Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ກອງປະຊຸມຜູ່ບໍລິຫານການສຶກສາ ແລະ ຄູທົ່ວເມືອງກາສີ ປະຈຳສົກປີ 2019-2020

1 min read

ກອງປະຊຸມຜູ່ບໍລິຫານການສຶກສາ ແລະ ຄູທົ່ວເມືອງກາສີ ປະຈຳສົກປີ 2019-2020

ກອງປະຊຸມດັ່ງກ່າວໄດ້ເປີດຂື້ນໃນລະຫວ່າງວັນທີ 24 ຫາ 25 ສິງຫາ 2020ນີ້, ຢູ່ທີ່ສະໂມ ສອນຂອງໂຮງຮຽນ ມສ ກາສີ. ໂດຍພາຍໃຕ້ການເປັນປະທານຂອງ ທ່ານ ລາຢູ ແສນໃຈວຸດ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງກາສີ, ກອງປະຊຸມ ໄດ້ເປັນ

ກຽດຕ້ອນຮັບການເຂົ້າຮ່ວມຂອງ ທ່ານ ຄຳອ້ວນ ສຸວັນທອງ ກຳມະການພັກເມືອງ ຮອງເຈົ້າເມືອງໆກາສີ, ມີບັນດາຄະນະພັດທະນາການສຶກສາຂັ້ນເມືອງ ພ້ອມດ້ວຍຜູ່ອຳນວຍການ-ຫົວໜ້າໂຮງຮຽນໃນທົ່ວເມືອງເຂົ້າຮ່ວມຢ່າງພ້ອມພຽງ.


ໃນໂອກາດນີ້ ທ່ານ ລາຢູ ແສນໃຈວຸດ ກໍໄດ້ໃຫ້ກຽດຂຶ້ນກ່າວເປີດກອງປະຊຸມ ເຊີ່ງທ່ານໄດ້ກ່າວ ບາງຕອນສຳຄັນວ່າ: ວຽກງານການສຶກສາ ແລະ ກິລາ ກໍເປັນວຽກງານໜຶ່ງທີ່ສຳຄັນ ໃນການພັດທະ ນາຊັບພະຍາກອນວະນຸດ ເຮັດໃຫ້ຄົນເຮົາມີຄວາມຮູ້, ມີຄວາມສາມາດ ແລະ ມີຄຸສົມບັດສິນທຳ ປະຕິວັດ ເພື່ອແນ່ໃສ່ປະກອບສ່ວນເຂົ້າໃນບັນດາໜ້າວຽກຕ່າງໆ ຂອງຊາດ ທັງໜູນໃຊ້ເຂົ້າໃນການ ສ້າງສາພັດທະນາເສດຖະກິດຄອບຄົວ ແກ້ໄຂຊີວິດການເປັນຢູ່ ຂອງປະຊາຊົນບັນດາເຜົ່າ ໃຫ້ຫຼຸດພົ້ນ ອອກຈາກຄວາມທຸກຈົນເທື່ອລະກ້າວ,

ທ່ານຍັງກ່າວອີກວ່າ: ກອງປະຊຸມໃນຄັ້ງນີ້ ຈະໄດ້ພ້ອມກັນຕີລາ ຄາຄືນ ກ່ຽວກັບການຈັດຕັ້ງປະຕິບັດແຜນພັດທະນາການສຶກສາ ປະຈຳສົກປີຮຽນ 2019-2020 ແລະ ພ້ອມກັນວາງແຜນພັດທະນາການສຶກສາ ປະຈຳສົກປີຮຽນ 2020-2021 ແລະ ສົມທຽບ 08 ແຜນ ງານ ຂອງກະຊວງສຶກສາທິການ ແລະກິລາວາງອອກຮອດປີ 2020 ຊຶ່ງມັນເປັນປີສຸດທ້າຍໃນການ ປະຕິບັດແຜນໃນໄລຍະ 05 ປີ ວ່າພວກເຮົາເຮັດອັນໃດໄດ້ແດ່ ໂດຍສະເພາະແມ່ນ ການຈັດຕັ້ງປະ ຕິບັດ 15 ຄາດໝາຍຂອງຂະແໜງການສຶກສາ ທີ່ສະພາແຫ່ງຊາດໄດ້ຮັບຮອງເອົານັ້ນ ເຊີ່ງເມືອງກາສີ ເຮົາບັນລຸໄດ້ແຕ່ 07 ຄາດໝາຍ,

