Thu. Oct 1st, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແມດ ແຂວງວຽງຈັນ ເປີດພິທີການເບີກຈ່າຍເງິນເດືອນ ໃຫ້ພະນັກງານລັດຖະກອນ U-money

1 min read

ເມືອງແມດ ແຂວງວຽງຈັນ ເປີດພິທີການເບີກຈ່າຍເງິນເດືອນໃຫ້ພະນັກງານລັດຖະກອນ ຜ່ານບໍລິການ U-money ແລະ ເຜີຍແຜ່ ບໍລິການ U-money ໃຫ້ກັບພະນັກງານຂັ້ນບ້ານ.


ໃນວັນທີ 20 ສິງຫາ 2020 ຜ່ານມາ ເມືອງແມດ ແຂວງວຽງຈັນ ໄດ້ຈັດພິທີການເບີກຈ່າຍເງິນເດືອນໃຫ້ພະນັກງານລັດຖະກອນຢູ່ເມືອງແມດຢ່າງເປັນທາງການ ຜ່ານບໍລິການ U-money ຂອງບໍລິສັດ ສະຕ່າຟິນເທັກ ຈຳກັດ

ພ້ອມດຽວກັນນັ້ນຍັງໄດຈັດຕັ້ງກອງປະຊຸມເຜີຍແຜ່ໂຄສະນາ-ລົງທະບຽນບໍລິການຢູມັນນີ (U-money)ໃຫ້ພະນັກງານຂັ້ນບ້ານ(ນາຍບ້ານ).

ໃຫ້ກຽດເຂົ້າຮ່ວມໂດຍ ທ່ານຄຳປ່ຽນ ແສງສະຫວັດ ເລຂາພັກເມືອງເຈົ້າເມືອງໆແມດ, ທ່ານ ຄຳຫລ້າ ແສງວົງ ຮອງຫົວໜ້າພະແນກພາຍໃນ, ທ່ານ ສຸກສັນ ເຮືອງທອງດີ ຫົວໜ້າຫ້ອງການພາຍໃນ, ທ່ານ ປ້ອມ ເພັດພູເກງ ຮອງອຳນວຍການຕະຫລາດ ບໍລິສັດ ສະຕ່າໂທລະຄົມ ສາຂາແຂວງວຽງຈັນ, ມີບັນດາຫົວໜ້າຫ້ອງການ ແລະ ນາຍບ້ານເຂົ້າຮ່ວມ.

ເພື່ອປະຕິບັດຕາມຂໍ້ຕົກລົງຂອງກະຊວງການເງິນສະບັບເລກທີ 1370/ກງ, ລົງວັນທີ 2 ມີຖຸນາ 2020 ວ່າດ້ວຍ ການຮັບຮອງເອົາຜະລິດຕະພັນ U-money (ຢູມັນນີ) ຂອງບໍລິສັດ ສະຕາຟິນເທັກ ຈຳກັດ ນຳໃຊ້ເຂົ້າໃນການເບີກຈ່າຍເງິນເດືອນ, ເງິນອຸດໜູນ ແລະ ເງິນນະໂຍບາຍໃຫ້ພະນັກງານ-ລັດຖະກອນຢູ່ບັນດາເມືອງທີ່ຍັງບໍ່ທັນມີການບໍລິການຂອງທະນາຄານ, ພ້ອມນີ້ເພື່ອຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ວຽກງານໃນປະຈຸບັນ ແລະ ເພື່ອຄວາມເປັນເອກະພາບກັນໃນການຈັດຕັ້ງປະຕິບັດຂໍ້ຕົກລົງສະບັບດັ່ງກ່າວ ແນໃສ່ຮັບປະກັນທາງດ້ານປະລິມານ ແລະ ຄຸນນະພາບ. ໃນໂອກາດນີ້ກໍ່ໄດ້ຂຶ້ນທະບຽນໝາຍເລກໂທລະສັບໃຫ້ແກ່ບັນດານາຍບ້ານໃນທົ່ວເມືອງແມດ.

ຂ່າວ: ອຸນເຮືອນ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

October 2020
M T W T F S S
 1234
567891011
12131415161718
19202122232425
262728293031