Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ແລະ ກອງປະຊຸມສະໄໝສາມັນເທື່ອທີ 9 ສະພາປະຊາຊົນແຂວງວຽງຈັນ

1 min read

ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ແລະ ກອງປະຊຸມສະໄໝສາມັນເທື່ອທີ 9 ສະພາປະຊາຊົນແຂວງວຽງຈັນ.

ໃນວັນທີ 26 ສິງຫາ 2020 ຢູ່ທີ່ສະໂມສອນເມືອງແມດ ແຂວງວຽງຈັນ ໄດ້ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ແລະຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງຊຸດທີ I

ໂດຍການເປັນປະທານຂອງ ທ່ານ ຄຳປ່ຽນ ແສງສະຫວັດ ເລຂາພັກເມືອງ ເຈົ້າເມືອງໆແມດ ທັງເປັນສະມາຊິກສະພາປະຊາຊົນ ແຂວງວຽງຈັນ ຊຸດທີ I ປະຈຳເຂດເລືອກຕັ້ງເມືອງແມດ ,ທ່ານ ນາງ ຄອນສີ ແກ້ວວິໄລວັນ ກຳມະການພັກເມືອງ ປະທານສະຫະພັນແມ່ຍິງເມືອງ,ສະມາຊິກສະພາປະຊາຊົນແຂວງວຽງຈັນຊຸດທີ I

ປະຈຳເຂດເລືອກຕັ້ງເມືອງແມດ,ເປັນກຽດເຂົ້າຮ່ວມກອງປະຊຸມມີທ່ານ ສົມດີ ແກ້ວດາລາວິນ ກຳມະການພັກແຂວງສະມາຊິກສະພາແຫ່ງຊາດ ຮອງປະທານສະພາປະຊາຊົນແຂວງວຽງຈັນ,ມີຄະນະປະຈຳພັກເມືອງ,ກຳມະການພັກເມືອງ,ຫົວໜ້າ,ຮອງຫົວໜ້າຫ້ອງການ,ພະນັກງານລັດຖະກອນເຂົ້າຮ່ວມຢ່າງພ້ອມພຽງ.ກອງປະຊຸມໄດ້ຮັບຟັງການລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 6 ເດືອນຕົ້ນປີໂດຍຫຍໍ້ຈາກທ່ານ ພາສີ ນາມມະວົງ ກຳມະການພັກເມືອງ ຫົວໜ້າຫ້ອງວ່າການປົກຄອງເມືອງແມດ ເຊີ່ງໄດ້ຍົກໃຫ້ເຫັນຜົນງານດ້ານດີ,ດ້ານອ່ອນ ແລະ ທິດທາງແຜນການວຽກງານ 6 ເດືອນທ້າຍປີ,ທ່ານ ຄຳປ່ຽນ ແສງສະຫວັດ ເລຂາພັກເມືອງ ເຈົ້າເມືອງໆແມດ ສະມາຊິກສະພາປະຊາຊົນແຂວງວຽງຈັນຊຸດທີ I ປະຈຳເຂດເລືອກຕັ້ງເມືອງແມດກໍ່ໄດ້ໃຫ້ກຽດເຜີຍແຜ່ເອກະສານຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງວຽງຈັນຊຸດທີ I

ກອງປະຊຸມໄດ້ພິຈາລະນາ ແລະ ຮັບຮອງເອົາບົດລາຍງານຂອງອົງການປົກຄອງແຂວງກ່ຽວກັນການຈັດຕັ້ງປະຕິບັດແຜນພັດທະນາເສດຖະກິດ-ສັງຄັມ ແລະ ແຜນງົບປະມານແຫ່ງລັດຂອງແຂວງ 6 ເດືອນຕົ້ນປີ ແລະ ທິດທາງແຜນວຽກຈຸດສຸມ 6 ເດືອນທ້າຍປີ 2020,ກອງປະຊຸມໄດ້ຮັບຟັງການລາຍງານຂອງພະແນກກະສິກຳ ແລະ ປ່າໄມ້ກ່ຽວກັບການຕີລາຄາຜົນກະທົບຈາກໄພພິບັດທຳມະຊາດ

