Tue. Sep 29th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ແນວລາວສ້າງຊາດເມືອງແກ້ວອຸດົມສຳເລັດກອງປະຊຸມໃຫຍ່ຄັ້ງທີVl

1 min read

ແນວລາວສ້າງຊາດເມືອງແກ້ວອຸດົມສຳເລັດກອງປະຊຸມໃຫຍ່ຄັ້ງທີVl


ໃນວັນທີ 24 ສິງຫາ 2020 ຜ່ານມານີ້ ຢູ່ທີ່ສະໂມສອນຂອງເມືອງແກ້ວອຸດົມ ຫ້ອງການແນວລາວສ້າງຊາດເມືອງແກ້ວອຸດົມແຂວງວຽງຈັນໄດ້ເປີດກອງປະຊຸມໃຫຍ່ຄັ້ງທີ Vl ຂອງຕົນຂື້ນຢ່າງເປັນທາງການ

ພາຍໃຕ້ການເປັນປະທານຂອງທ່ານ ນາງ ບົວໄລ ອຸດົມ ຮອງເລຂາພັກເມືອງ ປະທານແນວລາວສ້າງຊາດເມືອງແກ້ວອຸດົມ ໂດຍເປັນກຽດເຂົ້າຮ່ວມຂອງທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ປະທານແນວລາວສ້າງຊາດແຂວງວຽງຈັນ ມີທ່ານ ເທບພະໄທ ແກ້ວເຂັມເພັດ ກຳມະການພັກແຂວງ ເລຂາພັກເມືອງ ເຈົ້າເມືອງໆແກ້ວອຸດົມ ມີຄະນະປະຈຳພັກເມືອງ ກຳມະການພັກເມືອງ ມີພະນັກງານອາວຸໂສບໍານານ ມີຄະນະກຳມະການແນວລາວສ້າງຊາດຂັ້ນເມືອງ-ຂັ້ນບ້ານ ພ້ອມດ້ວຍເຖົ້າແກ່ແນວໂຮມບ້ານພາຍໃນເມືອງແກ້ວອຸດົມເຂົ້າຮ່ວມທັງໝົດ 98 ຄົນ,ຍີງ 18 ຄົນ ແລະ ພະສົງ 1 ອົງ.

ໃນກອງປະຊຸມທ່ານ ນາງ ບົວໄລ ອຸດົມ ຮອງເລຂາພັກເມືອງ ປະທານ ແນວລາວສ້າງຊາດເມືອງແກ້ວອຸດົມ ໄດ້ຂື້ນຜ່ານບົດລາຍງານການເມືອງ 02 ພາກຂອງຄະນະກຳມະການແນວລາວສ້າງຊາດເມືອງແກ້ວອຸດົມສະໄໝທີ V ເຊີ່ງສະແດງອອກໃນໄລຍະຜ່ານມາ ທົ່ວເມືອງແກ້ວອຸດົມ ມີ 26 ບ້ານ,ມີ 3.834 ຄອບຄົວ,ມີ 238 ໝ່ວຍສາມັກຄີ,ມີພົນລະເມືອງທັງໝົດ 19.351 ຄົນ,ເປັນຍິ່ງ 9.749 ຄົນ ພົນລະເມືອງສ່ວນລາຍແມ່ນຄົນພື້ນຖານ ແລະ ອີກຈຳນວນໝື່ງແມ່ນຍົກຍ້າຍມາຈາກແຂວງຊຽງຂວາງ, ຫຼວງພະບາງ ແລະ ແຂວງຫົວພັນ, ປະຊາຊົນບັນດາເຜົ່າເຄີຍມີມູນເຊື້ອເປັນບ້ານພື້ນຖານການປະຕິວັດ, ມີຄວາມສາມັກຄີຮັກແພງຊ່ວຍເຫຼືອເຊີ່ງກັນ ແລະ ກັນ, ດຸໝັ່ນຂະຫຍັນພຽນ, ມີຮີດຄອງປະເພນີອັນດີງາມ, ຄະນະກຳມະການແນວລາວສ້າງຊາດຂັ້ນເມືອງໄດ້ສົມທົບກັບພາກສ່ວນທີ່ກຽ່ວຂ້ອງ, ເອົາໃຈໃສ່ໂຄສະນາສຶກສາອົບຮົມການເມືອງແນວຄິດ, ຫັນປຽ່ນຈີນຕະນາການຂອງພະນັກງານສະມາຊິກພັກ ແລະ ເອົາໃຈໃສ່ເຮັດວຽກງານແນວຄິດຕໍ່ປະຊາຊົນບັນດາເຜົ່າ,

ຊັ້ນຄົນ, ສາດສະໝາ ແລະ ເພດໄວດ້ວຍຫຼາຍຮູບ, ຫຼາຍວິທີເຊັ່ນ: ຈັດຕັ້ງປາຖະກະຖາເລົ່າມູນເຊື້ອວັນສຳຄັນຂອງຊາດ, ຂອງພັກ, ມູນເຊື້ອອັນສະຫງ່າອົງອາດຂອງແນວລາວອິດສະຫຼະ ແລະ ແນວລາວຮັກຊາດໃນເມື່ອກ່ອນກໍ່ຄືແນວລາວສ້າງຊາດໃນປະຈຸບັນ ແລະ ຜົນງານຕ່າງໆຂອງແນວລາວສ້າງຊາດບັນດານິຕິກຳຈຳນວນໝື່ງທີ່ພົວພັນເຖີງພາລະບົດບາດ, ຂອບເຂດສິດຂອງແນວລາວສ້າງຊາດຂັ້ນເມືອງ ແລະ ບ້ານ, ຍົກສູງມະຕິຕໍ່ກົນອຸບາຍຂອງພວກກຸ່ມຄົນບໍ່ຫວັງດີໃນການສວຍໄຊ້ສາດສະໝາ ແລະ ອື່ນໆ.


