Fri. Sep 25th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງວັງວຽງຈັດພິທີປາຖະກະຖາສະເຫຼີມສະຫຼອງ ວັນສ້າງຕັ້ງແນວລາວສ້າງຊາດຄົບຮອບ 70 ປີ

1 min read

ໃນວັນທີ່ 22 ສິງຫາ 2020 ຜ່ານມາຢູ່ທີສະໂມສອນໃຫຍ່ຂອງເມືອງວັງວຽງແຂວງວຽງຈັນໄດ້ຈັດພິທີປາຖະກະຖາ ສະເຫຼີມສະຫຼອງວັນສ້າງຕັ້ງແນວລາວສ້າງຊາດຄົບຮອບ 70 ປີ ( 13 ສິງຫາ 1950-13 ສິງຫາ 2020 ), ພ້ອມທັງເຜີຍແຜ່ເອກະສານວັນຢຶດອຳນາດ 23 ສິງຫາ

ໃຫ້ກຽດເຂົ້າຮ່ວມໂດຍມີບັນດາທ່ານ ຄະນະປະຈຳພັກເມືອງ, ກຳມະການພັກເມືອງ, ຫົວໜ້າຮອງຫົວໜ້າຫ້ອງການ, ພະນັກງານບຳນານ, ແນວໂຮມບ້ານອ້ອມຂ້າງເມືອງ ແລະ ພຣະສົງ .


ທ່ານ ສຸວຽງທອງ ວົງຈຳປາ ຮອງເລຂາພັກເມືອງຮອງເຈົ້າເມືອງໆວັງວຽງໃຫ້ກຽດຂຶ້ນປາຖະກະຖາປະຫວັດການກຳເນີດ,ການເຕີບໃຫຍ່ຂະຫຍາຍຕົວ ແລະ ມູນເຊື້ອອັນສະຫງ່າລາສີຂອງແນວລາວສ້າງຊາດຄົບຮອບ 70 ປີ

ເຊິ່ງແມ່ນວັນສ້າງຕັ້ງຂອງອົງການແນວລາວອິດສະຫຼະໃນເມືອກ່ອນກໍ່ຄືແນວລາວສ້າງຊາດໃນປະຈຸບັນໄດ້ຮັບການສ້າງຕັ້ງຂຶ້ນຢູ່ທີຕວຽນກວາງ ສສ ຫວຽດນາມໂດຍມີຜູ້ແທນເຂົ້າຮ່ວມທັງໝົດ 150 ທ່ານ ທີ່ເປັນຕົວແທນປະກອບອາວຸດທຸກພາກ, ຕົວແທນຂອງບັນດາເຜົ່າ, ຊັ້ນຄົນ, ສາສະໜາ, ເພດ-ໄວ ຈາກເຂດຕໍ່ຕ້ານ ແລະ ເຂດກວດກາຂອງສັດຕູໃນທົ່ວປະເທດ.

ຜົນງານພົ້ນເດັ່ນແນວລາວອິດສະຫຼະໃນເມືອກ່ອນກໍ່ຄຶແນວລາວສ້າງຊາດປັດຈຸບັນເຊິ່ງອົງການແນວລາວສ້າງຊາດແຕ່ລະຂັ້ນໄດ້ສຶກສາອົບຮົມເຕົ້າໂຮມຄວາມສາມັກຄີຂອງປະຊາຊົນລາວບັນດາເຜົ່າ, ຊັ້ນຄົນ, ສາດສະໜາ ແລະ ເພດ-ໄວ, ໃນວົງຄະນະຍາດແຫ່ງຊາດ.

ບົນພື້ນຖານພັນທະພາບກຳມະກອນຊາວນາພາຍໃຕ້ການຊີ້ນຳນຳພາຂອງພັກເຕົ້າໂຮມທຸກກຳລັງການຈັດຕັ້ງສັງຄົມຢ່າງກວ້າງຂວາງເວົ້າລວມແລ້ວພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບຸນພັກໄດ້ເຄື່ອນໄຫວເປີດເຜີຍມີອົງການລັດປະຕິບັດບົດບາດຄຸ້ມຄອງອົງການແນວລາວສ້າງຊາດໄດ້ເຕີບໃຫຍ່ຂະຫຍາຍຕົວທາງດ້ານການຈັດຕັ້ງແນວລາວສ້າງຊາດຮ່ວມກັບອົງການຈັດຕັ້ງມະຫາຊົນ ແລະ ອົງການຈັດຕັ້ງສັງຄົມຕ່າງໆໄດ້ຍົກສູງບົດບາດໃນການເຕົ້າໂຮມກ້ອນກຳລັງສາມັກຄີປ່ອງດອງທົ່ວພັກທົ່ວປ່ວງຊົນໂຄສະນາສຶກສາອົບຮົມປະຊາຊົນຢ່າງກວ້າງຂວາງເສີມຂະຫຍາຍສິດເປັນເຈົ້າຂອງປະຊາຊົນສຶບຕໍ່ ປະຕິບັດ 2 ໜ້າທີຢຸດທະສາດຄືປົກປັກຮັກສາ ແລະ ສ້າງສາພັດທະນາປະເທດຊາດ.


ໃນພິທີຍັງໄດ້ມອບຫຼຽນກາລະນຶກ 70 ປີ ເນື້ອງໃນໂອກາດວັນສ້າງຕັ້ງແນວລາວສ້າງຊາດ ຈຳນວນ 40 ໜ່ວຍ ແລະ ໃບຍ້ອງຍໍ 82 ໃບໃຫ້ແກ່ບຸກຄົນທີ່ມີຜົນງານດີເດັ່ນໃນການປະກອບສ່ວນເຄື່ອນໄຫວວຽກງານແນວລາວສ້າງຊາດໃນໄລຍະທີ່ຜ່ານມາ

ຂ່າວ:ໝອນແກ້ວ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930