ພວກເຮົາຈະໄດ້ຕີລາຄາຄືນກ່ຽວກັບ ຄຸນນະພາບການສຶກສາ ຢູ່ພາຍໃນເມືອງ ຍັງບໍ່ທັນມີຄຸນນະພາບດີເທົ່າທີ່ຄວນ ຊື່ງມັນສະແດງອອກໃຫ້ເຫັນຄວາມຮູ້ ຂອງນັກຮຽນບໍ່ສົມຊັ້ນຮຽນ ນັກຮຽນທີ່ຮຽນຈົບປະຖົມຈຳນວນໜຶ່ງ ອ່ານພາສາລາວບໍ່ໄດ້ ຂຽນໜັງ ສືບໍ່ແຕກ ຄິດໄລ່ເລກ 04 ປະການບໍ່ເປັນ ສາເຫດມັນເປັນຍ້ອນຫຍັງ ເຊີ່ງຜູ້ແທນທີ່ເຂົ້າຮ່ວມ ກອງປະຊຸມໃນຄັ້ງນີ້ ຈະໄດ້ພ້ອມກັນປະກອບຄຳຄິດ ຄຳເຫັນ ຊອກຫາວິທີທາງອອກຮ່ວມກັນ ເພື່ອນຳ ມາເປັນມະຕິ ແລະ ນຳໄປຈັດຕັ້ງປະຕິບັດໃນຕໍ່ໜ້າ ເຮັດໃຫ້ການສຶກສາ ຢູ່ເມືອງກາສີ ມີປະສິດທິພາບ ດີຂື້ນ

ຫຼັງຈາກນັ້ນ ທ່ານ ບຸນມາ ເພັງໄຊ ຮອງຫົວໜ້າຫ້ອງການສຶກສາທິການ ແລະ ກິລາເມືອງກາສີ ກໍ່ໄດ້ຂຶ້ນຜ່ານ ບົດສະຫຼຸບແຜນພັດທະນາຂະແໜງການສຶກສາ ແລະ ກິລາປະຈຳສົກປີຮຽນ 2019-2020 ແລະ ແຜນພັດທະນາການສຶກສາ ແລະ ກິລາ ປະຈຳສົກປີຮຽນ 2020-2021, ຊຶ່ງມັນສະແດງ ອອກໃນທົ່ວເມືອງກາສີ ມີໂຮງຮຽນທັງໝົດ 76 ແຫ່ງ, ໃນນັ້ນມີໂຮງຮຽນລ້ຽງເດັກ ແລະ ອະນຸບານ 18 ແຫຼ່ງ (ລວມທັງໂຮງຮຽນເອກະຊົນ 01 ແຫ່ງ), ມີໂຮງຮຽນປະຖົມ 49 ແຫ່ງ, ໃນນັ້ນມີໂຮງຮຽນປະຖົມສົມບູນ 43 ແຫ່ງ ແລະ ໂຮງຮຽນມູນລະປະຖົມ 06 ແຫ່ງ, ມີໂຮງຮຽນມັດທະຍົມຕົ້ນ 06 ແຫ່ງ, ມີໂຮງຮຽນມັດທະຍົມສົມບູນ 03 ແຫ່ງ, ມີນັກຮຽນທັງໝົດ 10.607 ຄົນ, ຍິງ 5.246 ຄົນ, ມີຜູ່ບໍລິຫານໂຮງຮຽນ ແລະ ຄູສອນທັງໝົດ 482 ຄົນ, ຍິງ 191 ຄົນ, ມີຜູ້ບໍລິຫານ ແລະ ພະນັກງານຫ້ອງການສຶກ ສາທິການ ແລະ ກິລາເມືອງກາສີ 36 ຄົນ, ຍິງ 07 ຄົນ.