ຫຼັງຈາກນັ້ນບັນດາຜູ້ແທນທີ່ເຂົ້າຮ່ວມໃນກອງປະຊຸມກໍ່ໄດ້ຜັດປຽ່ນກັນຂື້ນປະກອບຄຳຄິດຄຳເຫັນໃສ່ຮ່າງບົດລາຍງານການເມືອງດັ່ງກ່າວ ເພື່ອຊອກໃຫ້ເຫັນໄດ້ເຊີ່ງດ້ານດີ,ດ້ານອອ່ນ ແລະ ຂໍ້ຄົງຄ້າງ ເພື່ອວາງວິທີທາງແກ້ໄຂໃນຊຸມປີຕໍ່ໝ້າ.


ໃນກອງປະຊຸມທ່ານ ນາງ ດາວວອນ ສີວົງໄຊ ຄະນະປະຈຳພັກເມືອງ ຫົວໝ້າ ຄະນະຈັດຕັ້ງເມືອງແກ້ວອຸດົມ ກໍ່ໄດ້ໃຫ້ກຽດຂື້ນຜ່ານມະຕິຕົກລົງເລກທີ 95/ ຄປພ.ກດ ລົງວັນທີ 18 ສິງຫາ 2020 ວ່າດ້ວຍ:ການແຕ່ງຕັ້ງຄະນະກຳມະການແນວລາວສ້າງຊາດເມືອງແກ້ວອຸດົມສະໄໝທີ Vl ເຊີ່ງປະກອບມີ 21 ທ່ານ,ຍີງ 6 ທ່ານ,ໃນນັ້ນໄດ້ແຕ່ງຕັ້ງທ່ານ ນາງ ດາວວອນ ສີວົງໄຊ ຄະນະປະຈຳພັກເມືອງເປັນປະທານແນວລາວສ້າງຊາດເມືອງ ພ້ອມດ້ວຍຮອງປະທານ 02 ທ່ານ.ຄື ທ່ານ ນາງ ສົມພອນ ເພັດວົງສານ ເປັນຮອງປະທານ ,ທ່ານ ອຸທິດ ບຸດສະບາ ເປັນຮອງຫປະທານ.ໃນໂອກາດດັ່ງກ່າວ ທ່ານ ທອງສະຫວັນ ວົງສຳພັນ ຄະນະປະຈຳພັກແຂວງ ປະທານ ແນວລາວສ້າງຊາດແຂວງວຽງຈັນ ຍັງໄດ້ມອບຄອມພີວເຕີ ແລະ ເງີນຊຸກຍູ້ກອງປະຊຸມຈຳນວນໝື່ງ,


ໃນຕອນທ້າຍກອງປະຊຸມຍັງໄດ້ຮັບຟັງການໂອ້ລົມຂອງທ່ານ ທອງສະຫວັນ ວົງສຳພັນ ເຊີ່ງກ່ອນອື່ນທ່ານໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຄະນະກຳມະການແນວລາວສ້າງຊາດທີ່ໄດ້ມີຜົນງານຫຼາຍດ້ານໃນໄລຍະຜ່ານມາເປັນຕົ້ນແມ່ນເປັນເຈົ້າການໃນການເຕົ້າໂຮມຄວາມສາມັກຄີປະຊາຊົນບັນດາເຜົ່າຢູ່ພາຍໃນເມືອງໃຫ້ມີຄວາມແໝ້ນແຟ້ນເຂັ້ມ ແຂງ, ເຊື່ອໝັ້ນຕໍ່ການນຳພາຂອງພັກ-ລັດ,ເຮັດໃຫ້ບ້ານເມືອງມີຄວາມສະຫງົບສັງຄົມມີຄວາມເປັນລະບຽບຮຽບຮ້ອຍ,

 

ພ້ອມນັ້ນທ່ານຍັງໄດ້ເໝັ້ນໝັກໃຫ້ຄະນະກຳມະການແນວລາວສ້າງຊາດຊຸດໃໝ່ຈົ່ງເພີ້ມທະວີຮັດແໝ້ນຄວາມສາມັກຄີທົ່ວພັກທົ່ວປວງຊົນໃຫ້ເປັນຈິດໝື່ງໃຈດຽວກັນ,ເອົາໃຈໃສ່ປະສານສົມທົບຢ່າງກົມກຽວກັບບັນດາອົງການຈັດຕັ້ງພາຄີໂດຍສະເພາະແມ່ນການນຳພັກ-ລັດ,ການປະຕິບັດໝ້າທີ່ວຽກງານ,ຕ້ອງປະຕິບັດຕາມຫຼັກການລວມສູນປະຊາທິປະໄຕເປັນໝູ່ຄະນະ ພ້ວມກັນອອກແຮງງານແຂ່ງຂັນສ້າງຂະບວນການຂຳນັບຮັບຕ້ອນກອງປະຊຸມໃຫຍ່ອົງຄະນະພັກແຂວງວຽງຈັນຄັ້ງທີ Vl ແລະ ວັນສຳຄັນຕ່າງໆຂອງພັກຂອງຊາດໃຫ້ເປັນຂະບວນການຟົດຟື້ນອີກດ້ວຍ.

ຂ່າວ:ສຸກັນ ນັນທະວົງ

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930