Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງແມດເຊື່ອມຊືມ, ແນະນຳການສ້າງເມືອງເປັນຫວົໜ່ວຍເຂັ້ມແຂງຮອບດ້ານ

1 min read

ເມືອງແມດເຊື່ອມຊືມ, ແນະນຳການສ້າງເມືອງເປັນຫວົໜ່ວຍເຂັ້ມແຂງຮອບດ້ານ.

ວັນທີ 25 ສີງຫາ 2020 ນີ້ຢູ່ທີ່ສະໂມສອນເມືອງແມດ,ແຂວງວຽຈັນ ໄດ້ເປີດກອງປະຊຸມເຊື່ອມຊືມ ແລະ ແນະນຳການປະເມີນການສ້າງເມືອງເປັນຫວົໜ່ວຍເຂັ້ມແຂງຮອບດ້ານ ແລະ ສ້າງບ້ານເປັນຫົວໜ່ວຍພັດທະນາ ພາຍໃຕ້ການເປັນປະທານຂອງທ່ານ ຄຳປ່ຽນ ແສງສະຫວັດ ເລຂາພັກເມືອງ ເຈົ້າເມືອງໆແມດ,ມີຄະນະປະຈຳພັກເມືອງ,ກຳມະການພັກເມືອງ,ຫົວໜ້າຫ້ອງການ,ຮອງຫ້ອງການ,ມີຄະນະຮັບຜິດຊອບວຽກງານສາມສ້າງຂັ້ນເມືອງເຂົ້າທັງໝົດ 38 ທ່ານ ຍິງ 4 ທ່ານ,ກອງປະຊຸມ ທ່ານ ສຸກສັນ ເຮືອງທອງດີ ກຳມະການພັກເມືອງ

