມີ 72 ບັນຫາ ເຊິ່ງພົວພັນເຖິງການຄຸ້ມຄອງລັດ, ຄຸ້ມຄອງເສດຖະກິດ – ສັງຄົມ ໃນນັ້ນບັນຫາທີ່ພົ້ນເດັ່ນແມ່ນພົວພັນເຖິງຄ່າກະແສໄຟຟ້າ, ບັນຫາທີ່ດິນບັນຫາຜົນກະທົບຂອງການກໍ່ສ້າງເສັ້ນທາງລົດໄຟ ແລະ ທາງດ່ວນຜ່ານ,

ການຄຸ້ມຄອງການແລກປ່ຽນເງິນຕາ ການແກ້ໄຂບັນຫາຢາເສບຕິດ ແລະ ການປະຕິບັດຄໍາຕັດສິນຂອງສານຕໍ່ກັບບັນຫາທີ່ສົ່ງມາທາງໂທລະສັບຂອງສະມາຊິກສະພາແຫ່ງຊາດດັ່ງກ່າວກອງເລຂາກອງປະຊຸມກໍ່ໄດ້ສັງລວມມອບໃຫ້ຄະນະກຳມາທິການສະພາແຫ່ງຊາດໄດ້ປະສານສົມ ທົບພາກສ່ວນກ່ຽວຂ້ອງຂອງລັດຖະບານທີ່ມີການພົວພັນເຖິງຄວາມຮັບຜິດຊອບຂອງແຕ່ລະຂົງເຂດວຽກງານຂອງແຕ່ລະທ່ານ

ໃນການພິຈາລະນາແກ້ໄຂໃຫ້ຖືກຕ້ອງສອດຄ່ອງຕາມລະບຽບກົດໝາຍ ທ່ານ ຄໍາສອນ ຄຸດສະຫວັນ ຄະນະປະຈໍາສະພາແຫ່ງຊາດ ເລຂາທິການສະພາປະຊາຊົນ ທັງເປັນສະມາຊິກສະພາປະຊາຊົນແຂວງວຽງຈັນ ປະຈຳເມືອງຫີນເຫີບກໍ່ໄດ້ໃຫ້ກຽດເຜີຍແຜ່ເອກະສານຜົນສຳເລັດຂອງກອງປະຊຸມສະໄໝສາມັນ ເທື່ອທີ 9 ສະພາປະຊາຊົນແຂວງວຽງຈັນຊຸດທີ I

ກອງປະຊຸມໄດ້ພິຈາລະນາ ແລະ ຮັບຮອງເອົາບົດລາຍງານຂອງອົງການປົກຄອງແຂວງກ່ຽວກັບການຈັດຕັ້ງປະຕິ ບັດແຜນພັດທະນາເສດຖະກິດ – ສັງຄົມ ແລະ ແຜນງົບປະມານແຫ່ງລັດຂອງແຂວງ 6 ເດືອນຕົ້ນປີ ແລະ ທິດທາງແຜນວຽກຈຸດສຸມ 6 ເດືອນທ້າຍປີ 2020, ກອງປະຊຸມໄດ້ຮັບຟັງການລາຍງານຂອງພະແນກກະສິກໍາ ແລະ ປ່າໄມ້ກ່ຽວກັບການຕີລາຄາຜົນກະທົບຈາກໄພພິບັດທໍາມະຊາດ ແລະ ການແຜ່ລະບາດຂອງພະຍາດ

ໂຄວິດ – 19 ຕໍ່ການຜະລິດກະສິກໍາ ແລະ ບັນດາຄາດໝາຍສູ້ຊົນ ແລະ ກອງປະຊຸມໄດ້ຮັບຟັງການລາຍງານ ແລະ ການປະກອບຄໍາເຫັນໃສ່ບົດສະຫຼຸບການເຄື່ອນໄຫວວຽກງານຂອງສະພາປະຊາຊົນແຂວງ ຊຸດທີ I ໃນ 6 ເດືອນຕົ້ນປີ ແລະ ທິດທາງແຜນວຽກຈຸດສຸມ 6 ເດືອນທ້າຍປີ 2020 ຄຽງຄູ່ກັບການພິຈາລະນາ, ຮັບຮອງເອົາບັນຫາສໍາຄັນດັ່ງທີ່ໄດ້ກ່າວມາຂ້າງເທິງນັ້ນໃນໄລຍະດໍາເນີນກອງປະຊຸມສະໄໝາສາມັນ ເທື່ອທີ 9 ຂອງສະພາປະຊາຊົນຊຸດທີ I ມີປະຊາຊົນສົ່ງຄໍາຄິດເຫັນຜ່ານໂທລະສັບສາຍດ່ວນທັງໝົດ 20 ສາຍ, ມີ 10 ເລື່ອງ ເຊິ່ງພົວພັນເຖິງການຄຸ້ມຄອງລັດ, ຄຸ້ມຄອງເສດຖະກິດ – ສັງຄົມ ໃນນີ້ບັນຫາທີ່ພົ້ນເດັ່ນແມ່ນພົວພັນເຖິງການທົດແທນທີ່ດິນຄືນໃຫ້ແກ່ປະຊາຊົນຈາກການຈັດສັນທີ່ດິນເທດສະບານແຂວງ,

ບັນຫານ້ຳໃຊ້ເພື່ອການດໍາລົງຊີວິດ, ນໍາໃຊ້ເພື່ອທໍາການຜະລິດຢູ່ບ້ານສົມສະຫວາດເມືອງວັງວຽງທີ່ໂຄງການລົດໄຟ ແລະ ທາງດ່ວນຜ່ານ, ບັນຫາການສໍາປະທານທີ່ດິນເດີ່ນຕະຫຼາດເກົ່າເມືອງແກ້ວອຸດົມທີ່ບໍ່ມີການກໍ່ສ້າງ ( ເຊັນສັນຍາຈາກລັດແລ້ວແຕ່ການພັດທະນາຕອນດິນດັ່ງກ່າວບໍ່ມີຄວາມຄືບໜ້າ ) ການປ່ອຍນ້ຳເສຍຈາກຟາມລ້ຽງໝູ່ລົງໃສ່ຄອງຊົນລະປະທານເຂດບ້ານຫ້ວຍໂຄ້ງເມືອງແກ້ວອຸດົມທີ່ມີກິ່ນເໝັນພາໃຫ້ປາຕາຍ ແລະ ສັດກໍ່ບໍ່ມີນ້ຳກິນ, ການຖິ້ມຂີ້ເຫຍື້ອຢູ່ຂອບເຂດບ້ານຈັດສັນເມືອງເຟືອງ ແລະ ການຖົມທາງຕັນແລວນ້ຳ ເຮັດໃຫ້ນ້ຳຖ້ວມເນື້ອທີ່ທໍາການຜະລິດຂອງໂຄງການກໍ່ສ້າງທາງດ່ວນເຂດບ້ານຄອນແກ້ວເມືອງຫີນເຫີບ ແລະ ຍັງໄດ້ພິຈາລະນາ ແລະ ຮັບຮອງເອົາການສະເໜີແຕ່ງຕັ້ງເຈົ້າເມືອງ 11 ເມືອງຂອງແຂວງ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930