Fri. Sep 18th, 2020

Viengchanh News

ຂ່າວວັນນີ້ ຂ່າວບັນເທີງ ຂ່າວກິລາ ຂ່າວລາວ ຂ່າວວຽງຈັນ

ຄະນະໂຄສະນາອົບຮົມສູນກາງພັກລົງຢ້ຽມຢາມແລະເຮັດວຽກຢູ່ແຂວງວຽງຈັນ

1 min read

ຄະນະໂຄສະນາອົບຮົມສູນກາງພັກລົງຢ້ຽມຢາມແລະເຮັດວຽກຢູ່ແຂວງວຽງຈັນ.


ຄະນະໂຄສະນາຮົມສູນກາງພັກເຊິ່ງນຳໂດຍ ທ່ານ ຄຳພັນ ພົມມະທັດ ກຳມະການກົມການເມຶອງສູນກາງພັກເລຂາທິການສູນກາງພັກ ຫົວໜ້າຄະນະໂຄສະນາຮົມສູນກາງພັກ ຫົວໜ້າອານຸກຳມະການເນື້ອໃນກອງປະຊຸມໃຫຍ່ ຄັ້ງທີ່ 11 ຂອງພັກ ພ້ອມດ້ວຍຄະນະ ໄດ້ລົງຢ້ຽມຢາມແລະເຮັດວຽກຢູ່ແຂວງວຽງຈັນ

ເປັນກຽດຕ້ອນຮັບໂດຍ ທ່ານ ລຳໄມ ກູດລາວົງ ກຳມະການພັກແຂວງຫົວໜ້າຄະນະໂຄສະນາຮົມແຂວງວຽງຈັນ ພ້ອມດ້ວຍຄະນະ.


ໃນໂອກາດນີ້ ທ່ານ ລຳໄມ ກູດລາວົງ ກຳມະການພັກແຂວງ ຫົວໜ້າ ຄະນະໂຄສະນາຮົມ ແຂວງວຽງຈັນ ຍັງໄດ້ຂຶ້ນລາຍງານຫຍໍ້ໃນການຈັດຕັ້ງປະຕິບັດວຽກງານໃນໄລຍະຜ່ານມາເຊີ່ງສາມາດຍາດໄດ້ຜົນງານໃນຫຼາຍດ້ານເປັນຕົ້ນແມ່ນໄດ້ສຶກສາອົບຮົມການເມືອງແນວຄິດໃນຖັນແຖວພະນັກງານຄະນະໂຄສະນາອົບຮົມແຂວງວຽງຈັນພ້ອມທັງເປັນເຈົ້າການເຜີຍແຜ່ມະຕິຄຳສັ່ງຕ່າງຕ່າງຂອງພັກກໍຄືຂັ້ນເທິງວາງອອກໄດ້ເປັນຢ່າງດີ ແລະດຳເນີນການຈັດຕັ້ງປາຖະກາຖາວັນສຳຄັນຕ່າງໆຂອງພັກຂອງຊາດ,ພ້ອມທັງເຊື່ອມຊຶມນິຕິກຳກ່ຽວກັບການກະກຽມແລະດຳເນີນກອງຊຸມໃຫຍ່ 3 ຂັ້ນໃຫ້ທຸກພາກສ່ວນມີຄວາມກະຕື້ລືລົ້ນໃນການປັບປຸງພາຍໃນພັກກໍຄືການປົກຄອງແຕ່ລະຂັ້ນເພື່ອກະກຽມໃຫ້ແກ່ການດຳເນີນກອງປະຊຸມໃຫຍ່ຄັ້ງທີ່ 6 ຂອງອົງຄະນະພັກແຂວງວຽງຈັນທີ່ຈະໄດ້ໄຂຂຶ້ນໃນຕໍ່ໜ້າ.


ໃນໂອກາດນີ້ຍັງໄດ້ຮັບຟັງການໂອ້ລົມຂອງ ທ່ານ ຄຳພັນ ພົມມະທັດ ກຳມະການກົມການເມືອງສູນກາງພັກເລຂາທິການສູນກາງພັກ ຫົວໜ້າຄະນະໂຄສະນາຮົມສູນກາງພັກ ຫົວໜ້າອານຸກຳມະການເນື້ອໃນກອງປະຊຸມໃຫຍ່ ຄັ້ງທີ່ 11 ຂອງພັກ ກ່ອນອື່ນທ່ານໄດ້ກ່າວຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຜ່ານມາພ້ອມທັງໃຫ້ທິດຊີ້ນຳຕໍ່ຄະນະໂຄສະອົບຮົມແຂວງວຽງຈັນໃຫ້ເພີ້ມໃນການເປັນເຈົ້າການເຜີຍແຜ່ແນວທາງນະໂຍບາຍຂອງພັກ,ບັນດາມະຕິ,ຄຳສັ່ງ,ຂໍ້ກຳນົດກົດລະບຽບຕ່າງໆໂດຍສະເພາະແມ່ນມະຕິ 10 ຂອງພັກ,ມະຕິ 5 ຂອງອົງຄະນະພັກແຂວງວຽງຈັນເພື່່ອເຮັດໃຫ້ບັນດາຖັນແຖວສະມາຊິກພັກພະນັກງານໃນແຕ່ລະຂົງເຂດເຊື່ອມຊຶມກຳໄດ້ຕໍ່ແນວທາງອັນປ່ຽນແປງໃໝ່ຂອງພັກຢ່າງຮອບດ້ານເພື່ອເຮັດໃຫ້ແນວ

ຄິດ,ຈິນຕະນາການຂອງຖັນແຖວສະມາຊິກພັກບັນລຸໄດ້ຕາມເປົ້າຫມາຍທີ່ຂັ້ນເທິງວາງໄວ້ ພ້ອມນີ້ທ່ານຍັງໄດ້ເນັ້ນໃຫ້ສະມາຊິກພັກແຕ່ລະສະຫາຍໃນຖັນແຖວຄະນະໂຄສະນາແຂວງວຽງຈັນຈົ່ງເອົາໃຈໃສ່ໃນການວິເຄາະບັນຫາທີ່ຍັງເປັນຂໍ້ຄົງຄ້າງເພື່ອພ້ອມກັນແກ້ໄຂໃຫ້ທັນກັບສະພາບການ ແລະ ທັນເວລາ ພ້ອມທັງເປັນເສນາທິການໃຫ້ແກ່ຄະນະພັກ ໃນບັ້ນກະກຽມ ແລະ ດຳເນີນກອງປະຊຸມໃຫຍ່ຄັ້ງທີ VI ຂອງອົງຄະນະພັກແຂວງວຽງຈັນທີ່ຈະໄຂຂຶ້ນໃນຕໍ່ຫນ້າ.

ສະແດງຄວາມຄິດເຫັນ

Leave a Reply

Your email address will not be published. Required fields are marked *

ປະຕິທິນ

September 2020
M T W T F S S
 123456
78910111213
14151617181920
21222324252627
282930