Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ແຂວງວຽງຈັນ ທາບທາມເນື້ອໃນຮ່າງບົດລາຍງານການເມືອງ ແລະ ຮ່າງແຜນພັດທະນາ

1 min read

ແຂວງວຽງຈັນ ທາບທາມເນື້ອໃນຮ່າງບົດລາຍງານການເມືອງ ແລະ ຮ່າງແຜນພັດທະນາເສດຖະກິດ-ສັງຄົມ ເພຶ່ອສະເໜີຕໍ່ກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VI.


ກອງປະຊຸມທາບທາມເນື້ອໃນຮ່າງບົດລາຍງານການເມືອງຂອງຄະນະບໍລິຫານງານພັກແຂວງ ແລະ ຮ່າງບົດລາຍງານຫຍໍ້ແຜນພັດທະນາເສດຖະກິດ-ສັງຄົມ 5 ປີ (2021-2025) ຄັ້ງທີ VI ຂອງແຂວງວຽງຈັນ ໄດ້ຈັດຂຶ້ນໃນລະຫວ່າງວັນທີ 20-21 ສິງຫາ 2020 ນີ້ ຢູ່ທີ່ສູນວັດທະນະທຳຂອງແຂວງ, ມີບັນດາຄະນະພັກ, ຫົວໜ້າ, ຮອງຫົວໜ້າຂະແໜງ ຈາກ 7 ພາກສ່ວນຂອງແຂວງເຂົ້າຮ່ວມທາບທາມ ຄື: ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ພະແນກສຶກສາທິການ ແລະ ກິລາ, ພະແນກສາທາລະນະສຸກ, ພະແນກແຮງງານ ແລະ ສະວັດດີການສັງຄົມ, ໂຮງໝໍແຂວງ, ວິທະຍາໄລເຕັກນິກ ແລະ ໂຮງຮຽນ ມສ ໂພນໝີ.


ໃນກອງປະຊຸມທາບທາມຄັ້ງນີ້ ອານຸກຳມະການເນື້ອໃນກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VI ໄດ້ຜັດປ່ຽນກັນຂຶ້ນຜ່ານ ຮ່າງບົດລາຍງານການເມືອງຂອງຄະນະບໍລິຫານງານພັກແຂວງ ແລະ ຮ່າງບົດລາຍງານຫຍໍ້ແຜນພັດທະນາເສດຖະກິດ-ສັງຄົມ 5 ປີ (2021-2025) ຄັ້ງທີ VI ຂອງແຂວງວຽງຈັນ

ເຊິ່ງຮ່າງລາຍງານດັ່ງກ່າວນີ້ ແມ່ນໄດ້ຜ່ານການເກັບກຳຂໍ້ມູນ, ວິເຄາະ, ວິໄຈ, ສັງລວມ ແລະ ຜ່ານການຄົ້ນຄວ້າປຶກສາຫາລືເອກະພາບໃນອານຸກຳມະການເນື້ອໃນກອງປະຊຸມໃຫຍ່ຂອງແຂວງ ແລະ ໄດ້ນຳສະເໜີຜ່ານກອງປະຊຸມຄົບຄະນະບໍລິຫານງານພັກແຂວງ ຄັ້ງທີ 10 ແລະ ຄັ້ງທີ 11 ສະໄໝທີ V ຂອງອົງຄະນະພັກແຂວງ, ສະເໜີຜ່ານກອງປະຊຸມສຳມະນາວິທະຍາສາດຂັ້ນແຂວງ ແລະ ກອງປະຊຸມທົດລອງການທາບທາມຢູ່ທີ່ເມືອງວຽງຄຳ.

ໃນກອງປະຊຸມທາບທາມຄັ້ງນີ້ ຜູ້ເຂົ້າຮ່ວມໄດ້ພ້ອມກັນມີຄຳຄິດ, ຄຳເຫັນ ເພຶ່ອຈະນຳເອົາເນື້ອໃນການປະກອບຄຳເຫັນ ແລະ ຈິດໃຈຜົນໄດ້ຮັບຂອງກອງປະຊຸມໃນຄັ້ງນີ້ ປະກອບເຂົ້າໃສ່ຮ່າງບົດລາຍງານການເມືອງ ແລະ ຮ່າງແຜນພັດທະນາເສດຖະກິດ-ສັງຄົມ ແລະ ທິດທາງແຜນການ 5 ປີຕໍ່ໜ້າ

ໃຫ້ອຸດົມສົມບູນ ທີ່ຈະລາຍງານຕໍ່ກອງປະຊຸມໃຫຍ່ຜູ້ແທນອົງຄະນະພັກແຂວງ ຄັ້ງທີ VI ທີ່ຈະໄຂຂຶ້ນໃນຕໍ່ໜ້ານີ້.

ຂ່າວ : ບຸນມາ ແກ້ວບຸດດາ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed