Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເມືອງຫີນເຫີບ ແຂວງວຽງຈັນ ປະກາດການຈັດຕັ້ງ

1 min read

ເມືອງຫີນເຫີບປະກາດການຈັດຕັ້ງ


ວັນທີ 21 ສິງຫາ 2020 ຜ່ານມາຢູ່ທີ່ສະໂມສອນເມືອງຫີນເຫີບແຂວງວຽງຈັນໄດ້ຈັດໃຫ້ມີໂດຍການເປັນປະ
ທານຂອງ ທ່ານ ວອນ ວໍລະສານ ເລຂາພັກເມືອງ ເຈົ້າເມືອງຫີນເຫີບ, ມີຄະນະປະຈໍາ, ກໍາມະການພັກເມືອງ, ຫົວໜ້າ
ຮອງຫົວໜ້າຫ້ອງການ ແລະ ພະນັກງານຫ້ອງການກ່ຽວຂ້ອງເຂົ້າຮ່ວມ.


ທ່ານ ກົງຈັນພັນທະມິດ ຮອງເລຂາພັກເມືອງ ໄດ້ຂຶ້ນຜ່ານຂໍ້ຕົກລົງ ວ່າດ້ວຍ ການຍົກຍ້າຍ ທ່ານ ກົງຈັນ ພັນທະມິດ ຫົວໜ້າຄະນະຈັດຕັ້ງເມືອງ ຂຶ້ນເປັນຮອງເລຂາພັກເມືອງ, ແຕ່ງຕັ້ງ ທ່ານ ໂອລົດ ສີສູນທອນ ກໍາມະການພັກເມືອງ ຫົວໜ້າຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມເມືອງ ເປັນຮອງເຈົ້າເມືອງຫີນເຫີບ ຍົກຍ້າຍ ທ່ານ ນ. ຫຼ້າວັນ ເສີມສະຫວັດ ຄະນະປະຈໍາພັກເມືອງ ຫົວໜ້າຫ້ອງການພາຍໃນເມືອງ ເປັນປະທານແນວລາວສ້າງຊາດເມືອງ, ຍົກຍ້າຍ ທ່ານ ບົວທອງ ຈັນທະບຸນສຸກ ກໍາມະການພັກເມືອງ

ປະທານແນວລາວສ້າງຊາດເມືອງ ໄປປະຈໍາການຢູ່ຫ້ອງການຄະນະໂຄສະນາ – ອົບຮົມເມືອງ, ຍົກຍ້າຍ ທ່ານ ທອງໄມ ຈັນທະດາລາ ກໍາມະການພັກເມືອງ ຫົວໜ້າຫ້ອງການຄະນະໂຄສະນາ – ອົບຮົມເມືອງ ໄປປະຈໍາການຢູ່ຫ້ອງການຄະນະຈັດຕັ້ງເມືອງ, ຍົກຍ້າຍ ທ່ານ ຄໍາໝື່ນ ໄຊຍະວົງ ກໍາມະການພັກເມືອງ ຫົວໜ້າຫ້ອງການສາທາລະນະສຸກເມືອງ ໄປປະຈໍາການຢູ່ຫ້ອງການພາຍໃນເມືອງ, ແລະ ຍົກຍ້າຍ ທ່ານ ນ. ອໍາມາລາ ທິບພະແກ້ວ ກໍາມະການພັກເມືອງ ປະທານສະຫະພັນແມ່ຍິງເມືອງ ໄປປະຈໍາການຢູ່ຫ້ອງວ່າການເມືອງ ໃນພິທີຍັງໄດ້ມີການເຊັນບົດບັນທຶກການມອບ – ຮັບໜ້າທີ່ໂດຍຊ້ອງໜ້າການນໍາເມືອງ, ຄະນະນໍາຂອງເມືອງ ແລະ ພະນັກງານຫ້ອງການທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.


ທ່ານ ວອນ ວໍລະສານ ເລຂາພັກເມືອງ ເຈົ້າເມືອງຫີນເຫີບໃຫ້ກຽດໂອ້ລົມ ແລະ ຍ້ອງຍໍຊົມເຊີຍຕໍ່ຄະນະພັກ, ອົງການຈັດຕັ້ງທຸກພາກສ່ວນທີ່ໄດ້ມີການຊັບຊ້ອນປ່ຽນແທນໜ້າທີ່ວຽກງານຕົວຈິງ ທ່ານຍັງໄດ້ຮຽກຮ້ອງ ແລະ ຊີ້ທິດເຍືອງທາງໃຫ້ບັນດາທ່ານທີ່ໄດ້ຮັບໜ້ທີ່ອັນມີກຽດຈົ່ງພ້ອມກັນເອົາໃຈໃສ່ຕັ້ງໜ້າຈັດຕັ້ງປະຕິບັດວຽກງານອັນສໍາຄັນທີ່ຂັ້ນເທິງມອບໝາຍໃຫ້ ແລະ ພ້ອມກັນສ້າງສາພັດທະນາເມືອງຫີນເຫີບໃຫ້ມີຄວາມຈະເລີນສີວິໄລຂຶ້ນໄປເລື້ອຍໆ.

ຂ່າວ ເມືອງຫີນເຫີບ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930