ຫົວໜ້າຫ້ອງການພາຍເມືອງກໍ່ໄດ້ຂື້ນຜ່ານບົດລາຍງານວຽກງານ 3 ສ້າງ,ເຊິ່ງໄດ້ໃຫ້ເຫັນສະພາບລວມຂອງເມືອງແມດ, ເມືອງແມດລວມມີ 4 ກຸ່ມບ້ານ,ໃນນັ້ນມີ 1 ກຸ່ມເປັນກຸ່ມຈຸດສຸມພັດທະນາຂອງແຂວງ,ບ້ານທີ່ຂື້ນກັບເມືອງໂດຍກົງມີ 7 ບ້ານ,ທົ່ວເມືອງມີ 33 ບ້ານ,ມີຄົວເຮືອນທັງໝົດ 4.507 ຄົວເຮືອນ,ມີພົນລະເມືອງທັງໝົດ23.234 ຄົນ,ຍີງ 11.511 ຄົນ,ປະຊາຊົນສ່ວນຫຼາຍແມ່ນເຮັດນາເປັນອາຊີບຕົ້ນຕໍ,ລ້ຽງສັດ,ປູກພຶດເປັນອາຊີບສຳຮອງ ແລະ ມີມູນເຊື້ອພິລະອາດຫານ,ມີນ້ຳໃຈຮັກຊາດ,ຮັກບ້ານເກີດເມືອງນອນ,ມີຄວາມສາມັກຄີປອງດອງ,ມີຄວາມດຸໝັ່ນໃນການອອກແຮງງານ,ຕັ້ງໜ້າປະກອບສ່ວນເຂົ້າໃນຂະບວນການຮັກຊາດ ແລະ ພັດທະນາ,ອັນໄດ້ເຮັດໃຫ້ສັງຄົມມີຄວາມສະຫງົບ,ຊີວິດການເປັນຢູ່ໄດ້ຮັບການພັດທະນາທາງດ້ານວັດຖຸ ແລະ ຈິດໃຈນັບມື້ດີຂື້ນເປັນກ້າວໆ,ການຈັດຕັ້ງປະຕິບັດວຽກງານ 3 ສ້າງ,ເຊິ່ງໄດ້ມີຜົນສຳເລັດ,ການສ້າງເມືອງເປັນຫົວໜ່ວຍເຂັ້ມແຂງຮອບດ້ານທົ່ວເມືອງມີ 7 ຄະນະພັກຮາກຖານ,ໃນນັ້ນມີຄະນະພັກຮາກຖານກຸ່ມບ້ານ 4 ກຸ່ມ,ມີໜ່ວຍພັກທັງໝົດ 67 ໜ່ວຍພັກ,ໜ່ວຍພັກບ້ານ 33 ໜ່ວຍພັກ,ມີສະມາຊິກທັງໝົດ 1.243 ສະຫາຍ,ຍີງ 272 ສະຫາຍ,ສຳຮອງ 115 ສະຫາຍ,ຍີງ 43ສະຫາຍ,ສະມາຊິກພັກຢູ່ຂັ້ນບ້ານມີ 683 ສະຫາຍ,ຍີງ 118 ສະຫາຍ,ສຳຮອງ76 ສະຫາຍ,ຍີງ 17 ສະຫາຍ.ທຽບໃສ່ປີ 2018 ມີຄະນະພັກເພີ່ມຂື້ນ 1 ຄະນະພັກຮາກຖານ,ໜ່ວຍພັກເພີ່ມຂື້ນ 9 ໜ່ວຍພັກ,ສະມາຊິກເພີ່ມຂື້ນ 25 ສະຫາຍ,ການສ້າງບ້ານເປັນຫົວໜ່ວຍພັດທະນາ,ໄດ້ປັບປຸງກົງຈັກການຈັດຕັ້ງຂັ້ນບ້ານເປັນລະບົບຄົບຊຸດ,ແຕ່ງຕັ້ງ 5 ໜ່ວຍງານ ແລະ ພະນັກງານວິຊາການຊ່ວຍວຽກອົງການປົກຄອງບ້ານຂອງ 5 ບ້ານເປົ້າໝາຍ,ໜ່ວຍງານ 1 ມີ 3 ທ່ານ,ບ້ານ 1 ມີ 15 ທ່ານ,ລວມ 5 ບ້ານມີ 75 ທ່ານ,ຍີງ 14 ທ່ານ.ທົ່ວເມືອງມີລະບົບການຈັດຕັ້ງຄົບຊຸດມີອົງການປົກຄອງບ້ານ,ແນວລາວສ້າງຊາດ ແລະ ອົງການຈັດຕັ້ງມະຫາຊົນໄດ້ເຄື່ອນໄຫວປະຕິບັດໜ້າທີ່ຢ່າງເປັນປົກກະຕິ,ຄະນະພັກ,ອົງການປົກຄອງທຸກຂະແໜງການໄດ້ເອົາໃຈໃສ່ປະສານສົມທົບກັນໃນການປະຕິບັດວຽກງານ,ເອົາໃຈໃສ່ປຸກລະດົມປະຊາຊົນໃຫ້ມີຄວາມຕື່ນຕົວທາງດ້ານການເມືອງ,ມີສະຕິເຄົາລົບ ແລະ ປະຕິບັດລະບຽບກົດໝາຍບ້ານເມືອງສູງ,ມີຄວາມສາມັກຄີຮັກແພງຊ່ວຍເຫຼືອເຊີ່ງກັນ ແລະ ກັນເປັນແບບຢ່າງທີດີ.

ມີສະຖຽນລະພາບທາງດ້ານການເມືອງ,ສັງຄົມມີຄວາມສະຫງົບໂດຍພື້ນຖານ,ປະຊາຊົນບັນດາເຜົ່າມີຄວາມຫ້າວຫັນໃນການທຳການຜະລິດ,ການດຳເນີນທຸລະກິດອັນໄດ້ເຮັດໃຫ້ເສດຖະກິດຂອງບ້ານມີການຂະຫຍາຍຕົວເທື່ອລະກ້າວ,ສັງຄົມ ແລະ ຊີວິດການເປັນຢູ່ຂອງປະຊາຊົນໄດ້ຮັບການປັບປຸງດີຂື້ນຕາມລຳດັບ,ແຜນການໃນປີ 2020,ກຳນົດຄາດໝາຍສູ້ຊົນຕາມແຜນພັດທະນາເສດຖະກິດ-ສັງຄົມຂອງເມືອງ,ລະບົບການເມືອງຕ້ອງມີຄວາມໜັກແໜ້ນ ແລະ ເຂັ້ມແຂງ,ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນຢູ່ຂັ້ນບ້ານໃຫ້ໄດ້ 5 ໜ່ວຍ,ອົງການປົກຄອງບ້ານໃຫ້ເປັນອົງການທີ່ສາມາດຄຸ້ມຄອງບໍລິຫານບ້ານດ້ວຍລະບຽບກົດໝາຍເທື່ອລະກ້າວ,ເອົາໃຈໃສ່ໂຄສະນາເຜີຍແຜ່,ເຊື່ອມຊືມບັນດານິຕິກຳວຽກງານ 3 ສ້າງໃຫ້ເປັນລະບົບຕໍ່ເນື່ອງ,ກ່ຽວກັບປະກົດການຫຍໍ້ທໍ້ຕ່າງໆແຕ່ລະຄອບຄົວຕ້ອງເປັນເຈົ້າການສະກັດກັ້ນ,ຖ້າເກີດຢູ່ຄອບຄົວໃດຄອບຄົວນັ້ນຕ້ອງແກ້ໄຂຢູ່ບ້ານນັ້ນ ແລະ ເຮັດແບບຈິງຈັງບໍ່ໃຫ້ແຜ່ລາມ,ສ້າງກຸ່ມການຜະລິດກະສິກຳ,ການລ້ຽງສັດໃຫ່ຍ,ການປູກພຶດເປັນສິນຄ້າແມ່ນໄດ້ຈັດຕັ້ງເປັນກຸ່ມລ້ຽງສັດ,ກຸ່ມປູກໄມ້ໃຫ້ໝາກ,ກຸ່ມປູກເຂົ້າຢ່າງໜ້ອຍໃຫ້ໄດ້ບ້ານລະ 1 ກຸ່ມຂື້ນໄປໂດຍຂໍທືນສະໜັບສະໜູນຈາກທະນາຄານນະໂຍບາຍ,ຊຸກຍູ້ລູກຫຼານຂອງພໍ່ແມ່ປະຊາຊົນໃນເກນອາຍຸເຂົ້າຮຽນໃນອັດຕາສຸດທິ 98% ,ສ້າງບ້ານແບບຢ່າງທາງດ້ານສາທາລະນະສຸກໃຫ້ໄດ້ 4 ບ້ານ,ປັບປຸງລະບົບການບໍລິການທາງດ້ານສາທາລະນະສຸກໃຫ້ທົ່ວເຖີງ,ໃນການກຳນົດເມືອງເປັນຫົວໜ່ວຍເຂັ້ມແຂງຮອບດ້ານ,ເອົາໃຈໃສກໍ່ສ້າງພັກດ້ານການຈັດຕັ້ງເພື່ອຍົກສູງຄຸນນະພາບໃນການຊີ້ນຳ-ນຳພາໂດຍສະເພາະແມ່ນການຈັດຕັ້ງໜ່ວຍພັກຮາກຖານທີ່ຍັງບໍ່ທັນເຂັ້ມແຂງທາງດ້ານການເມືອງແນວຄິດ ແລະ ແບບແຜນວິທີເຮັດວຽກຂອງໜ່ວຍພັກ,ເລື່ອນສະມາຊິກພັກຂືນສົມບູນໃຫ້ໄດ້ 60 ສະຫາຍ,ຍິງ 35 ສະຫາຍ,ຂະຫຍາຍມະຫາຊົນຜູ້ກ້າວໜ້າເຂົ້າພັກໃຫ້ໄດ້ 65 ສະຫາຍ,ຍີງ 15 ສະຫາຍ,ສືບຕໍ່ກວດກາຕີລາຄາຈັດປະເພດສະມາຊິກ,ສ້າງໜ່ວຍພັກແຂງ-ຮູ້ນຳພາຮອບດ້ານໃຫ້ໄດ້ 5 ຽວຍພັກ ແລະ ມອບບັດໃຫ້ສະມາຊິກພັກສົມບູນ 28 