Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມວິສາມັນຂອງຄະນະບໍລິຫານງານພັກເມືອງວັງວຽງ

1 min read

ກອງປະຊຸມວິສາມັນຂອງຄະນະບໍລິຫານງານພັກເມືອງວັງວຽງ

ວັນທີ20 ສິງຫາ 2020 ນີ້, ຢູ່ທີ່ສະໂມສອນ ຂອງຫ້ອງວ່າການເມືອງວັງວຽງ ແຂວງວຽງຈັນ, ໄດ້ຈັດກອງປະຊຸມວິສາມັນຂອງຄະນະບໍລິຫານງານພັກເມືອງວັງວຽງ.

ໂດຍພາຍໃຕ້ການເປັນປະທານ ຂອງທ່ານ ບຸນຈັນ ມາລາວົງ ເລຂາພັກເມືອງ ເຈົ້າເມືອງໆວັງວຽງ, ມີບັນດາທ່ານຮອງເລຂາພັກເມືອງ, ຄະນະປະຈຳພັກເມືອງ, ກຳມະການພັກເມືອງ ຈຳນວນ 23 ສະຫາຍເຂົ້າຮ່ວມ.


ເພື່ອເປັນການທົບທວນຄືນແຜນດໍາເນີນງານຂອງຄະນະບໍລິຫານງານພັກເມືອງ ສະໄໝທີ VII ເພື່ອສ້າງຄວາມເປັນເອກະພາບໃນການຈັດຕັ້ງປະຕິບັດ, ເພື່ອເຮັດໃຫ້ອົງຄະນະພັກເມືອງມີສະຕິ, ຄວາມຮັບຜິດຊອບຕໍ່ການຊີ້ນຳ-ນຳພາ ລະຫວ່າງຂັ້ນເທິງ, ຂັ້ນລຸ່ມ.ຕີລາຄາຄືນ ການຊີ້ນໍາ-ນຳພາໃນການຈັດຕັ້ງຜັນຂະຫຍາຍມະຕິຂອງກອງປະຊຸມໃຫຍ່ອົງຄະນະພັກເມືອງ ຄັ້ງທີ VII ໂດຍສະເພາະ ໃຫ້ເມືອງວັງວຽງມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍ

ຄວາມອຸດົມສົມບູນ ຂອງຊັບພະຍາກອນທໍາ ມະຊາດ ເພື່ອພັດທະນາເສດຖະກິດ ໃຫ້ເຕີບໂຕຢ່າງມີຄຸນນະພາບ, ສົມດູນ ແລະ ຢືນຍົງ. ພັດທະນາຊັບພະຍາກອນມະນຸດ ໃຫ້ມີຄຸນນະພາບດີຂື້ນ, ທັງມີຄວາມສາມາດຄົ້ນຄ້ວາ ແລະ ນໍາໃຊ້ ວິທະຍາສາດ, ເຕັກໂນໂລຊີ ແລະ ພູມປັນຍາ ເພື່ອສົ່ງເສີມການຜະລິດ ແລະ ການບໍລິການໃຫ້ ຫລາກຫລາຍ ແລະ ມີຄຸນຄ່າເພີ່ມສູງຂື້ນ.

ພັດທະນາ ແລະ ປັບປຸງຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນບັນດາເຜົ່າ ໃຫ້ໄດ້ຮັບການຍົກລະດັບ ດີຂຶ້ນເທື່ອລະກ້າວ. ການພັດທະນາໂຄງການ, ກິດຈະການຕ່າງໆ ຕ້ອງບົນພື້ນຖານການພັດທະນາຕາມທິດສີຂຽວ ແລະ ເປັນມິດກັບສິ່ງແວດລ້ອມ.( ສ້າງເມືອງວັງວຽງ ເປັນເມືອງສີຂຽວ ແລະ ເມືອງສະອາດ ອາຊຽນ ).

ພັດທະນາການຮ່ວມມື, ເຊື່ອມໂຢງ ແລະ ເຊື່ອມຈອດພາຍໃນປະເທດ, ພາກພື້ນ ແລະ ສາກົນ ໃຫ້ມີຄວາມເຂັ້ມແຂງ ແລະ ທັນສະໄຫມ. ( ທາງລົດໄຟ, ທາງດ່ວນ, ທາງຜ່ານ…) ພັດທະນາການຄຸ້ມຄອງ-ບໍລິຫານລັດ ໃຫ້ມີປະສິດທິພາບ ແລະ ສັງຄົມໄດ້ຮັບການປົກປ້ອງ ຕາມທິດ ຄຸ້ມຄອງລັດ-ສັງຄົມ ດ້ວຍລະບຽບກົດຫມາຍ, ມີຄວາມສັກສິດ ແລະ ຍຸຕິທໍາ.

ຂ່າວ: ເມືອງວັງວຽງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031