Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກຸ່ມບ້ານໂນນໄຮໄດ້ຮັບການເຊື່ອມຊຶມມະຕິກອງປະຊຸມຄົບຄະນະ ຄັ້ງທີ10ຂອງຄະນະບໍລິຫານງານສູນກາງພັກ ສະໄໝທີX

1 min read

ກຸ່ມບ້ານໂນນໄຮໄດ້ຮັບການເຊື່ອມຊຶມມະຕິກອງປະຊຸມຄົບຄະນະ ຄັ້ງທີ10ຂອງຄະນະບໍລິຫານງານສູນກາງພັກ ສະໄໝທີX


ໃນຕອນເຊົ້າຂອງວັນທີ 20 ສິງຫາ 2020 ນີ້ ຫ້ອງການກຸ່ມບ້ານ-ບ້ານໂນນໄຮໄດ້ຈັກພິທີ ເຊື່ອມຊຶມມະຕິກອງປະຊຸມຄົບຄະນະ ຄັ້ງ10 ຂອງຄະນະບໍລິຫານງານສູນກາງພັກ ສະໄໝທີ X ແລະ ເອກະສານຕ່າງໆຂື້ນຢູ່ທີ່ຫ້ອງປະຊຸມຈຸດສຸ່ມບ້ານໂນນໄຮ ເມືອງໝື່ນ ແຂວງວຽງຈັນ

ໃຫ້ກຽດເປັນປະທານໂດຍ ສະຫາຍ ໄທທ່າວ ເຈິຈີງ ກຳ ມະການພັກເມືອງ ຫ້ອງໜ້າກຸ່ມບ້ານ-ບ້ານໂນນໄຮ, ມີເລຂາໜ່ວຍພັກ, ຮອງເລຂາ,ຄະນະພັກຮາກຖານ, ໜ່ວຍພັກໂຮງຮຽນ 4 ໜ່ວຍ ແລະ ໜ່ວຍພັກບ້ານ 6 ໜ່ວຍພ້ອມທັງຄູອາຈານ,ສະຫະພັນແມ່ຍິງບ້ານ 6 ບ້ານ ເຂົ້າຮ່ວມທັງໝົດ 62 ສະຫາຍ,ຍິງ 24 ສະຫາຍ.


ໃນພິທີ ສະຫາຍ ໄທທ່າວ ເຈິຈີງ ກຳມະການພັກເມືອງ ຫ້ອງໜ້າກຸ່ມບ້ານ-ບ້ານໂນນໄຮ ໃດ້ໃຫ້ກຽດຂື້ນຜ່ານເອກະສານຕ່າງໆທີ່ສຳຄັນຄື: ການຜັນຂະຫຍາຍມະຕິກອງປະຊຸມຄົບຄະນະບໍລິຫານສູນກາງພັກຄັ້ງທີ່ 7,8,9 ສະ ໄໝ X ຕິດພັນກັບຄວາມຄືບໜ້າການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນຫງົບປະມານ,ເງິນຕາປະຈໍາໂຕມາດ 1 ປີ 2020 ແລະ ທິດທາງໃນຕໍ່ໜ້າ, ຮ່າງລາຍງານການເມືອງ ຕໍ່ກອງປະຊຸມໃຫ່ຍຄັ້ງທີ XI ຂອງພັກ, ຮ່າງແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີIX (2021-2025) ,  ການປັບປຸງກົດລະ ບຽບຂອງພັກສະໄໝທີ X ແລະ ທິດປັບປຸງກົງຈັກລັດຖະບານ.

ພ້ອມກັນນັ້ນກໍ່ໃດ້ແນະນໍາໃຫ້ທາງເລຂາພັກບ້ານລົງເຜີຍແຜ່ເຊື່ອມຊຶມເອກະສານທີສໍາຄັນຕ່າງນີ້ໃຫ້ແກ່ພໍ່ແມ່ປະຊາຊົນໃດ້ຮັບຮູ້ ແລະ ເຂົ້າໃຈຢ່າງ ກ້ວາງຂວາງ, ເລິກເຊິງ ໂດຍຫັນເປັນແຜນລະອຽດ ເຂົ້າສູ່ການຈັດຕັ້ງປະຕິບັດຕົວຈີ່ງໃນຂົງເຂດວຽກງານທີ່ຕົນຮັບຜິດຊອບ, ແລ້ວກໍຍັງຮຽກຮ້ອງມາຍັງເລຂາບ້ານ, ສະຫະພັນແມ່ຍິງບ້ານ, ຄູອາຈານ ທຸກສະຫາຍ ຈົ່ງພ້ອມກັນ ເພີ່ມທະວີຮັກສາມູນເຊື້ອ ສາມັກຄີ ເປັນຈິດໜື່ງໃຈດຽວ,

ເສີ່ມຂະຫຍາຍນໍ້ຳໃຈຮັກຊາດ, ຮັກລະບອບໃໝ່, ສຸ່ມສະຕິປັນຍາເຂົ້າໃນການປະກອບສ່ວນປົກປັກຮັກສາ ແລະ ສ້າງສາປະເທດຊາດກໍຄືຊຸກຍູ້ຂະບວນການຈັດຕັ້ງພັກປະຕິບັດມະຕິກອງປະຊຸມໃຫ່ຍຄັ້ງທີ່X ຂອງພັກ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ່VIII ໃຫ້ບັນລຸຕາມຄາດໝາຍໄວ້. ທ້າຍກອງປະຊຸມກໍ່ໃດ້ປຶກສາຫາລື ປະກອບຄຳຄິດ ຄຳເຫັນຢ່າງເລິກເຊີ່ງ ແລະ ກ້ວາງຂວາງບັນຫາໃດ ທີ່ ທີ່ບໍ່ທັນຈະແຈ້ງ, ບໍ່ຄວນປ່ອຍໃຫ້ແກຍາວ,ບັນຫາຄາຢູ່ໃສ່ ຢູ່ເຂດໃດ ກໍ່ຕ້ອງເດັດດ່ຽວແກ້ໄຂໃຫ້ທັນການພ້ອມທັງໃຫ້ຮັບປະກັບຄຸນນະພາບ.

ຂ່າວ: ເມືອງໝື່ນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031