ການແຜ່ລະບາດຂອງພະຍາດໂຄວິດ 19 ຕໍ່ການຜະລິດກະສິກຳ ແລະ ບັນດາຄາດໝາຍສູ້ຊົນ,ການຮັບຟັງການລາຍງານ ແລະ ປະກອບຄຳເຫັນໃສ່ບົດສະຫຼຸບການເຄື່ອນໄຫວວຽກງານຂອງສະພາປະຊາຊົນແຂວງຊຸດທີ I ໃນ 6 ເດືອນຕົ້ນປີ ແລະ ທິດທາງແຜນວຽກຈຸດສຸມ 6 ເດືອນທ້າຍປີ 2020 ຄຽງຄູ່ກັບການພິຈາລະນາ,ຮັບຮອງເອົາບັນຫາສຳຄັນດັ່ງທີ່ກ່າວມາຂ້າງເທີງນັ້ນໃນໄລຍະດຳເນີນກອງປະຊຸມສະໄໝສາມັນເທື່ອທີ 9 ຂອງສະພາປະຊາຊົນແຂວງວຽງຈັນຊຸດທີ I ໄດ້ມີປະຊາຊົນສົ່ງຄຳຄິດເຫັນຜ່ານໂທລະສັບສາຍດ່ວນທັງໝົດ 20 ສາຍ,ມີ 10 ເລື່ອງເຊິ່ງພົວພັນເຖິງການຄຸ້ມຄອງລັດ-ຄຸ້ມຄອງເສດຖະກິດ-ສັງຄົມ ໃນນີ້ບັນຫາພົ້ນເດັ່ນແມ່ນພົວພັນເຖິງການທົດແທນທີ່ດິນຄືນໃຫ້ແກ່ປະຊາຊົນຈາກການຈັດສັນທີ່ດິນເທດສະບານແຂວງ,ບັນຫານ້ຳໃຊ້ເພື່ອການດຳລົງຊີ

ການໃຊ້ເພື່ອທຳການຜະລິດຢູ່ບ້ານສົມສະຫວາດເມືອງວັງວຽງທີ່ໂຄງການລົດໄຟ ແລະ ທາງດ່ວນຜ່ານ,ບັນຫາການສຳປະທານທີ່ດິນເດີ່ນຕະຫຼາດເກົ່າເມືອງແກ້ວອຸດົມທີ່ບໍ່ມີການກໍ່ສ້າງ ( ເຊັນສັນຍາຈາກລັດແລ້ວແຕ່ການພັດທະນາຕອນດິນດັ່ງກ່າວບໍ່ມີຄວາມຄືບໜ້າ ),ການປ່ອຍນ້ຳເສຍຈາກຟາມລ້ຽງໝູລົງໃສ່ຄອງຊົນລະປະທານເຂດບ້ານຫ້ວຍໂຄ້ງເມືອງແກ້ວອຸດົມທີ່ມີກິ່ນເໜັນພາໃຫ້ປາຕາຍ ແລະ ສັດກໍ່ບໍ່ມີນ້ຳກິນ,ການຖີ້ມຂີ້ເຫຍື້ອຢູ່ຂອບເຂດບ້ານຈັດສັນເມືອງເຟືອງ ແລະ ການຖົມທາງຕັນແລວນ້ຳ ເຮັດໃຫ້ນ້ຳຖ້ວມເນື້ອທີ່ການຜະລິດຂອງໂຄງການກໍ່ສ້າງທາງດ່ວນເຂດບ້ານຄອນແກ້ວເມືອງຫີນເຫີບ ແລະ ຍັງໄດ້ພິຈາລະນາ ແລະ ຍັງຮັບຮອງເອົາການສະເໜີແຕ່ງຕັ້ງເຈົ້າເມືອງ 11 ເມືອງຂອງແຂວງວຽງຈັນ, ຈາກນັ້ນທ່ານ ສົມດີ ແກ້ວດາລາວິນ ກຳມະການພັກແຂວງ ສະມາຊິກສະພາແຫ່ງຊາດ ຮອງປະທານສະພາປະຊາຊົນແຂວງວຽງຈັນໄດ້ຂື້ນຜ່ານເອກະສານຜົນສຳເລັດກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ກອງປະຊຸມໄດ້ພິຈາລະນາຮັບຮອງເອົາບັນຫາສຳຄັນພື້ນຖານຂອງປະເທດຊາດຄື:ຮັບຮອງເອົາບົດລາຍງານຂອງລັດຖະບານກ່ຽວກັບການຈັດຕັ້ັ້ງປະຕິບັດແຜນພັດທະນາເສດຖະກິດ-ສັງຄົມ,ແຜນງົບປະມານແຫ່ງລັດ ແລະ ແຜນເງີນຕາ 5 ເດືອນຄາດຄະເນ 6 ເດືອນຕົ້ນປີ ແລະ ທິດທາງວຽກງານຈຸດສຸມ 6 ເດືອນທ້າຍປີ 2020,ຮັບຮອງເອົາການປັບປຸງກົດໝາຍຈຳນວນ 5 ສະບັບຄື:ການປັບປຸງກົດໝາຍວ່າດ້ວຍພາສີ,ການປັບປຸງບາງມາດຕາຂອງກົດໝາຍວ່າດ້ວຍສະພາແຫ່ງຊາດການປັບປຸງບາງມາດຕາຂອງກົດໝາຍວ່າດ້ວຍສະພາປະຊາຊົນຂັ້ນແຂວງ,ການປັບປຸງບາງມາດຕາຂອງກົດໝາຍວ່າດ້ວຍການເລືອກຕັ້ງສະມາຊິກສະພາແຫ່ງຊາດ ແລະ ສະພາປະຊາຊົນປັບປຸງບາງມາດຕາຂອງກົດໝາຍວ່າດ້ວຍນ້ຳ ແລະ ຊັບພະຍາກອນນ້ຳ ແລະ ກົດໝາຍວ່າດ້ວຍການປົກປັກຮັກສາສີ່ງແວດລ້ອມ,ຮັບຮອງເອົາການເລືອກຕັ້ງແທນກຳມະການຄະນະປະຈຳສະພາແຫ່ງຊາດ ແລະ ແຕ່ງຕັ້ງປະທານກຳມາທິການແຜນການ,ການເງີນ ແລະ ກວດສອບສະພາແຫ່ງຊາດ ແລະ ຮັບຮອງເອົາບົດລາຍງານຜົນການຕິດຕາມກວດກາການຈັດຕັ້ງປະຕິບັດກົດໝາຍກ່ຽວກັບການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ(ການຊອກຄົ້ນສຳຫຼວດ,ຂຸດຄົ້ນ ແລະ ປຸງແຕ່ງແຮ່ທາດ,ຫີນຜາ,ຫີນແຮ່ ແລະ ຊາຍ) ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII

