Thu. Oct 22nd, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ສຳເລັດກອງປະຊຸມໃຫຍ່ສະມາຊິກພັກ ຫນ່ວຍພັກພະແນກ ການຕ່າງປະເທດ ແຂວງວຽງຈັນ

1 min read

ສຳເລັດກອງປະຊຸມໃຫຍ່ສະມາຊິກພັກ ຫນ່ວຍພັກພະແນກ ການຕ່າງປະເທດ ແຂວງວຽງຈັນ. 


ກອງປະຊຸມໄດ້ຈັດຂຶ້ນຢ່າງເປັນທາງການ ຢູ່ທີ່ຫ້ອງປະຊຸມເບີ2ຫ້ອງວ່າການແຂວງວຽງຈັນ ໂດຍການເປັນປະທານ ຂອງສະຫາຍ ສັນຕິພາບ ນິລະເກດ ເລຂາຫນ່ວຍພັກ ວ່າການຫົວຫນ້າພະແນກການຕ່າງປະເທດ ແຂວງວຽງຈັນ  

ເປັນກຽດເຂົ້າຮ່ວມຂອງສະຫາຍ ບຸນສອນ ເພັດລາວັນ ຄະນະປະຈຳພັກແຂວງ ຮອງເຈົ້າແຂວງໆວຽງຈັນ,ມີບັນດາຄະນະຊີ້ນກອງປະຊຸມໃຫຍ່ສາມຂັ້ນຂອງແຂວງ,ສະຫາຍສະມາຊິກພັກສົມບູນພາຍໃນຫນ່ວຍພັກພະແນກການຕ່າງປະເທດແຂວງວຽງຈັນເຂົ້າຮ່ວມ. 


ສະຫາຍ ສັນຕິພາບ ນິລະເກດ ເລຂາຫນ່ວຍພັກ ວ່າການຫົວຫນ້າພະແນກການຕ່າງປະເທດ ແຂວງວຽງຈັນ
ໄດ້ຜ່ານຮ່າງລາຍງານການເມືອງທັງສອງພາກ ແລະ ຮ່າງບົດສຳຫລວດການນຳພາລວມຕະຫລອດໄລຍະ 5 ປີຜ່ານມາ ຄະນະໜ່ວຍພັກໄດ້ນຳພາຈັດຕັ້ງ-ຄົ້ນຄ້ວາເຊື່ອມຊຶມ ແລະ ຜັນຂະຫຍາຍມະຕິກອງປະຊຸມໃຫຍ່ຕ່າງໆ  

ຂອງພັກດ້ວຍວິທີການນໍາເອົາມະຕິ, ຄໍາສັ່ງ, ແຈ້ງການ, ຂໍ້ກຳນົດ, ເອກະສານຕ່າງໆຂອງຄະນະພັກຂັ້ນເທິງແຕ່ລະໄລຍະນັ້ນມາຈັດຕັ້ງເຜີຍແຜ່ ໃຫ້ພະນັກງານ, ສະມາຊິກພັກໄດ້ຮັບຮູ້,ເຊື່ອມຊຶມທົ່ວເຖິງກັນເປັນປົກກະຕິ, 

ໂດຍສະເພາະແມ່ນ: ມະຕິ 10 ຂອງສູນກາງພັກ, ເອກະສານ ອື່ນໆ ທີ່ກະຊວງການຕ່າງປະເທດສົ່ງໃຫ້ມາຈັດຕັ້ງເຜີຍແຜ່ ໃຫ້ພະນັກງານສະມາຊິກພັກຮັບຮູ້, ເຊື່ອມຊຶມພ້ອມກັນຈັດຕັ້ງໃຫ້ໄດ້ຮັບຜົນດີເພື່ອແນໃສ່ເຮັດໃຫ້ສະມາຊິກພັກທຸກສະຫາຍພາຍໃນຫນ່ວຍພັກມີຄວາມອຸນອຽນທຸ່ນທ່ຽງເຊື່ອຫມັ້ນຕໍ່ການນຳພາຂອງພັກ. 