ພ້ອມນັ້ນຍັງໄດ້ຍົກໃຫ້ເຫັນ ເຖີງຜົນສຳເລັດ ແລະ ແຜນບູລິມະສິດ ປີ 2021 ຂອງແຜນພັດທະນາການສຶກສາ ໃນ7ຂະແໜງການຍ່ອຍ ເປັນຕົ້ນແມ່ນ ການສຶກສາກ່ອນໄວຮຽນ; ການສຶກສາຊັ້ນປະຖົມສຶກສາ; ການສຶກສາຊັ້ນມັດທະຍົມຕອນຕົ້ນ; ການສຶກສາຊັ້ນມັດທະຍົມຕອນປາຍ; ການສຶກສານອກໂຮງຮຽນ; ກິລາ-ກາຍະກຳ ແລະ ວຽກບໍລິຫານ-ຄຸ້ມຄອງ. ໃນໂອກາດນີ້ ທ່ານ ຄຳອ້ວນ ສຸວັນທອງ ຮອງເຈົ້າເມືອງໆກາສີ ກໍໄດ້ໃຫ້ກຽດຂື້ມີຄຳເຫັນ ເຊີ່ງກ່ອນອຶ່ນທ່ານໄດ້ກ່າວສະແດງຄວາມຍ້ອງຍໍຊົມເຊີຍຕໍ່ບັນດາຜູ່ບໍລິຫານການສຶກສາ ກໍ່ຄືຄູ-ອາຈານໃນທົ່ວເມືອງກາສີ ທີ່ຍາດໄດ້ຜົນງານຫຼາຍດ້ານຕະຫຼອດໄລຍະ 01 ປີຜ່ານມາ, ພ້ອມນັ້ນກໍ່ໃຫ້ເອົາໃຈໃສ່ສືບຕໍ່ແກ້ໄຂບັນຫາຈຸດອ່ອນ ຂໍ້ຄົງຄ້າງຕ່າງໆໃຫ້ໝົດໄປຢ່າງຊີ້ນເຊີງ, ເອົາໃຈໃສ່ພັດທະນາວຽກງານການສຶກສາຢູ່ພາຍໃນເມືອງໃຫ້ນັບມື້ຂະຫຍາຍຕົວໃຫ້ໄດ້ທັງປະລິມານ ແລະ ຄຸນນະພາບໄປຄຽງຄູ່ກັນ.

ຫຼັງຈາກນັ້ນ ບັນດາຜູ້ແທນທີ່ເຂົ້າຮ່ວມກອງປະຊຸມ ກໍໄດ້ພັດປ່ຽນກັນຂຶ້ນປະກອບຄຳຄິດຄຳເຫັນຢ່າງກົງໄປກົງມາຕໍ່ກັບວຽກງານການສຶກສາ ແລະ ກິລາຢູ່ພາຍໃນເມືອງເພື່ອຊອກໃຫ້ເຫັນໄດ້ດ້ານດີ, ດ້ານອ່ອນ ແລະ ຂໍ້ຄົງຄ້າງຕ່າງໆ ແລະ ວາງທິດທາງແກ້ໄຂໃນຕໍ່ໜ້າ ເພື່ອເຮັດໃຫ້ວຽກງານການສຶກສາ ແລະ ກິລາທົ່ວເມືອງກາສີ ມີບາດກ້າວໜ້າທີ່ໜັກແໜ້ນເຂັ້ມແຂງ ແລະ ມີຄຸນນະພາບດີຍິ່ງໆຂຶ້ນ.

ຂ່າວ: ເມືອງກາສີ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed