Wed. Oct 21st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຊະນະຄາມ ແຂວງວຽງຈັນພິທີເຜີຍແຜ່ຄໍາແນະນໍາ ຂອງຄະນະປະຈໍາສູນກາງແນວລາວສ້າງຊາດ

1 min read

ເມືອງຊະນະຄາມ ແຂວງວຽງຈັນພິທີເຜີຍແຜ່ຄໍາແນະນໍາ ຂອງຄະນະປະຈໍາສູນກາງແນວລາວສ້າງຊາດ


ໃນຕອນເຊົ້າຂອງວັນທີ 24 ສິງຫາ 2020ທີ່ຜ່ານມາ, ຢູ່ທີ່ສະໂມສອນໃຫຍ່ຂອງເມືອງດັ່ງກ່າວ, ໄດ້ຈັດຕັ້ງພິທີເຜີຍບັນດານິຕິກໍາຂອງຄະນະປະຈໍາສູນກາງແນວລາວສ້າງຊາດຂຶ້ນ,

ໂດຍພາຍໃຕ້ການເປັນປະທານຮ່ວມຂອງທ່ານ ແກ້ວ ພິມມະວົງ ຮອງເລຂາພັກເມືອງ, ທ່ານ ດອນ ລາດຊະວົງ ຮອງເລຂາພັກເມືອງ ປະທານກວດກາພັກ-ລັດເມືອງ ແລະ ທ່ານ ຍອດ ບຸດສະບູນ ຄະນະປະຈໍາພັກເມືອງ ປະທານແນວລາວສ້າງຊາດເມືອງ, ມີບັນດາຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ, ພະນັກງານອາວຸໂສບໍານານ, ພະນັກງານຫຼັກແຫຼ່ງ, ທະຫານ-ຕໍາຫຼວດ ແລະ ບັນດາອົງການປົກຄອງບ້ານເທດສະບານ ເຂົ້າຮ່ວມຢ່າງພ້ອມພຽງ.


ເພື່ອເປັນການຍົກສູງ ພາລະບົດບາດຂອງອົງການແນວລາວສ້າງຊາດ ແລະ ອົງການຈັດຕັ້ງມະຫາຊົນ ຮັບປະກັນການຈັດຕັ້ງເຄື່ອນໄຫວຢ່າງຖືກຕ້ອງ, ມີການປະສານສົມທົບກັນຢ່າງກົມກຽວບັນດາພາກສ່ວນທີ່ກ່ຽວຂ້ອງ, ເປັນໃຈກາງໃນການສຶກສາອົບຮົມ, ເຕົ້າໂຮມຄວາມສາມັກຄີປອງດອງ, ເສີມຂະຫຍາຍສິດເປັນເຈົ້າຂອງປະຊາຊົນລາວບັນດາເຜົ່າ ເຂົ້າຮ່ວມໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ວັດທະນະທໍາ ແລະ ຮີດຄອງປະເພນີອັນດີງາມຂອງຊາດ.


ໃນພິທີ ທ່ານ ແກ້ວ ພິມມະວົງ ໄດ້ເປັນກຽດຂຶ້ນຜ່ານ ຄໍາສັ່ງແນະນໍາຂອງຄະນະປະຈໍາສູນກາງແນວລາວສ້າງຊາດ ສະບັບເລກທີ 11/ສນຊ.ຄປຈ, ລົງວັນທີ 8 ກໍລະກົດ 2020, ກ່ຽວກັບການຈັດຕັ້ງປະຕິບັດວຽກງານຕິດຕາມກວດກາຂອງແນວລາວສ້າງຊາດ, ຈຸດປະສົງ ກໍ່ເພື່ອເປັນການຍົກສູງບົດບາດໃນການຕິດຕາມກວດກາຂອງແນວລາວສ້າງຊາດ ແລະ ອົງການຈັດຕັ້ງມະຫາຊົນ, ສ້າງເງື່ອນໄຂໃນການຕອບສະໜອງຄວາມມຸ້ງມາດປາຖະໜາຂອງປະຊາຊົນບັນດາເຜົ່າ, ຊັ້ນຄົນ, ເພດ, ໄວ ເຂົ້າໃນການວາງແນວທາງ, ແຜນນະໂຍບາຍຂອງພັກ, ນະໂຍບາຍ ແລະ ກົດໝາຍຂອງລັດ, ຮັບປະກັນການຈັດຕັ້ງປະຕິບັດໃຫ້ມີປະສິດທິພາບ ແລະ ປະສິດທິຜົນສູງ, ທັງເປັນການປັງປຸງການຈັດຕັ້ງເຄື່ອນໄຫວຂອງແນວລາວສ້າງຊາດແຕ່ລະຂັ້ນໃຫ້ມີຄວາມໜັກແໜ້ນເຂັ້ມແຂງ.


ທ່ານ ດອນ ລາດຊະວົງ ຮອງເລຂາພັກເມືອງ ປະທານກວດກາພັກ-ລັດເມືອງ ໄດ້ເປັນກຽດຂຶ້ນຜ່ານຂໍ້ຕົກລົງຂອງຄະນະປະຈໍາສູນກາງແນວລາວສ້າງຊາດ, ສະບັບເລກທີ 227/ສນຊ.ຄປຈ, ລົງວັນທີ 24 ມິຖຸນາ 2020, ວ່າດ້ວຍລະບຽບການຄົ້ນຄວ້າຄໍາຮ້ອງຟ້ອງ, ຮ້ອງທຸກ, ຄໍາສະເໜີ ແລະ ຄໍາຮ້ອງຂໍຄວາມເປັນທໍາ ເຊິ່ງໄດ້ກໍານົດຫຼັກການ, ລະບຽບການ, ຂັ້ນຕອນຮັບ ແລະ ຄົ້ນຄວ້າຄໍາຮ້ອງຟ້ອງ, ຄໍາຮ້ອງທຸກ, ຄໍາສະເໜີ ແລະ ຄໍາຮ້ອງຂໍຄວາມເປັນທໍາ ແນໃສ່ເພື່ອເສີມຂະຫຍາຍສິດເປັນເຈົ້າຂອງປະຊາຊົນ ແລະ ເພີ່ມທະວີນິຕິທໍາ, ປົກປັກຮັກສາຜົນປະໂຫຍດຂອງລັດ, ລວມໝູ່, ປົກປ້ອງສິດ ແລະ ຜົນປະໂຫຍດອັນຊອບທໍາຂອງພົນລະເມືອງ, ປະກອບສ່ວນເຮັດໃຫ້ສັງຄົມມີຄວາມສະຫງົບ, ເປັນລະບຽບຮຽບຮ້ອຍ, ມີຄວາມຜາສຸກມັ່ງຄັ່ງເຂັ້ມແຂງ, ຍຸຕິທໍາ, ແລະ ສິວິໄລ.


ໃນຕອນທ້າຍຂອງພິທີດັ່ງກ່າວ ທ່ານຍອດ ບຸດສະບູນ ປະທານແນວລາວສ້າງຊາດເມືອງ ຍັງໄດ້ເປັນກຽດຂຶ້ນຜ່ານແຈ້ງການແນະນໍາຂອງຄະນະປະຈໍາສູນກາງແນວລາວສ້າງຊາດ ສະບັບເລກທີ 015/ຄປຈ. ສນຊ, ເລື່ອງການຈັດຕັ້ງປະຕິບັດຂໍ້ຕົກລົງສະບັບເລກທີ 01/ຄປຈ, ລົງວັນທີ 22 ພຶດສະພາ 2019, ວ່າດ້ວຍການພົວພັນລະຫວ່າງຄະນະປະຈໍາສະພາແຫ່ງຊາດ ກັບຄະນະປະຈໍາສູນກາງແນວລາວສ້າງຊາດ,

ເພື່ອເປັນການປະສານງານງານປຶກສາຫາລືຄົ້ນຄວ້າ ເປັນເອກະພາບໃນການຕິດຕາມກວດກາ ບັນດາວຽກງານທີ່ມີການພົວພັນເຖິງພາລະບົດບາດ, ຄວາມຮັບຜິດຊອບຂອງສະພາແຫ່ງຊາດ ກັບສູນກາງແນວລາວສ້າງຊາດ, ອົງການຈັດຕັ້ງມະຫາຊົນຂັ້ນສູນກາງ ແລະ ສະພາປະຊາຊົນຂັ້ນແຂວງ ກັບແນວລາວສ້າງຊາດແຂວງ ແລະ ອົງການຈັດຕັ້ງມະຫາຊົນຂັ້ນແຂວງ ໃຫ້ມີໝາກຜົນ ແລະ ແທດເຖິງ.

ຂ່າວເມືອງຊະນະຄາມ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031  

You may have missed