ສະຫາຍໃຫ້ສຳເລັດ,ການກຳນົດເອົາບ້ານເປັນຫົວໜ່ວຍພັດທະນາ,ບ້ານພັດທະນາຕ້ອງມີລະບົບການເມືອງ-ການປົກຄອງປະຊາທິປະໄຕປະຊາຊົນທີ່ເຂັ້ມແຂງ,ຕ້ອງຖືເອົາວຽກງານການສຶກສາອົບຮົມແນວຄິດຕິດແໜ້ນກັບການປັບປຸງກໍ່ສ້າງຮາກຖານການເມືອງໃຫ້ໜັກແໜ້ນເຂັ້ມແຂງ,ປັບປຸງ ແລະ ກໍ່ສ້າງໜ່ວຍພັກໃຫ້ເປັນໜ່ວຍພັກປອດໃສ,ເຂັ້ມແຂງ,ໜັກແໜ້ນ,ກໍ່ສ້າງ ແລະ ບຳລຸງພະນັກງານກັບທີ່,ປັບປຸງອົງການປົກຄອງບ້ານໃຫ້ໜັກແໜ້ນເຄື່ອນໄຫວໃຫ້ເປັນລະບົບປົກກະຕິບົນພື້ນຖານ 5 ໜ່ວຍງານທີໄດ້ກຳນົດໄວ້ໃນລະບຽບ,ການສ້າງຄວາມເຂັ້ມແຂງ ແລະ ຄວາມໝັ້ນຄົງຂອງຮາກຖານການເມືອງ-ການປົກຄອງຢູ່ຮາກຖານເປັນຕົ້ນແມ່ນອົງການແນວໂຮມບ້ານ,ສະຫະພັນແມ່ຍີງ,ຊາວໝຸ່ມ,ສະຫະພັນນັກຮົບເກົ່າ,ໜ່ວຍໄກ່ເກັ່ຍຂໍ້ຂັດແຍ່ງ ແລະ ຜູ້ຊົງຄຸນວຸດທິທີ່ຢູ່ໃນບ້ານ,ຫຼັງຈາກນີ້ທ່ານ ອ່ອນຕາ ທຳມະວົງສາ ຮອງເລຂາພັກເມືອງ ປະທານກວດກາພັກ-ລັດເມືອງກໍ່ໄດ້ຂື້ນຜ່ານຂໍ້ຕົກລົງຂອງທ່ານເຈົ້າເມືອງແມດ ເລກທີ່ 147/ຈມມມ ລົງວັນທີ່ 20 ສິງຫາ 2020 ວ່າດ້ວຍ: ແຕ່ງຕັ້ງຄະນະກຳມະການປະເມີນວຽກງານ 3 ສ້າງ ຂັ້ນເມືອງ ແລະ ບ້ານ ແລະ ຜ່ານຂໍ້ຕົກລົງເລກທີ 150 / ຈມ ມມ ລົງວັນທີ 24 ສີງຫາ 2020ວ່າດ້ວຍ:ການແບ່ງຄວາມຮັບຜິດຊອບການປະເມີນຜົນສ້າງເມືອງເປັນຫົວໜ່ວຍເຂັ້ມແຂງຮອບດ້ານ,ທ່ານ ຄຳປ່ຽນ ແສງສະຫັວດ ກໍ່ໄດ້ຂື້ນຜ່ານຄຳແນະນຳຂອງທ່ານເຈົ້າເມືອງສະບັບເລກທີ 178/ຈມ ມມ ລົງວັນທີ 24 ສີງຫາ 2020 ວ່າດ້ວຍການຈັດຕັ້ງປະຕິບັດປະເມີນຜົນວຽກງານສາມສ້າງ,ທ່ານ ພາສີ ນາມມະວົງກຳມະການພັກເມືອງ ຫົວໜ້າຫ້ອງວ່າການເມືອງກໍ່ໄດ້ຂື້ນຜ່ານແບບຟອມຂັ້ນເມືອງ ແລະ ຂັ້ນບ້ານ, ກອງປະຊຸມຄັ້ງນີ້ຍັງໄດ້ພ້ອມກັນຄົ້ນຄ້ວາປະກອບຄຳຄິດ-ຄຳເຫັນຕໍ່ບັນດາຕົວຊີ້ບອກຕ່າງໆຢ່າງເປັນເອກະພາບ ແລະ ແລກປ່ຽນບົດຮຽນເຊິ່ງກັນ ແລະ ກັນ,

ໃນຕອນທ້າຍທ່ານເຈົ້າເມືອງກໍ່ໄດ້ມີຄຳເຫັນໂອ້ລົມຕໍ່ກອງປະຊຸມ ເຊິ່ງທ່ານໄດ້ເນັ້ນໜັກບາງບັນຫາ ເປັນຕົ້ນແມ່ນເນັ້ນໃຫ້ຄະນະຮັບຜິດຊອບວຽກງານສາມສ້າງຂັ້ນເມືອງ, ໃຫ້ເອົາໃຈໃສ່ຈັດຕັ້ງປະຕິບັດວຽກງານວິຊາສະເພາະ ລົງສູ່ຮາກຖານບ້ານໃຫ້ໄດ້ຮັບຜົນດີ, ເອົາໃຈໃສ່ຈັດຕັ້ງຜັນຂະຫຍາຍວຽກງານດັ່ງກ່າວໃຫ້ໄດ້ຮັບຜົນເປັນຈິງ.

ຂ່າວ:ເມືອງແມດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930