ການນຳພາດ້ານວຽກງານວິຊາສະເພາະ ໄດ້ຊີ້ນໍາວຽກງານຢ່າງຕັ້ງຫນ້າ, ໂດຍສະເພາະເເມ່ນຂະແໜງຮ່ວມມືສາກົນໃຫ້ເປັນເຈົ້າການສ້າງແຜນຮ່ວມມືກັບສາກົນ ແລະ ພາກພື້ນ, ໂດຍຍຶດໝັ້ນຕາມແນວທາງການຕ່າງປະເທດອັນສະເໝີຕົ້ນສະເໝີປາຍຂອງພັກ, ໂດຍສະເພາະ ກັບບັນດາປະເທດເພື່ອນມິດຍຸດທະສາດ,  

ໃນນັ້ນ,ແມ່ນການສ້າງແຜນຍຸດທະສາດການຮ່ວມມືກັບບັນດາແຂວງຂອງ ສສ ຫວຽດນາມໃຫ້ມີການພົວພັນ
ຮ່ວມມືກັນຢ່າງຮອບດ້ານ ແລະ ທຸກຂົງເຂດວຽກງານທັງພາກລັດ-ເອກະຊົນບົນພື້ນຖານຕ່າງຝ່າຍຕ່າງໄດ້
ຮັບຜົນປະ ໂຫຍດ, ການພົວພັນຮ່ວມມືກັບແຂວງຢຸນນານ ສປ ຈີນ, ແຂວງເລີຍ ຣາຊະອານາຈັກໄທ ຕາມທິດ 4 ດີ ຄື: ບ້ານໃກ້ເຮືອນຄຽງທີ່ດີ,  

ເພື່ອມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ.ພ້ອມນີ້ບັນດາຜູ້ແທນສົມບູນຍັງໄດ້ຂຶ້ນປະກອບຄຳຄິດເຫັນ ແລະຮັບຮອງເອົາບົດລາຍງານການເມືອງທັງສອງພາກ ແລະ ບົດສຳຫລວດການນຳພາລວມ ແລະ ກອງປະຊຸມໃນຄັ້ງນີ້ຍັງ  

 ສະຫາຍ ຄຳປອງ ຄຳສີດາ ເລຂາຫນ່ວຍພັກ,ຮັກສາການຫົວຫນ້າຄະນະຈັດຕັ້ງແຂວງວຽງຈັນໄດ້ຂຶ້ນຜ່ານມະຕິຕົກລົງຂອງຄະນະປະຈຳພັກແຂວງວ່າດ້ວຍການບົ່ງໂຕແຕ່ງຕັ້ງເລຂາ,ຮອງເລຂາ ແລະ ຄະນະພັກ,  

ເລືອກເອົາ ສະຫາຍ ສັນຕິພາບ ນິລະເກດ ເປັນ ເລຂາຫນ່ວຍພັກ ,ສະຫາຍ ນ ສີພອນສຸກ ຈັນທະວົງ ເປັນຮອງເລຂາ ແລະ ເລືອກເອົາ ສະຫາຍ ໄຊສະຫວັນ ພົມວຽງໄຊ ເປັນຄະນະ, 

   ພ້ອນນີ້ກໍ່ໄດ້ຜ່ານຂໍ້ຕົກລົງຂອງ ທ່ານເຈົ້າແຂວງໆວຽງຈັນ ວ່າດ້ວຍ ການແຕ່ງຕັ້ງຫົວຫນ້າ,ຮອງຫົວຫນ້າພະແນກການຕ່າງປະເທດ ໄດ້ເລືອກເອົາ ທ່ານ ສັນຕິພາບ ນິລະເກດ ເປັນຜູ້ ວ່າການຫົວຫນ້າພະແນກການຕ່າງປະເທດ ແຂວງວຽງຈັນ,ທ່ານ ນ ສີພອນສຸກ ຂັນທະວົງ ເປັນຮອງຫົວຫນ້າພະແນກ,ເລືອກເອົາທ່ານ ໄຊສະຫວັນ ພົມວຽງໄຊ ເປັນຄະນະ.  

 

ຂ່າວ: ແສງຈັນ-ຄຳຂຽນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031