Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ພິທີມອບ-ຮັບໜ້າທີ່ລະຫວ່າງເຈົ້າເມືອງ ເມືອງໝື່ນຜູ້ເກົ່າ ແລະ ຜູ້ໄໝ່.

1 min read

ພິທີມອບ-ຮັບໜ້າທີ່ລະຫວ່າງເຈົ້າເມືອງ ເມືອງໝື່ນຜູ້ເກົ່າ ແລະ ຜູ້ໄໝ່.


ວັນທີ 20 ສິງຫາ 2020 ນີ້,ຢູ່ທີ່ສະໂມສອນໃຫຍ່ຫ້ອງວ່າການປົກຄອງເມືອງໝື່ນ ເເຂວງວຽງຈັນ ໄດ້ຈັດພິທີມອບ-ຮັບ ໜ້າທີ່ລະຫວ່າງເຈົ້າເມືອງ ເມືອງໝື່ນຜູ້ເກົ່າ ແລະ ຜູ້ໄໝ່ ຂຶ້ນ ຢ່າງເປັນທາງການ

ໂດຍການເປັນປະທານຂອງທ່ານ ຄຳພັນ ສິດທິດຳພາ ກຳມະການສູນກາງພັກ,ເລຂາພັກເເຂວງ ເຈົ້າແຂວງໆ ວຽງຈັນ,ມີທ່ານ ພົນຈັດຕະວາ ປອ ທອງເຄນ ບຸນໝັ້ນ ຄະນະປະຈຳພັກເເຂວງ ຫົວໜ້າກອງບັນຊາການ ປກສ ເເຂວງວຽງຈັນ,ມີຄະນະຮັບຜິດຊອບຂັ້ນແຂວງ,ມີຄະນະບໍລິຫານງານພັກເມືອງໝື່ນ, ຫົວໜ້າ-ຮອງຫົວໜ້າຫ້ອງການ,ຕາງໜ້າດ່ານທ້ອງຖິ່ນບ້ານວັງ,ກອງປະຕິບັດງານ 208,ກອງຮ້ອຍຊາຍແດນ 232,ກອງພັນທະຫານຮາບ 103,ເລຂາພັກບ້ານ-ນາຍບ້ານ,ພະນັກງານອາວຸໂສບຳນານ,ວິລະຊົນແຫ່ງຊາດ,ພ້ອມດ້ວຍຜູ້ຊົງຄຸນວຸດທິກໍ່ໃຫ້ກຽດເຂົ້າຮ່ວມ.


ທ່ານ ຄຳປອງ ຄຳສີດາ ຮັກສາການຫົວໜ້າຄະນະຈັດຕັ້ງແຂວງວຽງຈັນ ໄດ້ຂຶ້ນຜ່ານມະຕິຕົກລົງ ສະບັບເລກທີ 300/ຄປພ,ວຈ,ລົງວັນທີ 18 ສິງຫາ 2020 ວ່າດ້ວຍ:ການຍົກຍ້າຍພະນັກງານ ໂດຍເຫັນດີຍົກຍ້າຍ ສະຫາຍ ພູວອນ ບຸນວິໄລ ກຳມະການພັກເເຂວງ,ເລຂາຄະນະບໍລິຫານງານພັກເມືອງໝື່ນ ໄປປະຈຳການຢູ່ແຂວງ,ຜ່ານມະຕິຕົກລົງ ສະບັບເລກທີ 315/ຄປພ,ວຈ,ລົງວັນທີ 18 ສິງຫາ 2020 ວ່າດ້ວຍ: ການບົ່ງຕົວແຕ່ງຕັ້ງ ເລຂາຄະນະບໍລິຫານງານພັກເມືອງໝື່ນ ,ຕົກລົງເຫັນດີບົ່ງຕົວແຕ່ງຕັ້ງ ສະຫາຍ ພອນເທີດ ສຸຫວັດດີ ຮອງເລຂາພັກເມືອງ,ປະທານກວດກາພັກ,ເປັນເລຂາຄະນະບໍລິຫານງານພັກເມືອງໝື່ນ,ຜ່ານຂໍ້ຕົກລົງ ສະບັບເລກທີ 835/ຈຂ,ວຈ ,ລົງວັນທີ 11 ສິງຫາ 2020 ,ວ່າດ້ວຍ:ການແຕ່ງຕັ້ງຜູ້ວ່າການເຈົ້າເມືອງ-ເມືອງໝື່ນ,ໂດຍຕົກລົງແຕ່ງຕັ້ງ ທ່ານ ພອນເທີດ ສຸຫວັດດີ ຮອງເລຂາຄະນະບໍລິຫານງານພັກເມືອງ ປະທານກວດກາພັກເມືອງໝື່ນ ເປັນຜູ້ວ່າການເຈົ້າເມືອງໆໝື່ນ ແຂວງວຽງຈັນຜູ້ໃໝ່.

ໃນພິທີໄດ້ມີການຜ່ານເອກະສານກ່າວລາໜ້າຂອງເຈົ້າເມືອງໆໝື່ນຜູ້ເກົ່າ ພ້ອມທັງເຊັ່ນບົດທຶກມອບ-ຮັບໜ້າທີ່ຢ່າງເປັນທາງການໂດຍຊ່ອງໜ້າຄະນະປະທານ ແລະ ເເຂກທີ່ເຂົ້າຮ່ວມພິທີ ເປັນສັກຂີພິຍານ.


ທ້າຍພິທີ ທ່ານ ຄຳພັນ ສິດທິດຳພາ ກຳມະການສູນກາງພັກ ເລຂາພັກເເຂວງ,ເຈົ້າແຂວງໆວຽງຈັນ ກໍ່ໄດ້ມີຄຳເຫັນໂອ້ລົມ ເຊິ່ງກ່ອນອື່ນທ່ານ ກໍ່ໄດ້ກ່າວສະເເດງ ຄວາມຍ້ອງຍໍ່ຊົມເຊີຍ ມາຍັງຄະນະບໍລິຫານງານພັກເມືອງໝື່ນ ກໍ່ຄືເຈົ້າເມືອງໆໝື່ນ ຜູ້ເກົ່າທີ່ຕະຫຼອດໄລຍະຜ່ານມາ ໄດ້ເອົາໃຈໃສ່ຊີ້ນຳ – ນໍາພາ ເມືອງໝື່ນ ໃນທຸກຂົງເຂດວຽກງານ ຈົນເຮັດໃຫ້ເມືອງໝື່ນ ແຂວງວຽງຈັນ ມີການພັດທະນາເປັນກ້າວໆມາ

ພ້ອມດຽວກັນນີ້ທ່ານ ກໍ່ໄດ້ເໜັ້ນໜັກໃຫ້ເຈົ້າເມືອງໆໝື່ນ ຜູ້ໃໝ່ ຈົ່ງສືບຕໍ່ເຮັດໜ້າທີ່ການເມືອງຂອງຕົນ ທີ່ພັກ – ລັດຖະບານມອບໝາຍໃຫ້ ມີຜົນສໍາເລັດດີຂຶ້ນກວ່າເກົ່າ ໂອກາດນີ້ ທ່ານຍັງຮຽກຮ້ອງມາຍັງ ທົ່ວອົງຄະນະພັກເມືອງໝື່ນ ຈົ່ງຍົກສູງຄວາມສາມັກຄີ ເອົາໃຈປຸກລະດົມພໍ່ແມ່ປະຊາຊົນບັນດາເຜົ່າພາຍໃນເມືອງ ໃຫ້ມີນ້ຳໃຈຮັກຊາດ ຮັກລະບອບປະຊາທິປະໄຕ ປະຊາຊົນ ປະກອບສ່ວນຢ່າງຕັ້ງໜ້າເຂົ້າໃນການປະຕິບັດໜ້າທີ່ ຍຸດທະສາດຂອງພັກ ກໍ່ຄືປົກປັກຮັກສາ ແລະ ສ້າງສາພັດທະນາປະເທດຊາດ ກໍ່ຄືເມືອງໝື່ນ ໃຫ້ຈະເລີນຂຶ້ນໄປຢ່າງຢຸດຢັ້ງ.

ຂ່າວ: ແຫວນຄຳ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031