ນີ້ສະພາແຫ່ງຊາດໄດ້ສະເໜີໃຫ້ 5 ພາກສ່ວນປະກອບດ້ວຍກະຊວງການເງີນ,ກະຊວງແຜນການ ແລະ ການລົງທືນ,ກະຊວງກະສິກຳ ແລະ ປ່າໄມ້,ກະຊວງແຮງງານ ແລະ ສະຫວັດດີການສັງຄົມ ແລະ ທະນາຄານແຫ່ງ ສປປລາວ ຂື້ນຊີ້ແຈງຕໍ່ຄຳຊັກຖາມທີ່ໄດ້ຍົກຂື້ນຢູ່ໃນກອງປະຊຸມເປັນຕົ້ນສະພາບການພັດທະນາເສດຖະກິດ-ສັງຄົມໃນເງື່ອນໄຂທີ່ໄດ້ຮັບຜົນກະທົບຈາກການເກີດລະບາດຂອງພະຍາດໂຄວິດ 19, ການສ້າງວຽກເຮັດງານທຳ ເພື່ອຮັບຮອງເອົາແຮງງານລາວທີ່ກັບມາຈາກຕ່າງປະເທດ,ການສົ່ງເສີມການຜະລິດກະສິກຳເພື່ອຮັບປະກັນໃຫ້ການບໍລິໂພກພາຍໃນ ແລະ ສົ່ງອອກ,ບັນຫາການສົ່ງເສີມການຜະລິດຂະໜາດນ້ອຍຂະໜາດກາງ,ບັນຫາການຄິດໄລ່ລາຄາໄຟຟ້າທີ່ມີລາຄາສູງ,ບັນຫາການແລກປ່ຽນເງີນຕາຕ່າງປະເທດ ແລະ ບັນຫາອື່ນໆອີກຈຳນວນໜື່ງ.

ພ້ອມກັນນັ້ນກອງປະຊຸມຍັງໄດ້ຮັບຟັງແລະ ປະກອບຄຳເຫັນຕໍ່ບົດລາຍງານການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງແຜນການເຄື່ອນໄຫວວຽກງານຮອດກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີ IX ຄຽງຄູ່ກັບການພິຈາລະນາ ແລະ ຮັບຮອງເອົາບັນຫາສຳຄັນດັ່ງກ່າວມາຂ້າງເທີງນັ້ນ,ໃນໄລຍະດຳເນີນກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດຊຸດທີ VIII ມີປະຊາຊົນບັນດາເຜົ່າສົ່ງຄຳຄິດເຫັນຜ່ານໂທລະສັບສາຍດ່ວນ

( 156 )ຫຼາຍກ່ວາ 479 ສາຍສາມາດສັງລວມໄດ້ເປັນ 72 ບັນຫາມາຍັງກອງປະຊຸມແຫ່ງຊາດໃນນີ້ບັນຫາທີ່ພົ້ນເດັ່ນ ແມ່ນພົວພັນເຖີງຄ່າໄຟຟ້າແພງ,ບັນຫາທີ່ດິນ,ການກໍສ້າງເສັ້ນທາງ,ການຄຸ້ມຄອງແລກປ່ຽນເງິນຕາ,ການແກ້ໄຂບັນຫາຢາເສບຕິດ ແລະ ການປະຕິບັດຄຳຕັດສິນຂອງສານ ບັນຫາດັ່ງກ່າວກອງເລຂາກອງປະຊຸມຈະໄດ້ສັງລວມ ແລະ ມອບໃຫ້ກຳມາທິການທີ່ກ່ຽວຂ້ອງຄົ້ນຄ້ວາແກ້ໄຂໃຫ້ຖຶກຕ້ອງສອດຄ່ອງຕາມກົດໝາຍ ແລະ ລະບຽບການ.

ຂ່າວເມືອງແມດ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930